Irungo Korrika Eguneko bertso bazkaria
Martxoaren 21ean izan zen Korrika Eguna Irunen, Bidasoko AEKk herriko eragileokin elkarlanean antolaturikoa, eta bazkari ondoko bertso bazkaria antolatzea izan zen Irunabarrek Egunari eginiko ekarpena. Otordua bikaina, AEKko zenbait ikaslek prestaturikoa. Eta bikainak ere, biak ala biak, bazkalondoko bertso saioa eta EKTn sortutako giroa. Hona hemen Uxue Kriado AEKideak bidalitako argazkiak; esker mila, Uxue!
Eskerrik asko AEK eta EKT. Behin baino gehiagotan ari izan gara zuekin elkarlanean, eta bikaina izan da beti emaitza, baita honako honetan ere. Hurrengorako prest, sarri arte!
Irunabar, Irungo bertsoaren bilgunea 