“Txingudi” taldeak BERTSOTRUK dinamikan parte hartuko du
Helduen bertso-eskolen arteko harremanak sustatu asmoz antolatu da Bertsotruk egitasmoa.
Euskal Herriko Helduen Bertso Eskolen Batzordeak jarri du abian eta 26 bertso-eskolek eman dute parte hartzeko izena. 26 bertso-eskola horien artean multzoak osatu dira, guztira 9 multzo (3 bertso-eskolako 8 multzo eta 2 bertso-eskolako multzo bat).
Bertso-eskola bakoitzak bere multzoko beste biak hartuko ditu etxean, eta beste bi herrietako bertso-eskolek antolatutako ekitaldietara joango da. Emanaldia edozein motatakoa izan daiteke: bertso-saio formala, bertso-bazkaria, bertso-antzerkia, bertso-jolasen bat…
Xenpelar Dokumentazio Zentroaren BDB atariaren bitartez eta Bertsoa sareko plazaren bidez emango dute bertso-eskolek agendaren eta saioen informazioaren berri.
2015eko azarotik 2016ko maiatzera bitarte izango da Bertsotruk.
Hauek dira multzoak:
- ALBE – Debagoiena – Lesaka
- Barañain – Durangaldea – Zarautz
- Mungia/Larrabetzu – Oñati – Sakana
- Gernika-Lumo – Harituz – Lekunberri/Leitza
- Enkarterri – Erniarraitz – IEH
- Agurain – Gabiri – Lasarte-Oria
- Aramaio – Hernani – Zumarraga/Urretxu
- Goierri – Kakiturri – Txingudi
- Markina-Xemein – Orio
Irunabar, Irungo bertsoaren bilgunea 