Irunabar, Irungo bertsoaren bilgunea

Archive for the month “Iraila, 2012”

17 Ira 2012

Txikitakoa

Adi bertso eskoletako haur guztiak! Hainbeste gustatzen zaizkizuen Gotzon Aizpiolea irundarraren bertsoak hemen dira zuentzat entzungai. Ea etxean ere gelan bezain ozen kantatzen dituzuen!!!

Posted in Bertsoak and tagged ,,, | Utzi iruzkina
17 Ira 2012

Egin zaitez blog honen jarraitzaile

Gure blog honetan zintzilikatzen ditugun berri guztiak zuen posta elektronikoan jaso nahi baldin badituzue, eta hartara, eduki guztiak bistaratzeko aukera egokienaren jabe egin, erne. Blogaren behekaldean, eskuin aldean hain zuzen ere, bada “Follow” dioen erlaitza bat. Haren gainean “klik” egin eta zuen posta elektronikoaren helbidea idatzi behar duzue. Kitto.

Izan ongi,

This slideshow requires JavaScript.

Posted in Berriak and tagged ,,, | Utzi iruzkina
16 Ira 2012
1 Comment

Kopla berriak gure hiriari jarriak

Baten batek pentsatuko zuen honez gero, eta arrazoiarekin gainera, blog honetan irudi asko baina bertso gutxi dagoela. Bada, post berri honekin arazo horri irtenbidea ematera gatoz. Hona hemen iazko ikasturtean Eguzkitza ikastetxeko bertso eskolakoek Iruni buruz jarritako kopla batzuk, ikastetxeko ikasturte amaierako jaialdian zein Irungo Bertso Eskolen I.go Egunean kantatu zituztenak.

Posted in Bertso Eskolak Ikastetxeetan and tagged ,,
11 Ira 2012
1 Comment

Bertso eskolak ikastetxeetan

Laugarren ikasturtea dugu jada bertso eskolak antolatzen eskualdeko hainbat ikastetxeetako eskola orduz kanpoko aktibitate zerrenda barnean. Horietan guztietan eginiko lanak eta bizitako esperientzien testigantzak ekarri nahi ditugu “bertso eskolak ikastetxeetan” bataiatu dugun atal honetara. Hasteko, Eguzkitzako taldearen bi argazki ekarri ditugu hona. Lehendabizikoa, 2009-2010 ikasturteko argazki bat, eta bigarrena, 2012ko Gipuzkoako Bertso Eskolen Egunekoa, Gari Garaialdek Zumaian egina, haurren senide eta guzti. Haurrek 6-7 urte zituzten lehen argazkian, eta gehientsuenek bertso eskolara etortzen jarraitu dute. Ederki pasatzen dugun seinale. Izan bedi bada argazki pare eder hau, etorkizunean zintzilikatzeko asmoz gabiltzan post zerrenda luze baten hasiera besterik ez.

This slideshow requires JavaScript.

Posted in Bertso Eskolak Ikastetxeetan and tagged ,,
11 Ira 2012

Moskuko bestetako saioa

Joan den abuztuan “Moskuko Bestak” izan dira, eta bertsoak izan du presentziarik, haietan ere. Hilaren 18an, larunbatarekin, bertso poteoa antolatu zuten Egoitz Zelaia, Alaia Martin eta Maddi Ane Txoperenarekin. Biharamunean, aldiz, dagoeneko ohiturazko saio bihurtzen ari den bertso jaialdia izan zen eguerdian. Bertan, Irungo bertso eskolako Aitor Errazkin aritu zen, Amaia Agirre, Xabier Silveira, Egoitz Zelaia eta Sustrai Colinarekin batera. Hemendik eskerrak eman nahi dizkiegu Moskuko Bestetako antolatzaileei, Irungo bertso eskola kontuan hartzeagatik eta gerora emandako tratu ezin hobeagatik. Bide batez, auzoko jaien antolaketan egiten ari diren lan eskerga txalotu nahi dugu baita ere. Soka luzea ekarriko duen elkarlan oparo baten hasiera izan dadila aurtengoa.

This slideshow requires JavaScript.

Posted in Kronikak and tagged ,,,,,,,,,,, | Utzi iruzkina
03 Ira 2012
3 Comments

Bertso eskolak Irunen. Izena eman!

2012-2013 ikasturtean ere, bertso eskolak izango dira Irunen, adin guztietako haur eta helduentzat. Izena emateko edo zalantzak argitzeko, lasai idatzi irunabar@gmail.com helbidera edo 685 72 75 39 telefono zenbakira hots egin eta Aitorrengatik galdetu.

Izen emate epea irailaren 24 arte egongo da zabalik, eta ordura arte izena eman dutenekin hitzartuko dira egutegi eta ordutegiak. Lehen bilera eguna, iazko martxari eutsiz, urriaren 3an egingo dugu, arratsaldeko 18:30etan, EKTn. Urtero bezala, ikasturte guztian zehar ere izango da izena emateko aukerarik, baina ordurako egutegia eta ordutegiak finkaturik egoten dira, noski.

Besterik ez. Anima zaitezte!

Posted in Berriak and tagged
03 Ira 2012
3 Comments

Manu Goiogana irundarra Zarauzko Lizardi sariketako finalean!

2012ko irailaren 7an jokatuko da Zarauzko Lizardi sariketako finala, gaueko 22:00etan, Zarauzko Zinema pilotalekuan. Aurtengoa, XXXVI. Edizioa izango da, eta hantxe izango da Manu Goiogana bertsolari irundarra, finalerako txartela joan den osteguneko kanporaketan bigarren postuan sailkatuta lortu zuelarik. Zorte on, Manu!

Posted in Berriak and tagged
03 Ira 2012
1 Comment

Irungo Bertso Eskolen I. Eguna

2012ko ekainaren 9an antolatu genuen Irungo Bertso Eskolen I. Eguna, Irungo Ola sagardotegian. Bertan aritu ziren bertsotan Irungo helduen taldekoak eta Eguzkitza (Irun), Talaia (Hondarribia) eta Txingudi (Irun) ikastetxeetako haurrak, 60 entzule ingururen gozamenerako.
Arratsalde borobila.
Egun hartako irudiak edo bideoak baldin badituzue, bidali eta hementxe publikatuko ditugu.

This slideshow requires JavaScript.

Posted in Berriak and tagged
03 Ira 2012

Kaixo denoi!

Irunabarrekook blog berri honi hasiera eman diogu gertuko zein urrutiko bazterretan gure berri zabaldu asmoz.

Gustuko izango duzuelakoan, ongi etorri guztioi.

Posted in Berriak | Utzi iruzkina

Post Navigation