Irunabar, Irungo bertsoaren bilgunea

Archive for the tag “Haritz Casabal”

04 Urt 2020

Kabigorriko urtarrileko bertso-gaua [2020-01-09]

Kaixo, bertsozale:

Urte berria hasi da eta Kabigorriko aurtengo lehen bertso gaua ere badator. Gabonak tarteko, hileko bigarren ostegunean izango da saioa, urtarrileren 9an hain zuzen. Betiko moduan, 19:30ean.

Bertan ariko dira kantuan Adrian Arruti irundarra, Haritz Casabal antxotarra, Nerea Elustondo legazpiarra eta Nerea Ibarzabal markinarra. Saioaren gidaritza Iker Altuna hendaiarrak eramango du. Hilero legez, saioaren aurretik bertso jarriak izango ditugu, honakoan Eleuterio Jauregi “Makalo” zaldibiar hendaiartuaren eskutik.

Gogoan izan Kabigorrik afaltzeko aukera bikaina eskaintzen duela.

Bertan elkar ikusiko dugulakoan,
Anima zaitezte!
Posted in Berriak,Bertso saioa and tagged ,,,,,, | Utzi iruzkina
30 maiatza 2018

Ikasturteko azken bertso-gaua, Kabigorrin: 2018-06-07

2017/18 ikasturtea ere amaierara gerturatzen ari den honetan, kurtsoko azken Kabigorriko bertso gauaren berri ematera gatozkizue.
Ekaineko bertso gaua datorren ostegunean izango da, ekainaren 7an, iluntzeko 19:30ean hasita. Kabigorriko bertso ikasturteari amaiera emango dion saio honetan, Haritz Casabal pasai antxoarra, Nahikari Gabilondo zarauztarra, Odei Lopez legorretarra eta Egoitz Zelaia hendaiarra ariko dira kantuan, Adrian Arruti irundarrak ondutako gaiekin. Bat-bateko saioari hasiera eman aurretik, ordea, Beñat Elosegi irundarraren bertso-jarriak entzuteko aukera izango dugu.
Odei Lopez
Egoitz Zelaia
Haritz Casabal
Nahikari Gabilondo
Anima zaitezte saioaz gozatzera, eta oroitu Kabigorrik aukera paregabea eskaintzen digula saioa eta gero mokadu bat egiten geratzeko ere.
Posted in Berriak,Bertso saioa and tagged ,,,,, | Utzi iruzkina
06 Abe 2017

Abenduko Kabigorriko bertso-gaua, musikatua (2017-12-14)

Abenduko Kabigorriko bertso gaua hilaren 14an izango da, behin abenduko zubia pasata, ostegunarekin, eta arratsaldeko 19:30etatik aurrera, beti bezala.

Bertso saio musikatua izango da, eta bertsotan Beñat Gaztelumendi (Añorga), Alaia Martin (Oiartzun), Nerea Ibarzabal (Markina-Xemein) eta Manu Goiogana (Irun) ariko dira; guztiak Haritz Casabalen (Pasai Antxo) aginduetara eta Antton Aranburu eta Beñat Urteaga musikarien erritmora.

Alaia Martin
Beñat Gaztelumendi
Nerea Ibarzabal
Manu Goiogana

Gogoan izan Kabigorrik afaltzen geratzeko aukera paregabea eskaintzen duela. Plazer baduzue, bertan ikusiko dugu elkar.

Posted in Berriak,Bertso saioa and tagged ,,,,,,, | Utzi iruzkina
04 Urt 2017

Urtarrilaren 12an, 2017ko lehen Kabigorriko bertso-gaua!

Gainean dugu dagoeneko 2017ko lehendabiziko Kabigorriko bertso-gaua; urtarrilaren 12an izango da, Irungo Peña kaleko Kabigorri Ateneoan, 19:30etatik aurrera. Manu Goiogana irundarra, Patxi Castillo beratarra, Haritz Casabal antxotarra eta Iñigo Mantzisidor “Mantxi” zarauztarra ariko dira kantuan, eta Xabier Bengoetxea Hondarribiarrak jarriko dizkie gaiak. Bat-bateko saio aurretik, eta azken hiru urteotan ohitura dugun bezala, bertso-jarriak izango ditugu: Abel Zabala irundarrak kantatuko dizkigu berak hilaren 12ko saio-aurrerako propio ondutako bertsoak. Dena prest, beraz, urteari bertsotan eta ganoraz ekiteko.

This slideshow requires JavaScript.

Gogoan izan, bestalde, saioa eta gero afaltzen geratzeko aukera paregabea eskaini ohi duela Kabigorrik. Bertan elkar ikusiko ahal dugu!

Urte berri on eta datorren ostegunera arte!

Posted in Berriak and tagged ,,,,,, | Utzi iruzkina
01 Urr 2016
1 Comment

Badatoz Kabigorriko bertso-gauak!!! 2016-10-06: KA2SHOW

2016-2017 ikasturtean ere, eta laugarren urtez jarraian, Kabigorriko bertso-gauak izango ditugu urrian hasi eta ekaina bitarte. Antolatzaileak, aurreko edizioetan bezalaxe, Irunabar (Irungo bertsoaren bilgunea) eta Kabigorri Bidasoaldeko Ateneoa izango dira. Urriko saioa, hilaren 6an izango da, arratsaldeko 19:30etatik aurrera, Kabigorrin. Lehendabizikoa saio honetarako “Ka2show” saio berezia izango dugu (“Bershow” ezagunaren bertsio moldatua).

Saioaren gidaritzan eta gai jartzaile lanetan Haritz Casabal pasaitarra ariko da. Bertsolariak Maialen Akizu urretxuarra, Beñat Gaztelumendi añorgarra, Arkaitz Oiartzabal “Xamoa” oiartzuarra eta Egoitz Zelaia hendaiarra izango dira. Musikari lanetan, aldiz, Antton Aranburuk, Gari Otamendik eta Beñat Urteagak osatutako hirukoa.

Anima zaitezte! Eta gogoan izan Kabigorrik saio ostean modadutxo bat egiteko eskaintzen duen aukera paregabea.

This slideshow requires JavaScript.

 

Posted in Berriak,Bertso saioa and tagged ,,,,,
04 Urr 2015

Kabigorriko ostegunetako bertso gauak 2015-2016, urriaren 8tik aurrera

Hemen dira Kabigorriko ostegunetako bertso gauak. Urriaren 8an izango da lehen saioa, arratsaldeko 19:30etatik aurrera, eta aurreko bi ikasturtetan bezalaxe, hala izango da datorren urteko ekainera bitarte ere; hilabeteko lehen ostegunetan (salbuespenak salbuespen), 19:30etatik aurrera, Kabigorri Bidasoaldeko Ateneoan.

Ostegun honetan, Gotzon Aizpiolea irundarrak, Haritz Casabal pasaitarrak, Unai Gaztelumendi añorgarrak eta Ereñotzuko Eli Pagolak kantatuko dute. Gai jartzaile lanetan Abel Zabala ariko da, eta saio aurreko bertso jarriak Beñat Elosegik idatzi eta kantatuak izango dira.

This slideshow requires JavaScript.

Dena prest, beraz, ikasturte berriari ekiteko. Hurbildu zaitezte eta zabaldu informazioa ingurukoei; ez zaizue damutuko.

Posted in Berriak and tagged ,,,,,, | Utzi iruzkina
26 Ira 2014

Urriaren 2an Goiogana, Murua, Aizpurua eta Casabal Kabigorrin

Aupa, bertsozale.

Iragarri bezala, bigarren aldiz jarraian, eta urriaren 2an hasita, Kabigorriko bertso gauez gozatzen hasteko aukera izango dugu berriz. Aurreko ikasturtean bezalaxe, hilabeteko lehendabiziko ostegunean izango dira saioak, arratsaldeko 19:30etatik aurrera, Irungo Peña kaleko Kabigorri Bidasoaldeko Ateneoan.

Urriaren 2an Manu Goiogana irundarra, Xumai Murua baionarra, Oier Aizpurua zarauztarra eta Haritz Casabal antxotarra ariko dira bertsotan, Abel Zabala irundarrak ondutako gaiei kantari. Saioaren aurretik, eta bigarren edizio honetako saio guztietarako aurreikusia dagoen gisan, Txingudiko Bertso Eskolako edo haren jirako lagunen batek bertso berriak kantatuko ditu, aldiro egunerokoak iradoki dezakeenari jarriak. Aitor Errazkin irundarra izango da lan horri eusten lehena, “Bertso berriak, 2014-2015 bertso ikasturte berriari jarriak” sortarekin.

This slideshow requires JavaScript.

 Besterik ez, lagunok. Egina dizuegu eskaintza, eta ea iazko saio guztietan denon artean sortu genuen giro goxo, eder eta errespetuzkoari eusten diogun aurtengoan ere. Elkarren arrimuan, ziur baietz. Eta gogoan izan saioa eta gero afaltzen geratzeko Kabigorrik eskaintzen duen aukera aparta; probatu duenak ederki daki.

Jaso besarkada bero bat,

Irunabar

Posted in Berriak,Bertso saioa and tagged ,,,,,, | Utzi iruzkina
18 Abu 2014

Moskuko jaietako bertso saioetako argazkiak

Aurten Moskuko Jaietako bertso saioetan Irunabarreko hainbat kide aritu dira bertsotan eta antolakuntza lanetan. Hona larunbateko bertso-triki-poteoak eta igandeko bertso saioak utzi dizkiguten hainbat irudi.

This slideshow requires JavaScript.

Posted in Bertso saioa and tagged ,,,,,, | Utzi iruzkina
14 Abu 2014

Moskuko Jaiak 2014 (abuztuaren 14tik, 17ra) bertsoz lepo

Gaur hasi dira Moskuko jaiak, eta egitarau betea eskainiko digute igandera bitarte. Bertsoari dagokionean, bertso-triki-poteoa izango da larunbat honetan, abuztuak 16, arratsaldeko 17:00etatik aurrera, herri bazkariaren ondotik. Arkaitz Oiarzabal “Xamoa” oiartzuarra, Egoitz Zelaia hendaiarra eta Aitor Errazkin irundarra ariko dira bertsotan.

Igandean, aldiz, bertso jaialdia izango da eguerdiko 12:00etatik aurrera. Bertan, Haritz Casabal pasaitarra, Julen Zelaieta beratarra eta Gotzon Aizpiolea irundarra ariko dira bertsotan; laugarren bertsolari bat ere izango da oholtzan, baina oraindik ez da nor izango den zehaztu. Gaiak jartzeaz Egoitz Zelaia hendaiarra arduratuko da.

moskuko jaiak 2014

Posted in Berriak,Bertso saioa and tagged ,,,,,, | Utzi iruzkina
01 Abe 2013
1 Comment

OSTEGUNETAKO KABIGORRIKO BERTSO-GAUAK (abendua)

Kaixo, bertsozale:

Azaroa ere joan zaigu, eta abenduan sartzearekin batera Kabigorriko ostegunetako bertso-gaua dakorkigu, hilabeteko lehen ostegunean Kabigorri ostatuan, urritik hona ohitura bilakatu dugun moduan.

Abenduko zita hilaren 5ean izango da, 19:30etan. Bertan, Manu Goiogana, Julen Zelaieta, Ioar Tainta eta Haritz Casabal bertsolariak ariko dira kantuan Zuhaitz Olazabalen aginduetara.

Oraingo honetan, bertso-saio hau, Irungo hainbat elkartek Euskararen Nazioarteko Egunaren harira antolaturiko Euskararen Egunak herri ekimenaren programazio barruan txertaturik doa.

Gogoratu: Abenduaren 5ean, Irungo Kabigorri ostatuan, BERTSO-SAIOA 19:30etatik aurrera.

Manu Goiogana, Julen Zelaieta, Ioar Tainta eta Haritz Casabal izango dira gurekin!

A! Eta saio ostean… Ezustekoak!

Irunen ere Euskaraz bizi nahi dugulako, anima zaitezte! Bertan elkar ikusiko dugulakoan, jaso ezazue agur bero bat.

Irunabar, Irungo bertsoaren bilgunea

Posted in Besterik and tagged ,,,,,

Post Navigation