Azken Kabigorriko Bertso-Gaueko argazki bilduma [2022-12-01]
Kaixo, bertsozale.
Hainbeste saioren ondoren, abenduaren lehenean egin genuen proiektu handi honen azken saioa. Jarraian gauak emandako zenbait irudi.
Irunabar, Irungo bertsoaren bilgunea
Archive for the tag “kabigorriko bertso-gauak”
Kabigorriko bertso-gauak bertan behera berriz ere
2020-2021 ikasturteko urriko bertso-gaua aurrera ateratzea lortu bagenuen ere, azarokoa ere bertan behera utzi behar izan dugu, joan den ikasturteko apirileko, maiatzeko eta ekaineko bertso-gauak bezalaxe. Motiboa, COVID-19ak eragindako egoera, bistan da.
Egoerak aukera eman bezain laster saiatuko gara bertso-gauak berriz ere martxan jartzen. Bien bitartean, zaindu eta laster arte.
Kabigorriko martxoko Bertso-gaua [2020-03-05]
Kaixo, bertsozale:
Badator aurtengo hirugarren Kabigorriko bertso-gaua ere, ikasturteko seigarrena. Martxoaren 5an izango da 19:30ean hasita. Bertan ariko dira kantuan Nahikari Gabilondo zarauztarra, Aitor Sarriegi beasaindarra, Iñigo Ugarte irundarra eta Ane Zuazubiskar arrasatearra. Saioaren gidaritza Gotzon Aizpiolea irudarraren esku egongo da. Hilero legez, saioaren aurretik bertso jarriak izango ditugu, honakoan Xabier Isasi hondarribiarraren bitartez.
Gogoan izan Kabigorrik afaltzeko aukera bikaina eskaintzen duela.
Bertan ikusiko dugulakoan,
Anima zaitezte!
Kabigorriko otsaileko Bertso-gaua [2020-02-06]
Kaixo, bertsozale:
Badator aurtengo bigarren Kabigorriko bertso gaua ere, ikasturteko bosgarrena. Otsailaren 6an izango da 19:30ean hasita. Bertan ariko dira kantuan Abel Zabala irundarra, Jokin Bergara eibartarra, Maider Arregi oñatiarra eta Iñigo Mantzizidor “Mantxi” zarauztarra. Saioaren gidaritza Iñigo Ugarte irudarraren esku egongo da. Hilero legez, saioaren aurretik bertso jarriak izango ditugu, honakoan Garbiñe Beraetxe hendaiarraren bitartez.
Gogoan izan Kabigorrik afaltzeko aukera bikaina eskaintzen duela.
Bertan ikusiko dugulakoan,
Anima zaitezte!
Kabigorriko urtarrileko bertso-gaua [2020-01-09]
Kaixo, bertsozale:
Urte berria hasi da eta Kabigorriko aurtengo lehen bertso gaua ere badator. Gabonak tarteko, hileko bigarren ostegunean izango da saioa, urtarrileren 9an hain zuzen. Betiko moduan, 19:30ean.
Bertan ariko dira kantuan Adrian Arruti irundarra, Haritz Casabal antxotarra, Nerea Elustondo legazpiarra eta Nerea Ibarzabal markinarra. Saioaren gidaritza Iker Altuna hendaiarrak eramango du. Hilero legez, saioaren aurretik bertso jarriak izango ditugu, honakoan Eleuterio Jauregi “Makalo” zaldibiar hendaiartuaren eskutik.
Gogoan izan Kabigorrik afaltzeko aukera bikaina eskaintzen duela.
Bertan elkar ikusiko dugulakoan,
Anima zaitezte!
Kabigorriko abenduko bertso gaua [2019-12-12]
Kaixo, bertsozale:
Urte amaiera gerturatzen ari den honetan, badator abenduko Kabigorriko bertso gaua ere. Oraingo honetan, ordea, hilabeteko lehen ostegunean izan ordez bigarrenean izango da: abenduaren 12an, 19:30ean.
Bertan ariko dira kantuan Iker Altuna hendaiarra, Odei Barroso urruñarra, Eli Pagola ereñotzuarra eta Julen Zelaieta beratarra. Saioaren gidaritza Adrian Arruti irundarrak eramango du. Hilero legez, saioaren aurretik bertso jarriak izango ditugu, honakoan Egoitz Zelaia hendaiarraren eskutik.
Gogoan izan Kabigorrik afaltzeko aukera bikaina eskaintzen duela.
Bertan elkar ikusiko dugulakoan,
Anima zaitezte!
Urriaren 3an eman genien hasiera Kabigorriko bertso gauei
Hasi da 2019-2020 ikasturteko Kabigorriko bertso gaua. Lehen saioa ederra izan zen, jende bailara bildu zen eta bertsolariak gustora aritu ziren. Saioari hasiera Abel Zabalak eman zion, hona hemen prestatutako bertso sorta:
2019KO UDAKO ERREPASOA
DOINUA: Loriak udan intza bezela
Egilea: Abel Zabala
1-Konpromisoa hartu nuen ta
sorta jartzeari ekin
hilabetean borrokatu naiz
ideiekin zein hitzekin
errepaso bat egin nahi nuke
orain ahal dela zuekin
bi mila eta hemeretziko
udak utzitakoekin.
2-Udaletako hauteskundeei
beharko erreparatu
udaberriko azken egunek
utzi zuten zenbait datu
berriro ere Sagarzazuk zein
Santanok botoak batu
Hondarribian eta Irunen
ezertxo ez da aldatu.
3-Uda parteak parranda gogoz
jartzen gaitu aldez-alde
nahiz ta urteak joaten diren
beti berdinetan gaude
ze emakume izate hutsa
ez da irteten debalde
ia jairikan ez da igaro
sexu erasorik gabe.
4-Klima kontutan nahiko sentsible
omen dabil Jaurlaritza
baina eredua aldatzea da
ezinbesteko baldintza
trenez, metroez ta errausgailuez
kokoteraino gabiltza
ingurumena kixkaltzen dute
ta kea saltzen dabiltza.
5-Gerran dago(e)nak bere herritik
nola nahi duen atera
Siriatikan iristen dira
Italiako atera
ez da goxoa Europatikan
egiten zaien harrera
Open Arms-ekin gertatu zena
horretxen adibide da.
6-Nola galerna uda betean
iritsi zen G zazpia
ta Biarritzen atera zuten
familiko argazkia
alturan gora igo ezkero
bistaratzen da azpia
gutxi batzuek zuzentzen dute
munduaren sarraskia.
7-Kristautasuna gurean ere
oraindik ez dago hila
Jainkoa eta Lege Zaharra
Jeltzaleen maratila
Urkullu jauna Batikanora
bada kilometro pila
ta militarrak Arantzazura
bedeinkazioan bila.
8-Sei adibide edo exenplu
aipatu ditut emeki
zein den indartsu ta zein menpeko
azaltzen dute ederki
alternatibak behar ditugu
eta garunak ireki
zeren bestela boteredunek
irabazten dute beti.
Jarraian, bertso gauak utzi zituen irudiak:
“Kabitik”, Kabigorriko bertso-gauei buruzko irratsaioa, Antxeta Irratian
Hilero elkarlanean antolatzen ditugu bertso-gauak Irunabarrek, Irungo bertsoaren bilguneak eta Kabigorrik, Bidasoaldeko Ateneoak. Ekainean joan zen 6. ikasturteko azken saioa: hirurogeita hirugarrena. Baina seigarren ikasturte honek berezitasun nabarmen bat izan du aurrekoen aldean: Kabitik irratsaioa.
Izan ere, ikasturte honetan ostegunetako Kabigorriko bertso-gauek irratsaio paraleloa izan dute Antxeta Irratian. Kabigorriko bertso saioak oinarri hartuta, ordubete inguruko irratsaioak ondu dituzte Gotzon Aizpioleak eta Beñat Elosegik, joan den urteko urria-azaroan hasi eta ekainera bitarte. Azken irratsaioa atzo grabatu zuten. Eta San Juan egunez emango dute, ekainaren 24ean, iluntzeko 21:00ak aldera.
Gogoan izan Antxeta Irratia zuzenean entzuteko dialak: 90.5 / 89.7 / 105.8
Datorren ikasturtean izango ditugu bueltan Beñat eta Gotzon, gustura asko aritu omen dira-eta esatari lanetan (aurretik ere eskarmentua bazuten). Teknika lanetan Antxeta irratiko Koldo Nausia eta Maia Muruaga izan dituzte lagun Beñatek eta Gotzonek.
Kabigorriko saioak 2019ko urrian hasiko badira ere, irailean abiatuko omen da Kabitik, eta esatariek aurreratu digutenez, saio berezia izango omen da datorren ikasturteko lehendabizikoa.
Post honetan bertan joango gara 2018-2019 ikasturteko Kabitik guztien grabazioen estekak batzen:
Bestetik, ekaineko saioan egindako argazkitxo batzuk:
Azken erantzunak
Bertso-bazkari musik…(e)k Bertso bazkari musikatua Katea… bidalketan Anonimoa(e)k Talaiako bertso eskolakoen gab… bidalketan Xenpelar Dokumentazi…(e)k Ombuaren itzala: Pello Mari Ot… bidalketan
Irunabar, Irungo bertsoaren bilgunea 