Irunabar, Irungo bertsoaren bilgunea

Archive for the tag “Abel Zabala”

31 Mar 2015

Korrikaren aldeko bertso-afaria ederki asko joan zen

Joan den martxoaren 14ean bertso-afaria antolatu genuen, Korrika 19 zela eta, Irungo AEKrekin eta Bidasoako EKTrekin elkarlanean. Bikain afaldu genuen bertara bildutako 60 lagun inguruk, sukaldari eta zerbitzari boluntarioen lanari esker. Afalondoan, omenaldia eskaini zien Irungo AEKk Brasil gozodendako Koldo eta Xoleri, erretiroa hartu berritan, urtetan egindako lana eskertzeko. Lore sorta, Ainara Maiaren olerkia, Egoitz Zelaiaren bertsoak eta bertaratutako guztion txaloak eta esker ona etxeratu zituen bikoteak. Ondoren, bertso saio ederraz gozatzeko parada izan genuen Iñigo Ugarte, Egoitz Zelaia, Gotzon Aizpiolea eta Abel Zabalaren bertsoei esker.

Hona larunbatean bildutako hainbat irudi:

This slideshow requires JavaScript.

Posted in Berriak,Bertso saioa,Kronikak and tagged ,,,,,,, | Utzi iruzkina
02 Mar 2015
1 Comment

Kabigorriko martxoko bertso gaua, hilaren 5ean!

Martxoaren 5ean izango da hilabete honi dagokion bertso gaua. Kabigorrin izango da, beti bezala, Irungo Peña kaleko lehenengoan, arratsaldeko 19:30etatik aurrera. Martxoko zitan Gotzon Aizpiolea irundarra, Maddalen Lopez lesakarra, Aimar Karrika auriztarra eta Aitor Servier azkaindarra ariko dira kantuan, guztiak Egoitz Zelaia hendaiarraren aginduetara. Bat-bateko saio aurretik Abel Zabala irundarrak bertso jarriak kantatuko ditu. Eta saioa amaitutakoan, badakizue Kabigorrik aukera ezinhobea eskaintzen digula bertan lagunarte atseginean afaltzeko; aprobetxa dezagun.

This slideshow requires JavaScript.

Bestalde, ostegunean sarituko dugu joan den hilabeteko argazki lehiaketako irabazlea, eta jendearen parte hartzea ikusita, ekimenari jarraipena ematea pentsatu dugu. Beraz, prest ekarri zuen argazki makinak, sakelekoak, edo dena delakoak.

 

Posted in Besterik and tagged ,,,,,,
01 Abe 2014

Kabigorriko ostegunetako bertso gauak: urteko azkena, abenduaren 4an

Abenduaren 4an izango da hurrengo Kabigorriko bertso gaua, hileko lehen ostegunarekin batera, ohitura den moduan. Honako honetan, Abel Zabala irundarrak, Iraitz Mateo eta Arkaitz Oiartzabal “Xamoa” oiartzuarrek eta  Egoitz Zelaia hendaiarrak kantatuko dute (azken hau, saiora ezin etorriko den Aitor Albisturren ordezko gisa), Exteban Martiarena oiartzuarraren esanetara. Saioa arratsaldeko 19:30etan hasiko da Zuhaitz Olazabal irundarraren bertso jarriekin. Segidan, bat-bateko saioa osatuko dute arestian aipatu lau bertsolariek, eta saioa eta gero, dakizuen bezala, afaltzen geratzeko aukera paregabea eskaintzen du Kabigorrik, beraz, aprobetxatu.

Hilabete honetako saioa, gainera, Irungo “Euskararen Egunak” herri ekimenaren egitarauan txertaturik doa, eta halakoetan egin ohi dugun gisan, tratamendu berezia emango diegu jan-edan kontuei. Badakizue zertaz ari garen, ezta?
Tira, bada; aitzakiarik ez da urteko azken bertso gauari uko egiteko.
Bertan izango gaituzue zain.

This slideshow requires JavaScript.

Posted in Besterik and tagged ,,,,,, | Utzi iruzkina
26 Ira 2014

Urriaren 2an Goiogana, Murua, Aizpurua eta Casabal Kabigorrin

Aupa, bertsozale.

Iragarri bezala, bigarren aldiz jarraian, eta urriaren 2an hasita, Kabigorriko bertso gauez gozatzen hasteko aukera izango dugu berriz. Aurreko ikasturtean bezalaxe, hilabeteko lehendabiziko ostegunean izango dira saioak, arratsaldeko 19:30etatik aurrera, Irungo Peña kaleko Kabigorri Bidasoaldeko Ateneoan.

Urriaren 2an Manu Goiogana irundarra, Xumai Murua baionarra, Oier Aizpurua zarauztarra eta Haritz Casabal antxotarra ariko dira bertsotan, Abel Zabala irundarrak ondutako gaiei kantari. Saioaren aurretik, eta bigarren edizio honetako saio guztietarako aurreikusia dagoen gisan, Txingudiko Bertso Eskolako edo haren jirako lagunen batek bertso berriak kantatuko ditu, aldiro egunerokoak iradoki dezakeenari jarriak. Aitor Errazkin irundarra izango da lan horri eusten lehena, “Bertso berriak, 2014-2015 bertso ikasturte berriari jarriak” sortarekin.

This slideshow requires JavaScript.

 Besterik ez, lagunok. Egina dizuegu eskaintza, eta ea iazko saio guztietan denon artean sortu genuen giro goxo, eder eta errespetuzkoari eusten diogun aurtengoan ere. Elkarren arrimuan, ziur baietz. Eta gogoan izan saioa eta gero afaltzen geratzeko Kabigorrik eskaintzen duen aukera aparta; probatu duenak ederki daki.

Jaso besarkada bero bat,

Irunabar

Posted in Berriak,Bertso saioa and tagged ,,,,,, | Utzi iruzkina
01 Abu 2014

Abuztuaren 9an Txingudiko Bertso Eskolakoak Euskal Jiran kantari

Aurtengoan abuztuaren 8 eta 9rako deialdia egin dute Euskal Jirako antolatzaileek. Abuztuaren 9an, 11:45 aldera, Txingudiko Bertso Eskolako Egoitz Zelaia, Abel Zabala eta Aitor Errazkin ariko dira bertsotan, Euskal Jai pilotalekuan. Euskal Jirako kartela ekarri dugu hona, egitarauari erreparatu nahi dionarentzat.

euskaljira cartel 2014

 

Posted in Berriak,Bertso saioa and tagged ,,, | Utzi iruzkina
01 Abu 2014

Irun eta Oiartzungo bertsolariak Hondarribiko Txotx Egunean

Zortzi urte dira Hondarribiko Olagarro Kultur Elkarteak Sagardo Eguna antolatzen duela (aurtengoa, lehendabizikoz, Txotx Eguna izan bada ere). Uztailaren 26an izan da aurtengoa, larunbatarekin, eta orain artean Santiago kalean antolatu izan duten arren, 2014an Gipuzkoa plaza izan dute kupelen eta aldarrikapenen agertoki. Olagarrokoak Txingudiko bertso eskolarekin jarri ziren harremanetan, Txotx Egunari irekiera bertsotan emateko aukerarik izango ote zen galdezka, eta hantxe izan ziren kantuan Abel Zabala eta Aitor Errazkin irundarrak eta Exteban Martiarena oiartzuarra.

Horratx 2014. urteko Hondarribiko Txotx Eguneko argazki batzuk, Olagarroko lagunek bidaliak.

This slideshow requires JavaScript.

Posted in Berriak and tagged ,,,, | Utzi iruzkina
04 maiatza 2014

Kabigorriko bertso gaua, maiatzaren 8an

Hileko lehen ostegunean antolatzen dugu beti Kabigorriko bertso gaua. Maiatzean, ordea, langilearen eguna dela eta, bigarrenera atzeratu dugu, baina bertan da dagoeneko maiatzaren 8a. Arratsaldeko 19:30etatik aurrera, Jon Martin, Iker Gorosterrazu, Maddi Sarasua eta Karlos Aizpurua ariko dira bertsotan, Abel Zabalaren aginduetara.

Gogoan izan saio ostean afaltzen geratzeko aukera paregabea eskaintzen duela Kabigorrik. Aprobetxa dezagun, beraz!

Bertan elkar ikusiko dugulakoan,

Izan ongi!

This slideshow requires JavaScript.

 

Posted in Berriak and tagged ,,,,, | Utzi iruzkina
12 Abu 2013

Euskal Jiran kantari (2013-08-03)

Iaz bezalaxe Manu Goiogana, Abel Zabala eta Aitor Errazkinek ordu erdi inguruko saiotxoa osatu zuten Euskal Jira egunean.

This slideshow requires JavaScript.

 

Posted in Bertso saioa and tagged ,,, | Utzi iruzkina
24 Abe 2012

Abel Zabalaren bederatzikoa

Oiartzundik Irunera etorri zen Hitza Jolas irratsaioko bederatzikoa, eta Irundik Lezora bidali dugu. Bide horretan uhineratu ditugunak: Irunabar Irungo Bertsoaren Bilgunearen desirak, Abel Zabalaren atzera begirada eta Xanti Zabala “Lexo”-ren gomuta. Soinu artxibo honetan azken biak dituzue entzungai.

Posted in Bertsoak and tagged | Utzi iruzkina
03 Aza 2012

Txingudiko bertso eskolakoak “Olagarro”ren 20. urteurrenean kantari

Txingudiko bertso eskolako Abel Zabala, Iñigo Ugarte eta Aitor Errazkin Hondarribiko Olagarro elkartearen 20. urteurrenean aritu ziren kantari, urriaren 27an. Olagarrokoek oroigarri bana eman zieten bertsotan aritu ziren hiru lagunei.

OLAGARROKO SAIOA

OLAGARRO

Posted in Berriak and tagged ,, | Utzi iruzkina

Post Navigation

Newer Entries →