Irunabar, Irungo bertsoaren bilgunea

Archive for the tag “Odei Barroso”

04 Urr 2020

Kabigorriko Bertso-Gauak hemen dira, berriz!

Izurritea medio, aurtengo martxoko itxialditik daramagu Kabigorriko Bertso-Gaurik antolatu gabe. Osasun egoera alde ez badugu ere, 2020-2021 ikasturtea hastearekin batera bertso gauak antolatzen berritik hasteko hautua egin dugu Kabigorrik eta Irunabarrek.

Legeak eta segurtasun arauak aldatu bitartean, aforo mugatua izanen dute saioek. Gehienez 40 pertsona sartu ahal izanen da saio bakoitzeko. Sarrerak barran izanen dituzue eskuragarri.

Behar bezala aritzeko guztion laguntza ezinbestekoa izango da: errespeta ditzagun unean uneko eta tokian tokiko osasun neurriak. Horren baitan izango baita, hein handi batean, bertso-saioak antolatzen jarraitu ahal izatea edo ez.

Lehen saioa Urriaren 8an, ostegunez, egingo da. Saioa 19:30ean hasiko da, eta kantuan, Odei Barroso Gomila, Izarne Zelaia Arratibel, Iker Altuna eta Maddi Sarasua Laskarai ariko dira. Gai-emaile lanetan Aitor Errazkin Vicente eta bertso-jarriekin Adrian Arruti Bernadet.

Posted in Berriak,Bertso saioa and tagged ,,,,,, | Utzi iruzkina
10 Abe 2019

Kabigorriko abenduko bertso gaua [2019-12-12]

Kaixo, bertsozale:
Urte amaiera gerturatzen ari den honetan, badator abenduko Kabigorriko bertso gaua ere. Oraingo honetan, ordea, hilabeteko lehen ostegunean izan ordez bigarrenean izango da: abenduaren 12an, 19:30ean.
Bertan ariko dira kantuan Iker Altuna hendaiarra, Odei Barroso urruñarra, Eli Pagola ereñotzuarra eta Julen Zelaieta beratarra. Saioaren gidaritza Adrian Arruti irundarrak eramango du. Hilero legez, saioaren aurretik bertso jarriak izango ditugu, honakoan Egoitz Zelaia hendaiarraren eskutik.
Gogoan izan Kabigorrik afaltzeko aukera bikaina eskaintzen duela.
Bertan elkar ikusiko dugulakoan,
Anima zaitezte!
Posted in Berriak,Bertso saioa and tagged ,,,,,, | Utzi iruzkina
02 Urt 2019

2019ko lehen bertso gaua, bihar, urtarrilak 3, 19:30etan Kabigorrin.

Urte berri on, denori. 2019ko lehen bertso gaua bihar izango da, urtarrilak 3, hileko lehen ostegunarekin, 19:30etan Kabigorrin. Beñat Gaztelumendi, Odei Barroso, Xabi Maia eta Abel Zabala izango ditugu kantuan, Uxue Larrukerten esanetara. Anima zaitezte urteko lehendabiziko bertso-zitara, eta azken boladan nahikoa jan eta edan egingo zenuten arren, gogoan izan Kabigorrik afaltzeko aukera paregabea eskaintzen digula.

Posted in Besterik and tagged ,,,,, | Utzi iruzkina
28 Ira 2017

Hemen da 2017-2018 ikasturteko lehen bertso-gaua (2017-10-05)

Urriaren 5ean, ostegunarekin, eta arratsaldeko 19:30etatik aurrera, Kabigorri Bidasoaldeko Ateneoan ikasturteko berriko lehen bertso-gaua ospatuko dugu. Unai Agirre hernaniarra, Odei Barroso urruñarra, eta Miren Artetxe eta Egoitz Zelaia hendaiarrak izango dira kantuan. Bertso jarriak, Abel Zabala irundarraren eskutik etorriko zaizkigu, eta Urko Casado astigartarrak egingo ditu aurkezle eta gai-jartzaile lanak.

Gogoan izan Kabigorrik aukera ezinhobea eskaintzen duela behin saioa amaituta afaltzen geratzeko ere.

Bertan elkar ikusiko dugulakoan, izan ongi eta urriaren 5a arte!

This slideshow requires JavaScript.

Posted in Bertso saioa,Besterik and tagged ,,,,,, | Utzi iruzkina
19 Mar 2017

Apirileko Kabigorriko bertso-gaua [2017-04-06]

Apirilaren 6an izango da, ostegunarekin, 2016-2017 ikasturteko 7. bertso-gaua. Gotzon Aizpiolea irundarraren esanetara ariko dira Urko Casado astigartarra, Iñigo Ugarte Gaintxurizketakoa, Odei Barroso urruñarra eta Maialen Akizu urretxuarra. Bertso jarriak, ordea, Uxue Larrukert irundarraren eskutik helduko zaizkigu. Saioa Kabigorri Bidasoaldeko Ateneoan izango da saioa, hilabeteko lehenengo ostegunero bezalaxe, arratsaldeko 19:30etatik aurrera. Saioa eta gero, afaltzen geratzeko aukera bikaina izaten da Kabigorrin. Anima zaitezte!

This slideshow requires JavaScript.

 

Posted in Bertso saioa,Besterik and tagged ,,,,, | Utzi iruzkina
28 Abe 2015

Urtarrilak 7, urteko lehen Kabigorriko bertso-gaua

IMG-20151009-WA0006Eneko Fernandez lesakarra, Abel zabala irundarra, Ortzi Idoate baionarra eta Odei Barroso urruñarra ariko dira bertsotan, Aitziber Zapirain hendaiarra gai-jartzaile izango dutela. Bertso jarriak Aitor Errazkin irundarraren eskutik helduko zaizkigu. Saioari arratsaldeko 19:30etan emango diogu hasiera, ohitura dugunez. Anima zaitezte, eta balia beza, hala nahi duenak, Kabigorrik saioa eta gero mokadu bat egiteko eskaintzen duen aukera paregabea.

This slideshow requires JavaScript.

Posted in Berriak and tagged ,,,,,, | Utzi iruzkina
14 Abu 2015

Moskuko Jaietako bertso saioak

Atzo hasi ziren Moskuko Jaiak, eta igande iluntzean amaituko dira.

Bihar, larunbatarekin, bertso-triki-poteo formatuan ariko dira bertsotan Manu Goiogana eta Aitor Errazkin irundarrak eta Odei Barroso Urruñarra, auzoko taberna batetik bestera, herri bazkariaren ondoren.

Igande arratsaldean, aldiz, aurtengo Moskuko Jaietako azken ekitaldia: bertso saio berezia eskainiko dute Egoitz Zelaiak, Jon Maiak eta Igor Elortzak; hirurak, Urko Casado gai-jartzailearen aginduetara. Peña kalean izango da saioa.

Anima zaitezte!

Posted in Berriak and tagged ,,,,,,, | Utzi iruzkina
01 Ots 2015

Otsaileko Kabigorriko bertso gaua: 2015-02-05-ean, 19:30etatik aurrera

Gainean dugu, gaurgero, urteko bigarren bertso-zita; Santa Ageda egunez izango da, arratsaldeko 19:30etatik aurrera, betiko tokian: Irungo Peña kaleko Kabigorri Bidasoaldeko Ateneoan. Bertsolariak Izarne Zelaia egiatarra, Karlos Aizpurua oiartzuarra, Beñat Gaztelumendi añorgatarra eta Odei Barroso urruñarra izango dira. Gaiak jartzen Aitor Errazkin irundarra ariko da eta, saioari hasiera emateko, Txingudiko bertso eskolako haur eta gazteen bertso jarriak entzuteko parada izango dugu.

Gogoan izan saioa eta gero afaltzen geratzeko aukera ezin hobea eskaintzen duela Kabigorrik: entsaladak, bokatak, hanburgesak … Bertan espero zaituztegu.

Joan den hilabeteko bertso gaueko lagin batzuk, hemen ikusgai.

Posted in Besterik and tagged ,,,,, | Utzi iruzkina
06 Aza 2013

Azaroak 7, osteguna, BERTSO SAIOA Kabigorrin

Adi. Antxeta Irratiaren PROGRAMAZIO BERRIA aurkezteko baliatuko dugu hilabete hontako bertso saioa. Odei Barroso, Aimar Karrika eta Maddi Ane Txoperenarekin batera, Gotzon Aizpiolea irundarra ariko da honako honetan. Itxura ezin hobea du.

Egoitz Zelaia Hendaiarra saioa gidatzeko prest izango delarik, ARRATSALDEKO 19:00etan izango gaituzue zain, ostegun hontan, Kabigorrin.

Bertso Saio besta azaroak 7

Aurreko hilabeteko giro bera sortzea lortzen badugu mundiala izango da.

Anima zaitezte.

Posted in Besterik and tagged ,,,,, | Utzi iruzkina

Post Navigation