Irunabar, Irungo bertsoaren bilgunea

Archive for the month “maiatza, 2018”

30 maiatza 2018

Ikasturteko azken bertso-gaua, Kabigorrin: 2018-06-07

2017/18 ikasturtea ere amaierara gerturatzen ari den honetan, kurtsoko azken Kabigorriko bertso gauaren berri ematera gatozkizue.
Ekaineko bertso gaua datorren ostegunean izango da, ekainaren 7an, iluntzeko 19:30ean hasita. Kabigorriko bertso ikasturteari amaiera emango dion saio honetan, Haritz Casabal pasai antxoarra, Nahikari Gabilondo zarauztarra, Odei Lopez legorretarra eta Egoitz Zelaia hendaiarra ariko dira kantuan, Adrian Arruti irundarrak ondutako gaiekin. Bat-bateko saioari hasiera eman aurretik, ordea, Beñat Elosegi irundarraren bertso-jarriak entzuteko aukera izango dugu.
Odei Lopez
Egoitz Zelaia
Haritz Casabal
Nahikari Gabilondo
Anima zaitezte saioaz gozatzera, eta oroitu Kabigorrik aukera paregabea eskaintzen digula saioa eta gero mokadu bat egiten geratzeko ere.
Posted in Berriak,Bertso saioa and tagged ,,,,, | Utzi iruzkina
25 maiatza 2018

Irati Alcantarillarentzat bigarren postua, XILABAko Eskolarteko Xapelgoaren finalean.

Joan den maiatzaren 19an, larunbatarekin, XILABA (XIberoa, LApurdi eta BAxenafarroa)ko Eskolarteko Xapelgoaren finala jokatu zen, Hazparneko Haritz Barne zineman.
Saioa amaierara heldu zenean, txapela Elixabet Etxandi Goienetxe izpurarrak eraman zuen. Txingudiko Bertso Eskolako Irati Alcantarillak saio polita egin zuen, eta azken unera arte txapelarengatik lehian izan zen, eta honenbestez, ekainaren 9an, Saran egingo den Euskal Herriko Eskolarteko Txapelketako finalera sailkatu da. Zorionak Irati!

 

Posted in Berriak,Kronikak and tagged , | Utzi iruzkina
23 maiatza 2018

Ostiral honetan, Bertsokantauri 2018. Animatu!

 

Posted in Berriak,Bertso saioa and tagged ,, | Utzi iruzkina
23 maiatza 2018

Nagore Laffage Casasolaren aldeko omenaldian

Igauri Lopetegi Txingudiko Bertso Eskolako kideak Nagore Laffage Casasolaren omenaldian kantatu zuen. 2018ko maiatzaren 13an omenaldia egin zion herritar talde batek Nagore zenari, eta 800 lagun inguru bildu ziren Irungo Zabaltza plazan.

 

Posted in Kronikak and tagged , | Utzi iruzkina

Post Navigation