Irunabar, Irungo bertsoaren bilgunea

Archive for the category “Ikastaroak”

19 Ira 2022

2022-2023 ikasturteko izen emateak zabalik

Kaixo, bertsozale:

Iraila bete-betean gaude eta segituan hasiko da ikasturte berria. Txingudiko bertso-eskolan izena eman nahi baduzu, oraintxe duzu aukera, hastear baita 2022-2023 ikasturtea.
Galdera edo zalantzarik baldin baduzu, irunabar@gmail.com posta helbidera idatz dezakezu lasai asko, edo taldeetako arduradunen baten telefono zenbakira hots egin.

TALDEAK:

1.- GAZTETXOEN taldea: astelehenetan, 17:00-18:00; Bidasoko AEK Irungo Euskaltegian. Harremanetarako: (0033) 617 57 33 99 -Irati-.

2.- HASTAPENAK I taldea: Gazte zein helduentzat. Astezkenetan, 20:00-21:30. Harremanetarako: (0034) 685 72 75 39 -Aitor-.

3.- HASTAPENAK II taldea: Gazte zein helduentzat. Eguna eta ordua zehazteke. Harremanetarako: (0034) 638 32 69 70 -Adrian-.

4.- BAT-BATEAN taldea: ostegunero, 19:30-21:30; Hondarribiko Jaizubia auzoko auzo-elkartean. Harremanetarako: (0034) 690 06 58 26 -Abel-.

5.- BERTSO TAILERRA: astearteetan, 19:00-20:30; Hondarribiko Muara elkartean. Harremanetarako: (0034) 638 32 69 70 -Adrian-.

Posted in Besterik,Ikastaroak and tagged ,, | Utzi iruzkina
01 Ira 2022

Bertso-jartzaileen I. topaketa

Kaixo, lagun:

6 ikasturte badira Irunabarren ekimenez Irunero eta Hitza tokiko hedabideetan bertso-sortak argitaratzen ditugula. 2022-2023 ikasturteari begira ere asmo hori bera dugu, dagoeneko hitzartu baitugu nork idatziko duen hitz-emana dugun 19 bertso-sortetatik bakoitza.

Hala eta guztiz ere, ikasturtetik ikasturterako martxak erakutsi digu ez dela lan samurra izaten bertsoak idazteko konpromisoari helduko dion jendea topatzen. Izan ere, sarritan, estu hartzen gaitu bertsoak idazteko lan bakartiak, eta gaur arte, behintzat, ez dugu espaziorik izan egiteko horrek berekin dakartzan zailtasunei buruz hitz egiteko eta zailtasun horiei berei aurre egiten saiatzeko, ez bada bertso-eskolaren batean gaiari berariaz heldu zaion aldi bakanetan.

Hori dela eta, ikasturte honetan “Bertso-jartzaileen I. topaketa” antolatu dugu, bertso idazteko jardunari gure bakardadean heltzen jarraitu ordez, elkartu eta jardunari modu kolektiboan erreparatzen hastea guztion mesedetan izan daitekeela sinetsita: bertso idazten ari izan baina utzita daudenen itzulera ahalbidetzeko; ari garenok trebatu eta lasaiago, errazago, babestuago ari gaitezen; eta etorkizunean bertso-idazten abiatu nahi dutenek aurrekook izan ez genuen abiapuntua izan dezaten.

Gisa horretako ekimenak aurrerabidea izan dezakeela erabat sinetsita gaude. Uste berekoa bazara, zatoz, parte hartu eta bide egin dezagun elkarrekin. 2022ko irailaren 17an izango da, larunbatarekin, Irungo AEK euskaltegiaren egoitzan, goizeko 10:00etan hasi (9:30ean lehen kaferako aukera inguruko tabernaren batean) eta 13:30ak bitarte. Antolaketa kontuak errazteko, adieraz iezaguzu etorriko zaren, faborez, irunabar@gmail.com helbidera edo 675005894 zenbakira idatzita, irailaren 10a baino lehen.

Eskerrik asko aldez aurretik eta bertan elkar ikusiko dugulakoan, jaso agur beroa,

Posted in Ikastaroak and tagged ,, | Utzi iruzkina
04 Abu 2022

2022-2023 ikasturteko izen emateak zabalik

Kaixo, bertsozale:

Uda bete-betean gaude eta heldu den ikasturtea gerturatzen ari da gutxinaka. Txingudiko bertso-eskolak, azken urteetan bezalaxe, udazkenean hasiko ditu ikastaroak eta, haietako batean izena eman nahi baduzu, aukera zabalik duzu honezkero.


Ikastaroen gaineko galdera edo zalantzarik baldin baduzu, edo lehenengo aldiz aurrera urratsa eman eta izena eman nahi baduzu, irunabar@gmail.com posta helbidera idatz dezakezu lasai asko.

TALDEAK:

1.- GAZTETXOEN taldea: gaztetxoenak bertsolaritzaren munduan murgilarazten dituen taldea da.

2.- BAT-BATEAN I taldea: bat-batean aritzen diren bertsolariek bertsoa teknikoki lantzeko taldea da.

3.- BAT-BATEKORAKO HASTAPENAK taldea: nerabe, gazte eta helduak bertsolaritzaren muduan murgiltzen dituen taldea da.

4.- BAT-BATEAN II taldea: bat-batean jarduteko taldea da.

5.- BERTSO TAILERRA: bertsolaritza ardatz, proiektu ezberdinak sortzen eta burutzen dituen taldea da.

Posted in Berriak,Ikastaroak and tagged ,, | Utzi iruzkina
25 Ira 2021
1 Comment

2021-2022 ikasturteko izen emateak zabalik

Kaixo, bertsozale:

Iraila bete-betean gaude eta segituan hasiko da ikasturte berria. Txingudiko bertso-eskolan izena eman nahi baduzu, oraintxe duzu aukera, hastear baita 2021-2022 ikasturtea.

Bistan da 2020ko martxoaz geroztik gurean zabaldu den izurriteak arazo bailara eragin duela edozein jarduera egin ahal izateko. Hala eta guztiz ere, aurten ere ekingo diogu ikasturteari.
Galdera edo zalantzarik baldin baduzu, irunabar@gmail.com posta helbidera idatz dezakezu lasai asko, edo taldeetako arduradunen baten telefono zenbakira hots egin.

TALDEAK:

1.- GAZTETXOEN taldea: astelehenero, 17:00-18:00; Bidasoko AEK Irungo Euskaltegian. Harremanetarako: (0033) 617 57 33 99 -Irati-.

2.- BAT-BATEAN I taldea: astelehenero, 19:00-21:00, Hendaiako Enbata gaztetxean. Harremanetarako: (0034) 669 36 65 89 -Egoitz-.

3.- BAT-BATEKORAKO HASTAPENAK taldea: asteazkenero, 19:00-21:00; Bidasoako AEK Irungo Euskaltegian. Harremanetarako: (0033) 617 57 33 99 -Irati-.

4.- BAT-BATEAN II taldea: ostegunero, 19:30-21:30; Hondarribiko Jaizubia auzoko auzo-elkartean. Harremanetarako: (0034) 690 06 58 26 -Abel-.

5.- BERTSO TAILERRA: hamabostean behin, asteartean, 19:00-20:30; Hondarribiko Muara elkartean. Harremanetarako: (0034) 638 32 69 70 -Adrian-.

Posted in Berriak,Ikastaroak and tagged ,,
14 Ira 2020

2020 – 2021 ikasturteko izen ematea zabalik

Kaixo, bertsozale:

Iritsi da iraila eta harekin batera ikasturte berria. Txingudiko bertso-eskolan izena eman nahi baduzu, oraintxe duzu aukera, hastear baita 2020-2021 ikasturtea.

Bistan da martxoaz geroztik gurean zabaldu den izurriteak arazo bailara eragin duela edozein jarduera egin ahal izateko. Hala eta guztiz ere, aurten ere ekingo diogu ikasturteari. Behar bezain beste segurtasun neurrirekin, noski.
Galdera edo zalantzarik baldin baduzu, irunabar@gmail.com posta helbidera idatz dezakezu lasai asko, edo taldeetako arduradunen baten telefono zenbakira hots egin.

TALDEAK:

1.- GAZTETXOEN taldea: (eguna zehaztu gabe dago oraindik), 17:00-18:00; Bidasoko AEK Irungo Euskaltegian. Harremanetarako: (0033) 617 57 33 99 -Irati-.

2.- BAT-BATEAN I taldea: astelehenero, 19:00-21:00, Hendaiako Enbata gaztetxean. Harremanetarako: (0034) 669 36 65 89 -Egoitz-.

3.- BAT-BATEKORAKO HASTAPENAK taldea: (eguna zehaztu gabe dago oraindik), 19:00-21:00; Bidasoako AEK Irungo Euskaltegian. Harremanetarako: (0033) 617 57 33 99 -Irati-.

4.- BAT-BATEAN II taldea: ostegunero, 19:30-21:30; Hondarribiko Jaizubia auzoko auzo-elkartean. Harremanetarako: (0034) 690 06 58 26 -Abel-.

5.- BERTSO TAILERRA: hamabostean behin, 19:00-20:30; Hondarribiko Muara elkartean. Harremanetarako: (0034) 685 72 75 39 -Aitor- / (0034) 638 32 69 70 -Adrian-.

Posted in Berriak,Ikastaroak and tagged ,, | Utzi iruzkina
15 Ira 2019
2 Comments

2019-2020 ikasturteko izen ematea zabalik

Txingudiko bertso-eskolan izena eman nahi baduzu, oraintxe duzu aukera, hastear baita 2019-2020 ikasturtea.
Galdera edo zalantzarik baldin baduzu, irunabar@gmail.com posta helbidera idatz dezakezu lasai asko, edo taldeetako arduradunen baten telefono zenbakira hots egin.

TALDEAK:

1.- GAZTETXOEN TALDEA: astelehenero, 17:00-18:00; Bidasoko AEK Irungo Euskaltegian. Harremanetarako: (0034) 669 366 589 -Egoitz-.

2.- BAT-BATEAN I taldea: astelehenero, 19:00-21:00; (bilgunea zehaztu gabe dago oraindik). Harremanetarako: (0034) 669 366 589 -Egoitz-.

3.- BAT-BATEKORAKO HASTAPENAK taldea: asteazkenero, 19:00-21:00; (bilgunea zehaztu gabe dago oraindik). Harremanetarako: (0034) 669 366 589 -Egoitz-.

4.- BAT-BATEAN II taldea: ostegunero, 19:30-21:30; Hondarribiko Jaizubia auzoko auzo-elkartean. Harremanetarako: (0034) 690 06 58 26 -Abel-.

5.- BERTSO TAILERRA: hamabostean behin, 19:00-20:30; Bidasoko AEK Irungo Euskaltegian. Harremanetarako: (0034) 685 72 75 39 -Aitor- / (0034) 638 32 69 70 -Adrian-.

This slideshow requires JavaScript.

Posted in Berriak,Ikastaroak and tagged ,,
16 Ira 2018

Bertso eskolan izena eman nahi?

Txingudiko bertso eskolan izena eman nahi baduzu, oraintxe duzu aukera, hastear baita 2018-2019 ikasturtea.

Galdera edo zalantzarik baldin baduzu, irunabar@gmail.com posta helbidera idatz dezakezu lasai asko, edo taldeetako arduradunen baten telefono zenbakira hots egin.

TALDEAK:

1.- GAZTETXOEN TALDEA: astelehenero, 17:30-19:00ak artean. Bidasoko AEK Irungo Euskaltegian. Harremanetarako: 638 32 69 70 (Adrian).

2.- BAT-BATEAN I taldea: astelehenero, 19:00-21:00; (bilgunea zehaztu gabe dago oraindik). Harremanetarako: 669366589 (Egoitz).

3.- BAT-BATEAN II taldea: astelehenero, 19:00-21:00; (bilgunea zehaztu gabe dago oraindik). Harremanetarako: 669366589 (Egoitz).

4.- BAT-BATEAN III taldea: ostegunero, 19:30-21:30; Hondarribiko Jaizubia auzoko auzo-elkartean. Harremanetarako: 690 06 58 26 (Abel).

5.- BERTSO TAILERRA: asteartero, 19:00-20:30; Bidasoko AEK Irungo Euskaltegian. Harremanetarako: 685 72 75 39 (Aitor).

 

 

This slideshow requires JavaScript.

Zabaldu zure inguruan gure berri, eta anima zaitez zeu ere.

Posted in Berriak,Ikastaroak and tagged | Utzi iruzkina
01 Aza 2017

Hiru saioko bertso-tailerra Hondarribian

Hondarribiko Gazteen zerbitzuak bertso-tailerra antolatu du Irunabarrekin elkarlanean eta Hondarribiko Udalak diruz lagunduta, azaroaren 28, 29 eta 30erako. 18 eta 29 urte bitarteko gazteei bideratuta dago ikastarotxoa, eta Saindua gaztelekuko ganbaran izango da, 17:30etatik 19:30etara. Ikastaroa dohainik izango da, eta izena emateko azaroaren 21a bitarteko tartea izango duzue, Hondarribiko gazteen Zerbitzuan bertan, Jabier Ugarte kaleko 6.enean (643 644 752  |  gib@hondarribia.eus).

Gure partetik, besterik ez. Anima zaitezte gure eskutik eta giro atseginean bertsolaritzan murgilalditxo bat egitera. Etzaizue damutuko. Bide batez, asko eskertuko genizueke zuen lagun eta gertukoen artean kartela zabaltzen lagunduko bazenigute.

 

Posted in Berriak,Ikastaroak and tagged , | Utzi iruzkina
05 Ots 2016

Hika ikastaroa

Hika Tailerra 2016Irunabarrek eta AEK Irungo euskaltegiak “Hika tailerra, toka eta noka ohitzeko ikastaroa” antolatu dugu, elkarlanean.

Izena emateko epea otsailaren 1ean zabaldu genuen, eta otsailaren 24 bitarte luzatuko. Ikastaroak martxoaren 5etik maiatzaren 28ra iraungo du, eta oporraldiak-oporraldi, 11 saio izango dira guztira, larunbat goizetan, goizeko 9:00etatik 12:00ak bitarte, Irungo Junkal karrikako 22an.

Ikastaroan parte hartu ahal izateko ikasle bakoitzak 60 € ordaindu beharko ditu. Ikastaro praktikoa izango da, batez ere, Joxan Elosegi eta Aitor Errazkin irundarrek gidatuko dutena, eta euskara batuko eta Irungo eta inguruetako formak eta moldeak ezagutu eta landu ahal izango dira bertan.

Izena emateko, nahikoa da irunhika@gmail.com posta elektroniko helbidera idatzi, izen-abizenak eman eta parte hartzeko asmoa azaltzearekin.

Ikastaroaren gaineko zalantzak argitu eta informazio gehiago behar izanez gero, posta elektroniko helbide bera, irunhika@gmail.com, eta 943 628834 (AEK Irungo euskaltegia) eta 0034 688825429 telefono zenbakiak dituzue.

AEK Irungo euskaltegira bertara ere jo dezakezue informazio eske, baina bulego orduetan, beti ere, Legia karrikako 6.ean.

Eskaintzak jakinmina piztu badizu, ez egin zalantzarik eta animatu!
Posted in Berriak,Ikastaroak and tagged ,, | Utzi iruzkina

Post Navigation