Irunabar, Irungo bertsoaren bilgunea

Archive for the tag “Irunabar”

31 Abe 2019

2019a oparo joan da

Oparo joan zaigu 2019a. Antolatu ditugu bertso-saioak, proiektu berriak sortu ditugu eta lehendik zetozenei ere erantzun diegu. Arrazoi bategatik ala besteagatik erantzun ezinean geratu garen ekimenetako antolatzaileei, barkamenak; zuek plazer baduzue, etorkizuneko erronka moduan hartuko dugu zuen beharrei ere merezi neurriko erantzuna ematea.

>> Kabigorriko bertso gauak: 6. ikasturteari errematea jo genion urtarriletik ekainera bitarte. Eta 7. ikasturteari ekin diogu: 57. saioa izan zen abenduaren 12an antolatutakoa.

This slideshow requires JavaScript.

>> Eskualdeko eragileekin elkarlanean

>> Bertso jarriak: Irunero hamabostekariarekin elkarlana (3. ikasturtez jarraian), Oarsoalde-Bidasoaldeko Hitzarekin elkarlana (lehendabiziko ikasturtea elkarlanean), eta beste hainbat hainbat lehiaketa eta elkarlan.

>> Kantaldiak-ondarearen lanketa

>> Bertso Mendariak

>> Txingudiko Bertso Eskola

>> Kabitik irratsaioa, Antxeta Irratian (2. ikasturtea)

>> Txingudiko bertso eskolako eta Irunabarreko kideak han-hemengo txapelketetan

This slideshow requires JavaScript.

 

Amaitzeko, eskualdeko hainbat eragilek antolatutako bertso-saioen berri eman dugu: Bertsokantauri, Ikasle Abertzaleak, Itsa-Lur Elkartea, Blagan, …

2020a iazkoa bezain oparoa izango delakoan, eskerrik asko eta urte berri on, guztioi.

Posted in Berriak,Kronikak and tagged | Utzi iruzkina
23 Abe 2019
2 Comments

Irunerorekin elkarlanean, hirugarren urtez jarraian.

Irunabar, Irungo bertsoaren bilguneak eta Irunerok lankidetza hitzartu zuten joan den uda hasieran, hirugarren urtez jarraian. Hilean behin argitaratuko du Irunerok eskualdeko bertsolariren baten bertso-sorta bat. Irunabarreko eragileak arduratuko dira, urtero bezala, bertsolarien konpromisoa lortzeaz. Dena ongi bidean, 9 bertso-sorta berri utziko dizkigu, beraz, 2019-2020 ikasturteak, urritik ekainera bitarte.

Dagoeneko hiru bertsolariren bertso-sortak argitaratu ditu Irunerok, paperean zein bertsio digitalean: Igauri Lopetegi Amostegiren “Siberia Gazteiz”, Abel Zabala Elizazuren “2019ko udako errepasoa” eta Aitor Errazkin Vicenteren “Bertso berriak, inposizioei jarriak”.

Posted in Berriak,Bertsoak and tagged ,,,,
30 Ira 2019

Irunabarren eta HITZAren arteko elkarlana, abian

Hitzarmena abiatu dugu Irunabarrek eta Oarso-Bidasoaldeko Hitzak. Hilero argitaratuko da bertsolariren baten bertso-sortaren bat, beraz, eskualdeko berripaperean, nola formatu fisikoan, hala digitalean. Irunabarren bidez helaraziko zaizkie bertsolarien lanak Hitzakoei; hortaz, koordinaketa lanak egingo ditu Irunabarrek. Bertso-sortetan helarazten diren iritziak bertsolarienak dira; inolaz ere ez Irunabarrenak edo Hitzarenak.

 

Posted in Berriak,Bertsoak and tagged , | Utzi iruzkina
15 Ira 2019
2 Comments

2019-2020 ikasturteko izen ematea zabalik

Txingudiko bertso-eskolan izena eman nahi baduzu, oraintxe duzu aukera, hastear baita 2019-2020 ikasturtea.
Galdera edo zalantzarik baldin baduzu, irunabar@gmail.com posta helbidera idatz dezakezu lasai asko, edo taldeetako arduradunen baten telefono zenbakira hots egin.

TALDEAK:

1.- GAZTETXOEN TALDEA: astelehenero, 17:00-18:00; Bidasoko AEK Irungo Euskaltegian. Harremanetarako: (0034) 669 366 589 -Egoitz-.

2.- BAT-BATEAN I taldea: astelehenero, 19:00-21:00; (bilgunea zehaztu gabe dago oraindik). Harremanetarako: (0034) 669 366 589 -Egoitz-.

3.- BAT-BATEKORAKO HASTAPENAK taldea: asteazkenero, 19:00-21:00; (bilgunea zehaztu gabe dago oraindik). Harremanetarako: (0034) 669 366 589 -Egoitz-.

4.- BAT-BATEAN II taldea: ostegunero, 19:30-21:30; Hondarribiko Jaizubia auzoko auzo-elkartean. Harremanetarako: (0034) 690 06 58 26 -Abel-.

5.- BERTSO TAILERRA: hamabostean behin, 19:00-20:30; Bidasoko AEK Irungo Euskaltegian. Harremanetarako: (0034) 685 72 75 39 -Aitor- / (0034) 638 32 69 70 -Adrian-.

This slideshow requires JavaScript.

Posted in Berriak,Ikastaroak and tagged ,,
06 Mar 2018

“Bertsozaleen topaleku bilakatu da Kabigorri” (Irunero, 2018-03-01)

Irunabarrek eta Kabigorrik duela 5 urte elkarlanean abiatutako “bertso-gauei” buruzko erreportajea argitaratu du Irunerok.

https://irunero.eus/wp-content/uploads/2018/03/2-1.jpg

Naroa Mentaberri (Kabigorri) eta Egoitz Zelaia (Irunabar)

Posted in Berriak,Kronikak and tagged ,,,, | Utzi iruzkina
01 Aza 2017

Hiru saioko bertso-tailerra Hondarribian

Hondarribiko Gazteen zerbitzuak bertso-tailerra antolatu du Irunabarrekin elkarlanean eta Hondarribiko Udalak diruz lagunduta, azaroaren 28, 29 eta 30erako. 18 eta 29 urte bitarteko gazteei bideratuta dago ikastarotxoa, eta Saindua gaztelekuko ganbaran izango da, 17:30etatik 19:30etara. Ikastaroa dohainik izango da, eta izena emateko azaroaren 21a bitarteko tartea izango duzue, Hondarribiko gazteen Zerbitzuan bertan, Jabier Ugarte kaleko 6.enean (643 644 752  |  gib@hondarribia.eus).

Gure partetik, besterik ez. Anima zaitezte gure eskutik eta giro atseginean bertsolaritzan murgilalditxo bat egitera. Etzaizue damutuko. Bide batez, asko eskertuko genizueke zuen lagun eta gertukoen artean kartela zabaltzen lagunduko bazenigute.

 

Posted in Berriak,Ikastaroak and tagged , | Utzi iruzkina
07 Urr 2017

Irunero eta Irunabar, elkarlanean.

2017-2018 ikasturte honetan elkarlan interesgarri askoa abiatu dugu Irungo Irunero tokiko aldizkariarekin:

“Irunerorekin elkarlana

Ikasturte berriarekin batera, beste ekimen bati heldu dio Irunabarrek, Irunero aldizkariarekin elkarlanean. Hilean behin, bertso sorta bana idatziko du elkarteko kide batek. Ilusioz hartu dute erronka elkartean: “Antolakuntza bat eskatzen du, konpromiso bat. Baina animatuta gaude, gustura hartu dugu”. Gogoratu beharra dago, eskualdeko bertso tradizioaren parte handi bat, tokiko aldizkarietan argitaratutako bertsoei esker jaso izan dela.” (Irunero, 2017ko urria)

Argitaratutako lehen bertso-sorta Abel Zabala irundarrak idatzitakoa izan da; turismoari jarritako bertsoak izan dira Zabalarenak.

TURISMOA

Bertsoak: Abel Zabala

Doinua: Henry Millerri eskutitza (Xabier Lete eta Karlos Gimenez)

1-Udara joan zaigun honetan

udazkena ere badator

egunak eta hilabeteak

joaten baitira bizkor

turismoaren uholde latzak

astindu gaitu gogor

eta iritzia ematera

bertso hauekin nator

 

2-Turistak gora turistak behera

sortu duten harrabotsa

udara berotik joan zaigu

astindu dugu hotza

batzuentzat zer negozioa

zer nolako pagotxa

“guiri”en karterak hustu eta

bete baitute poltsa.

 

3-Turistak errentagarritasun

ona omen dakar berez

beso zabalik hartu behar dira

ta tratatu gizalegez

langileari galdetu behar

nagusiari ordez

prezioak igotzen dituzte

baina soldatarik ez.

 

4-Bat errez konturatu daiteke

joan ezkero Donostira

edozein denda ta tabernetan

inglesak duen distira

euskara hizkuntzaren zerrendan

azkeneko tokira

gure nortasuna indartzeko

lantegi txarrak dira.

 

5-Turismoak berdin kolpatzen du

herria edo hiria

izan daiteke Donosti, Zarautz,

Biarritz, Hondarribia

pisuen espekulazioa

da beste aurpegia

alokatzea edo erostea

nolako miraria.

 

6-Turismo mota honek begira

zer kalte ekartzen duen

adibide batzuk plazaratzen

behintzat saiatu naiz hemen

ereduaren hausnarketa bat

eskatzen dut bederen

neurriak hartu behar baitira

berandu baino lehen.

 

Posted in Besterik and tagged ,, | Utzi iruzkina
31 Abu 2017

Txingudiko Bertso Eskola: 2017-2018 ikasturteko eskaintza

Hastear da 2017-2018 ikasturtea, eta Txingudiko Bertso Eskolak iazko eskaintza berari eutsiko dio.

(Aldaketak izan daitezke oraindik taldeen egutegi eta ordutegietan)

1.- HAUR ETA GAZTETXOEN BERTSO ESKOLA (hasi berriak eta 14 urte bitarteko gazteak)

  • Eguna: Asteartea
  • Ordua: 17:30-19:00
  • Tokia: Junkal Kalea, 22 (Erromes plaza eta Junkal eliza artean).
  • Arduraduna: Arkaitz Oiarzabal “Xamoa”
  • Lehendabiziko eguna: Urriak 3 asteartea

2.- BAT-BATEKO BERTSO ESKOLA I (Adin guztietako hasiberrientzat)

  • Eguna: Asteartea
  • Ordua: 19:00-20:30
  • Tokia: Junkal Kalea, 22 (Erromes plaza eta Junkal eliza artean).
  • Arduraduna: Aitor Errazkin Vicente (685 72 75 39) eta Egoitz Zelaia Perez (669 36 65 89)
  • Lehendabiziko eguna: Urriak 3

3.- BERTSOLARITZA TAILERRA (Adin guztiak): Bertsogintza ez ezik (bat-batekoa zein idatzizkoa), bertsolaritzaren eta bertsogintzaren bueltako beste hainbat aspektu landuko ditugu. Aurten, iaz abiatutako hainbat egitasmori segida emango diogu, eta Xanti Zabala zenaren aldeko kantaldi-omenaldia prestatzen jardungo gara, batez ere.

  • Eguna: Asteartea
  • Ordua: 19:00-20:30
  • Tokia: Junkal Kalea, 22 (Erromes plaza eta Junkal eliza artean).
  • Arduraduna: Aitor Errazkin Vicente (685 72 75 39)
  • Lehendabiziko eguna: Irailak 19

4.- BAT-BATEKO BERTSO ESKOLA II

  • Eguna: Astelehena
  • Ordua: 18:30-20:00
  • Tokia: Junkal Kalea, 22 (Erromes plaza eta Junkal eliza artean).
  • Arduraduna: Egoitz Zelaia Perez (669 36 65 89)
  • Lehendabiziko eguna: Urriak 2, astelehena

5.- BAT-BATEKO BERTSO ESKOLA III

  • Eguna: Osteguna
  • Ordua: 19:30-21:30
  • Tokia: Jaizubiako auzo-elkartea (Hondarribia)
  • Arduraduna: Abel Zabala Elizazu (690 06 58 26)
  • Lehendabiziko eguna: Irailak 14, osteguna

BERTSO ESKOLAK TXINGUDIKO MUGAZ GAINDIKO PARTZUERGOAK DIRUZ LAGUNDUAK DIRA, ETA HERRITARRENTZAT DOHAINIK DIRA, BERAZ.

Anima zaitez eta izena eman. Ez zaizu damutuko.

Gaztetxoen taldea
Familia(k)
Familia(k)
Txingudi – Algorta
Adrian eta Mikel
Zuhaitz eta Iñigo (mila esker gitarra eta guzti animatzeagatik!)
2015-2016 ikasturteko azken bertso gaua
Txingudi I taldea
Igauri Lopetegi Eskolartekoan
Argazkilaria: F. de la Hera
Txingudi II taldea
2016ko kantaldiaren irudiak
2016ko kantaldiaren irudiak
Argazkilaria: Mikel García

Irunabarrek ikasturtea abiatu du (Antxeta Irratia)

 

Posted in Besterik and tagged , | Utzi iruzkina
29 Urt 2017

Bertsotruk: Txingudi-Algorta. Otsailaren 11n, Erlaitz Elkartean

bertsotruk logoAlgortako Bertsolari Eskolako (ALBE) lagunak hartuko ditugu Irunen Txingudikook, aurten Bertsotruk diamika dela-eta burutzera goazen hirugarren saioan.

Bertso-bazkari formatuan planteatu dugu saioa, zarauztarrak etxean hartu genituenean egin bezalaxe. Erlaitz Elkartean izango da bertso-saioa, bazkaldu ondorenean. Bazkari-txartel bakoitza 15€an izango da (egunean bertan ordainduko da), eta 685 72 75 39 telefono zenbakira dietuz zein WhatsApp edo Telegram mezuak bidaliz har ditzakezue.

Txinguditik Urko Casado astigartarrak eta Abel Zabala eta Iñigo Ugarte irundarrek kantatuko dute. ALBEtik, aldiz, Kerman Diaz, Paule Loizaga eta Unai Mendiburu bertsolariak ariko dira kantuan. Adrian Arruti irundarrak egingo ditu aurkezle lanak.

Hona Bertsotruk dinamikaren harira antolatu izan ditugun iazko eta aurtengo saioetako hainbat irudi: zinez giro ederra izan ohi da!

This slideshow requires JavaScript.

 

Anima zaitezte eta izena eman!

Posted in Berriak,Bertso saioa and tagged ,,,,,,,,, | Utzi iruzkina
14 Ira 2016

Txingudiko Bertso Eskola: 2016-2017 ikasturteko eskaintza. Animatu eta izena eman!

Urriko lehen astean ekingo diogu 2016-2017 ikasturteari Txingudiko Bertso Eskolan. Eskolak doan dira, beti bezala, eta urritik ekainera bitarte duzue izen-emateko aukera. Izena emateko, parte hartu nahi duzuen taldeko arduradunari deitu, edo mezua bidali, bestela, irunabar@gmail.com helbide elektronikora.

Hona aurtengo taldeen zerrenda:

1.- HAUR ETA GAZTETXOEN BERTSO ESKOLA (hasi berriak eta 14 urte bitarteko gazteak)

  • Eguna: Asteartea
  • Ordua: 17:30-19:00
  • Tokia: EKT (Euskal Kultur Taldea). Larretxipi kalea 12, Irun.
  • Arduraduna: Arkaitz Oiarzabal Xamoa (685 72 75 39)
  • Lehendabiziko eguna: Urriak 4

2.- BAT-BATEKO BERTSO ESKOLA I (Adin guztietako hasiberrientzat)

  • Eguna: Asteartea
  • Ordua: 19:00-20:30
  • Tokia: Junkal Kalea, 22 (Erromes plaza eta Junkal eliza artean).
  • Arduraduna: Aitor Errazkin Vicente (685 72 75 39) eta Egoitz Zelaia Perez (669 36 65 89)
  • Lehendabiziko eguna: Urriak 4

3.- BERTSOLARITZA TAILERRA (Adin guztiak): Bertsogintza ez ezik (bat-batekoa zein idatzizkoa), bertsolaritzaren eta bertsogintzaren bueltako beste hainbat aspektu landuko ditugu. Aurten, iaz abiatutako hainbat egitasmori segida emango diogu; hala nola, Joxe Mari Lopetegi bertsolari irundarraren izena eta obra ezagutarazten jarraitzea.

  • Eguna: Asteartea
  • Ordua: 19:00-20:30
  • Tokia: Junkal Kalea, 22 (Erromes plaza eta Junkal eliza artean).
  • Arduraduna: Aitor Errazkin Vicente (685 72 75 39)
  • Lehendabiziko eguna: Urriak 4

4.- BAT-BATEKO BERTSO ESKOLA II

  • Eguna: Astelehena
  • Ordua: 18:30-20:00
  • Tokia: Junkal Kalea, 22 (Erromes plaza eta Junkal eliza artean).
  • Arduraduna: Egoitz Zelaia Perez (669 36 65 89)
  • Lehendabiziko eguna: Urriak 3

5.- BAT-BATEKO BERTSO ESKOLA III

  • Eguna: osteguna
  • Ordua: 19:30-21:30
  • Tokia: Jaizubiako auzo-elkartea (Hondarribia)
  • Arduraduna: Abel Zabala Elizazu (690 06 58 26)
  • Lehendabiziko eguna: Urriak 6

This slideshow requires JavaScript.

Posted in Berriak,Besterik and tagged , | Utzi iruzkina

Post Navigation

← Older Entries
Newer Entries →