Mikel Garcia Idiakez kazetari irundarrak Kultura zerbezaren truke. Bi kultur eredu eta proposamen bat artikulua idatzi du bere Jendartean blogean, ostegunetako Kabigorriko bertso-gauei erreferentzia zuzena eginez.
Eskerrik asko, Mikel, eskainitako arretagatik. Ea ostegun honetan ere Kabigorrin elkar ikusten dugun!
Iñigo Ugartek bigarrenez jantzi du txapela Hernaniko Tabernetako Bertsolari Txapelketan, Oier Iurramendi hernaniarrarekin buruz-burukoa jokatu eta gero. Txingudiko bertso eskolako eta Irunabar-eko kide da Iñigo. Urtarrilaren 19an jokatu ohi da txapelketa berezi hau, San Sebastian bezperan, eta 20. edizioa izan du aurtengoa. Iñigorekin batera, hantxe aritu zen Exteban Martiarena oiartzuarra ere, Garin tabernako oholtzan kantuan, Txingudiko bertso eskolako irakasle lanetan hainbat urtez aritu izan dena. Bejondeizuela bioi!
Zorionak, Iñigo!
Urte berri on, denoi.
2014a ongi hasteko, hona aurtengo Kabigorriko lehen bertso-gauaren berri, urtarrilaren 9an ospatuko duguna, ostegunarekin.
Arratsaldeko 19:30etatik aurrera izango da saioa, Irungo Kabigorri ostatuan (Mosku), eta bertan Beñat Gaztelumendi (Añorga), Unai Gaztelumendi (Añorga), Amaia Elizagoien (Oronoz-Mugaire) eta Urko Casado (Astigarraga-Hendaia) ariko dira bertsotan. Gai-jartzaile lanetan, Aitor Errazkin irundarra.
Bestalde, jakin ‘Gure berts(i)oa – irundarrak bertso kantari’ diskoa Kabigorrin bertan ere izango duzuela salgai, besteak beste. Alerik nahi izanez gero, barran eskatu; 10€ balio du eta disko bikoitza da.
Bertan elkar ikusiko dugulakoan, izan ongi.
 | Bertso-bazkari musik…(e)k Bertso bazkari musikatua Katea… bidalketan |
 | Anonimoa(e)k Talaiako bertso eskolakoen gab… bidalketan |
 | Xenpelar Dokumentazi…(e)k Ombuaren itzala: Pello Mari Ot… bidalketan |
Irunabar, Irungo bertsoaren bilgunea 