2015-2016 ikasturteko Kabigorriko bertso-gauetako bertso sortak
Hemen dituzue irakurtzeko moduan 2015-2016 ikasturtean Kabigorriko berts-gauetako bat-bateko saioen aurretik Irunabarreko hainbat kide eta lagunek ondu eta kantatutako bertso-sortak.
Irunabar, Irungo bertsoaren bilgunea
Archive for the tag “Exteban Martiarena”
Azaroak 5, Kabigorriko bertso gaua
Azaroko Kabigorriko bertso gaua hilaren 5ean izango da, arratsaldeko 19:30etatik aurrera. Bat-bateko saioan kantari Iñigo Ugarte irundarra, Maider Arregi oñatiarra, Miren Artetxe hendaiarra eta Aimar Karrika auriztarra ariko dira. Gai-jartzaile lanak Zuhaitz Olazabal irundarrak hartuko ditu bere gain, eta saio aurreko bertso jarriak Exteban Martiarena oiartzuarraren eskutik helduko zaizkigu.
Anima zaitezte, saioa entzutera lehenik, eta afaltzera saioa eta gero, Kabigorrik aukera paregabea eskaintzen baitu horretarako.
Azaroko protagonisten argazkiekin batera, urriko saioko beste zenbait eskaintzen dizkizuegu, oholtza gainean izan zen giro paregabearen erakusgarri.
Apirilaren 9an, Kabigorriko hurrengo bertso gaua
Hiru bertso gau eder eta bero ditugu oraindik gozatzeko ikasturtea bukatu aurretik, apiriletik ekainera bitarteko hirurak, hain zuzen ere. Apirilaren 9an, arratsaldeko 19:30etatik aurrera, Iñigo Ugarte irundarra, Maddi Sarasua itsasuarra, Patxi Castillo beratarra eta Unai Gaztelumendi añorgarra ariko dira bertsotan. Gotzon Aizpiolea irundarrak jarriko dizkie gaiak lau bertsolariei, eta Exteban Martiarena oiartzuarraren eskutik joango dira bat-bateko saioaren aurreko bertso jarriak.
Anima zaitezte! Eta kontuan hartu Kabigorrik saioa eta gero ederki asko afaltzeko aukera eskaintzen digula ostegunero.
Kabigorriko ostegunetako bertso gauak: urteko azkena, abenduaren 4an
Abenduaren 4an izango da hurrengo Kabigorriko bertso gaua, hileko lehen ostegunarekin batera, ohitura den moduan. Honako honetan, Abel Zabala irundarrak, Iraitz Mateo eta Arkaitz Oiartzabal “Xamoa” oiartzuarrek eta Egoitz Zelaia hendaiarrak kantatuko dute (azken hau, saiora ezin etorriko den Aitor Albisturren ordezko gisa), Exteban Martiarena oiartzuarraren esanetara. Saioa arratsaldeko 19:30etan hasiko da Zuhaitz Olazabal irundarraren bertso jarriekin. Segidan, bat-bateko saioa osatuko dute arestian aipatu lau bertsolariek, eta saioa eta gero, dakizuen bezala, afaltzen geratzeko aukera paregabea eskaintzen du Kabigorrik, beraz, aprobetxatu.
Hilabete honetako saioa, gainera, Irungo “Euskararen Egunak” herri ekimenaren egitarauan txertaturik doa, eta halakoetan egin ohi dugun gisan, tratamendu berezia emango diegu jan-edan kontuei. Badakizue zertaz ari garen, ezta?
Tira, bada; aitzakiarik ez da urteko azken bertso gauari uko egiteko.
Bertan izango gaituzue zain.
Irun eta Oiartzungo bertsolariak Hondarribiko Txotx Egunean
Zortzi urte dira Hondarribiko Olagarro Kultur Elkarteak Sagardo Eguna antolatzen duela (aurtengoa, lehendabizikoz, Txotx Eguna izan bada ere). Uztailaren 26an izan da aurtengoa, larunbatarekin, eta orain artean Santiago kalean antolatu izan duten arren, 2014an Gipuzkoa plaza izan dute kupelen eta aldarrikapenen agertoki. Olagarrokoak Txingudiko bertso eskolarekin jarri ziren harremanetan, Txotx Egunari irekiera bertsotan emateko aukerarik izango ote zen galdezka, eta hantxe izan ziren kantuan Abel Zabala eta Aitor Errazkin irundarrak eta Exteban Martiarena oiartzuarra.
Horratx 2014. urteko Hondarribiko Txotx Eguneko argazki batzuk, Olagarroko lagunek bidaliak.
Ekaineko Kabigorriko bertso gaua, ikasturteko azkena
Ekainaren 5ean izango da ikasturte honetako Kabigorriko azken Bertso Gaua, Kabigorri ostatuan bertan, nola ez, arratsaldeko 19:30etatik aurrera. Azken bertso saioko laukotea honako bertsolariek osatuko dute: Manolo Arozenak, Joxe Juan Oiarzabal “Gurdiya”-k, Juan Mari Lopezek eta Joxe Juan Zubieta “Etxabe”-k. Gai jartzaile lanetan Exteban Martiarena oiartzuarra ariko da.
Gogoan izan saio ostean afaltzen geratzeko aukera paregabea eskaintzen duela Kabigorrik.
Tira ba, bertsozale, honenbestez, 2013-2014 ikasturteari dagozkion Kabigorriko Bertso Gauak ekainaren 5ean amaituko dira. Hala ere, urrian bueltan izango gara berriz, ikasturte berri bati bertsoz ekiteko asmoz.
Egia esan, antolatzaileok zinez eskertuta gaude Irungo eta inguruetako bertsozaleok ekimen honi eman diozuen babesagatik. Herritik sortua herriari eskaini nahian abiatu ginen abentura honetan, eta zuen partetik errespetua, esker ona, eta jarrera eredugarria erruz jaso izana plazer handi bat izan da. Bejondeizuela eta eskerrik asko, bihotzez.
Eskerrak ere Kabigorri Ostatuari hilero bere goxotasunera biltzeko aukera emateagatik, eta behin epelera bilduta, eman digun tratu zoragarriarengatik.
Eskerrak ere ekimen honetan modu batean zein bestean parte hartu duzuen bertsolari, gai jartzaile zein laguntzaile guztioi. Eta esker bereziak Patxi eta Juleni, saio guztiak grabatzera etortzeagatik.
Ostegunera arte, beraz, bertsozale; eta amaitzeko, gorago aipatutako kontutxo bat berretsi besterik ez: urrian bueltan izango gaituzue.
Izan ongi!
Iñigo Ugarte txapeldun Hernaniko Tabernetako Bertsolari Txapelketan
Iñigo Ugartek bigarrenez jantzi du txapela Hernaniko Tabernetako Bertsolari Txapelketan, Oier Iurramendi hernaniarrarekin buruz-burukoa jokatu eta gero. Txingudiko bertso eskolako eta Irunabar-eko kide da Iñigo. Urtarrilaren 19an jokatu ohi da txapelketa berezi hau, San Sebastian bezperan, eta 20. edizioa izan du aurtengoa. Iñigorekin batera, hantxe aritu zen Exteban Martiarena oiartzuarra ere, Garin tabernako oholtzan kantuan, Txingudiko bertso eskolako irakasle lanetan hainbat urtez aritu izan dena. Bejondeizuela bioi!
Zorionak, Iñigo!
“Hitza Jolas” irratsaioko “bederatzikoa” Irunera iritsi da
Hitza Jolas irratsaioaren zale bazarete, jakingo duzue bederatzikoa Irunera iritsi dela, Irungo helduen bertso eskolan irakasle lanetan dabilen Exteban Martiarena oiartzuarraren ahotik. Mila esker, Exte, gurekin gogoratzeagatik. Datorren igandean jasoko duzu erantzuna!
Azken erantzunak
Bertso-bazkari musik…(e)k Bertso bazkari musikatua Katea… bidalketan Anonimoa(e)k Talaiako bertso eskolakoen gab… bidalketan Xenpelar Dokumentazi…(e)k Ombuaren itzala: Pello Mari Ot… bidalketan
Irunabar, Irungo bertsoaren bilgunea 