Irunabar, Irungo bertsoaren bilgunea

Archive for the tag “‘Euskararen Egunak’”

22 Aza 2016

Abenduaren 1ean, urteko azken bertso gaua

Abenduaren 1ean izango da urteko azken bertso gaua, ikasturteko hirugarrena: bertan, Alaia Martin, Miren Artetxe eta Egoitz Zelaia bertsolariak ariko dira Eneko Sanchez, Oinatz Mitxelena eta Zuhaitz Olazabal gai-jartzaileen aginduetara. Bertsolari beste gai-jartzaile, beraz. Bertso jarriak Aitor Errazkinen eskutik helduko dira, eta Aritz Erasun eta Aitziber Arruabarrena trikitilarien laguntza izango du.

Abenduko Kabigorriko bertso-gaua “Irungo Euskararen Egunak” herri-ekimenaren egitarauan txertatuta dago.

This slideshow requires JavaScript.

Posted in Berriak and tagged ,,,,,,,,,, | Utzi iruzkina
13 Abe 2015

Irunabar, Euskararen Egunak ekimenarekin

Irunabar, Irungo bertsoaren bilguneak Euskararen Egunak herri ekimenean parte hartu du aurtengoan ere. Izan ere, Irungo hainbat eragilek elkar hartzen du Euskararen Nazioarteko Egunaren jiran, eta aprobetxatzen dute euskararen alde jarduerak antolatzeko zein elkarteen arteko elkarlana sustatzeko. Hala, Irunabarrekook, aurten, Kabigorriko osteguneko saioa Euskararen Egunak-eko egitarauan sartzeaz gainera, Auntxa trikitixa eskolarekin, Irungo Musika Eskolarekin eta Txorimaloak soinu taldearekin aritu gara elkarlanean, honako ekintzak aurrera ateratzen gure aletxoa jartzen:

2015-11-27 > Triki bertso poteoa, Irungo Urdanibia Plazatik abiatuta: Aia taberna, Txalaka sagardotegia, Irungo Atsegiña, Urdanibia taberna eta Hazia Elkartea. Iñigo Ugarte, Abel Zabala, Julen Zelaieta eta Aitor Errazkin.

This slideshow requires JavaScript.

2015-11-29 > Euskararen Egunak emanaldia, Irungo Txorimaloak Soinu Taldeak antolatua. Aitor Errazkin eta Egoitz Zelaia

This slideshow requires JavaScript.

2015-12-03 > Kabigorriko bertso gauak. Karlos Aizpurua, Jon Martin, Patxi Castillo eta Aitor Errazkin.

This slideshow requires JavaScript.

Posted in Besterik and tagged ,,,,,,,,,,, | Utzi iruzkina
01 Abe 2015

Abenduak 3, Kabigorriko bertso gaua, 19:30etik aurrera

“Euskararen Egunak” herri ekimenaren baitan ospatuko dugu 2015eko azkirungo euskararen egunaken Kabigorriko bertso gaua, Euskararen Nazioareteko Egunarekin.

Patxi Castillo beratarra, Jon Martin eta Karlos Aizpurua oiartzuarrak eta Aitor Errazkin irunadarra ariko dira kantuan, Joxeja Zabalo irundarraren aginduetara, azken honek egingo baititu gai-jartzaile lanak. Bestalde, bat-bateko saioaren aurretik, Egoitz Zelaia hendaiarrak bertso jarriak kantatuko ditu.

This slideshow requires JavaScript.

Gogoan izan Kabigorrik aukera aparta eskaintzen duela saioa eta gero afaltzen geratzeko. Aprobetxa dezagun!

Posted in Berriak,Bertso saioa and tagged ,,,,,,, | Utzi iruzkina
12 Aza 2015

Irunabar, “Euskararen Egunak” ekimenean parte hartzen

Hirugarren urtez jarraian ari gara aurtengoan ere Euskararen Egunak herri ekimenean parte hartzen.

  • Aurtengoan, azaroaren 27an bertso poteoan abiatuko gara Urdanibia plazatik, Auntxa Trikitixa Eskola eta Irungo Musika Eskolakoekin batera, arratsaldeko 19:00etan.
  • Azaroaren 29an, aldiz, Amaia antzokian izango gara, Txorimaloak Soinu Taldeak antolatutako ikuskizun berezian gure aletxoa jartzen, eguerdiko 12:00etatik aurrera.
  • Eta abenduaren 3an, aldiz, Kabigorri Bidasoaldeko Ateneoan, Kabigorriko bertso gauak antolatzen.

Batean edo bestean elkar ikusiko dugulakoan,

Segi ongi!

Posted in Berriak and tagged | Utzi iruzkina
19 Aza 2013

IRUNGO EUSKARAREN EGUNAK

Kaixo, bertsozale:

Azaroa ere aurrera doakigu, eta abenduaren hasierak berekin dakar Euskararen Nazioarteko Eguna. Egun honen harira zenbait ekitaldi antolatu dira, eta guztiak “Irungo Euskararen Egunak” herri ekimenera bildu.

Irunabar (Irungo Bertsoaren Bilgunea), beste hainbat eragilerekin batera, “Irungo euskararen egunen” antolakuntzan ari da.

Joan den astean EKTn antolatu zen bertso-afariaren berri eman genizuen, eta atxikita doakizuen kartelean ikus dezakezuen bezala, huraxe izan zen “Irungo Euskararen Egunak” ekimenaren lehen ekitaldia. Aste honetan bertan ere bada zertan parte hartu, eta abenduaren 5a bitarte ez da horretarako aukerarik faltako.

Atxikita doakizue, beraz, “Irungo Euskararen Egunak” ekimenetik antolatu diren ekitaldien berri ematen duen kartela. Guri dagokigunez, aurrerago helaraziko dizuegu abenduaren 5erako Kabigorrin antolatua dagoen bertso-saioaren inguruko informazio gehiago.

EUSKARAREN EGUNAK KARTELA

Euskararen Egunetan elkar ikusiko dugulakoan,

Ongi izan

Posted in Besterik and tagged ,, | Utzi iruzkina
28 Aza 2012

Euskararen astea Irunen

Abenduaren 3a, astelehena, euskararen nazioarteko eguna da. Aurreko astebururako, ekitaldi mordoa antolatu du Irungo elkarte desberdinetako jende multzo batek. Antolatutako ekitaldien artean, abenduaren 2ko BERTSO SAIOA duzue. Bertan, Irungo bertso eskolako bi kidek kantatuko dute: Manu Goioganak eta Iñigo Ugartek.

Anima zaitezte ekimenetan parte hartzera!

Posted in Berriak and tagged ,,,,, | Utzi iruzkina

Post Navigation