Irunabar, Irungo bertsoaren bilgunea

Archive for the tag “Irunabar”

13 Eka 2016

Hika ikastaroa, arrakastatsua oso

Maiatzaren 28an amaitu zen AEK Irungo euskaltegiak eta Irunabarrek elkarlanean antolatutako hika ikastaroa. Hamar ikasle inguru bildu da ikastarora, eta guztiek egin dute ikastaroaren oso balorazio positiboa, bai ikasleek, bai antolatzaileek, eta baita irakasle lanetan aritu diren Joxan Elosegik eta Aitor Errazkinek ere. Ea, bada, 2016-2017 ikasturtean gisa bereko ikastarorik antolatzerik baden.

Posted in Berriak,Besterik and tagged ,, | Utzi iruzkina
12 Aza 2015

Prentsaurrekoa Bidasoa Txingudi Mugaz Gaindiko Partzuergoarekin

Zortzi ikasturte joan dira Irunabarrek Txingudiko bertso eskolaren kudeaketan diharduela, eta aurtengo eskaintza dela eta, prentsaurrekoa deitu zuen joan den ostegunean, azaroak 5, Bidasoa Txingudi Mugaz Gaindiko Partzuergoak. Izan ere, 2015-2016 ikasturtea 5 talderekin abiatu dugu, eta lorpen hori jendaurrean jakinarazi beharrekoa dela deliberatu dute. Hainbat komunikabidek jaso zituen prentsaurrekoan Irun, Hondarribia eta Hendaiako Udaletako ordezkariek zein Irunabarreko kideek esanak.

http://bidasoa.hitza.eus/2015/11/10/txingudi-bertso-eskola-txikitik-handira/

http://bidasoamedia.info/articles/article/hazten-ari-da-txingudi-bertso-eskola/

http://www.noticiasdegipuzkoa.com/2015/11/10/vecinos/bidasoa-txingudi/txingudin-ere-bertsotan

http://www.diariovasco.com/bidasoa/201511/07/txingudi-bertso-eskolako-bost-20151107011714-v.html

Eta hona, Antxeta irratian 2015-09-21an eskaini genuen elkarrizketa, 2015-2016 ikasturteko izen-emate kanpaina zela eta:

http://antxetamedia.info/recordings/news/txingudi-bertso-eskolak-ikasturte-berria-abiatu-du/

 

 

Posted in Berriak and tagged ,, | Utzi iruzkina
18 maiatza 2015

Gipuzkoako Bertso Eskolen Eguna ospatu zen Irunen (2015-04-28)

Gipuzkoako Bertso Eskolen Eguna ospatu zen Irunen, joan den apirilaren 28an, igandearekin, Gipuzkoako Bertsozale Elkarteak eta Irungo Udalak elkarlanean antolatuta.

Txingudiko Bertso Eskolako ikasleak, zenbait guraso eta Irunabarreko hainbat kide ere bertaratu ginen, goizean zehar Uranzu pilotalekuan antolatzaileek prestatutako jolas eta tailerretan parte hartzera, batetik, eta bestetik, arratsaldean Amaia Kultur Zentroan jokatu zen Gipuzkoako Eskolarteko Bertsolari Txapelketako finalaz gozatzera.

Irunabarreko kiderik adintsuenak jarri zion txapela Iñigo Ibañez azpeitiarrari, gainera: Joxe Juan Oiarzabal “gurdiya”k.

Fernando de la Heraren argazkia, Diario Vascoren bertsio digitaletik erauzia.

Fernando de la Heraren argazkia, Diario Vascoren bertsio digitaletik erauzia.

 

Posted in Berriak,Kronikak and tagged ,,,,,,, | Utzi iruzkina
26 Ira 2013

Kabigorriko ostegunetako bertso-gauak

Hitz hauen bidez abian jarri dugun proiektu baten berri ematea da helburua; Kabigorri elkarteak, eta Irunabar Irungo bertsoaren bilguneak, elkar-lanean burutuko duten proiektu bat da aurkeztu nahi dizueguna, pretentsio handirik gabekoa, baina, gure bailaran bertsogintza eta euskalgintzari bultzada handia eman nahi diona.

Urte osoan zehar eta hilabeteko lehen ostegunetan Kabigorri ostatuan bertso-saio bat egingo da, non eskualde honetako eta inguruko eskualdeetako jendeak parte hartuko duen. Saioak doanik izango dira, eta 19:30etan izango dute hasiera ordua.

Honen bestez gomitatu nahi zaituztegu proiektu honi hasiera emango dion lehen saiora, Urriaren 3a, osteguna, arratsaldeko 19:30 etan Kabigorri Ostatuan, Irunen;

Bertsolariak Abel Zabala (Irun), Eneritz Zabaleta (Baiona), Eneko Fernandez (Lesaka), eta Alaia Martin (Oiartzun) izango dira, eta gai-jartzaile lanak Egoitz Zelaiak egingo ditu.

Bertan elkartuko garelakoan besarkada bana!

Posted in Berriak and tagged ,,,, | Utzi iruzkina
17 Ira 2013
3 Comments

2013-2014 ikasturterako TXINGUDIKO BERTSO ESKOLAKO ESKAINTZA

Kaixo, lagun.

Aurten ere, ikasturte berria hastearekin bat, TXINGUDIKO BERTSO ESKOLAKO ESKAINTZAren berri ematera gatoz.

18 urte bitartekoentzat:

  • Hasiberri nahiz aurrez arituentzako taldea.
  • Hasiera eguna: irailak 23, astelehena, arratsaldeko 18:30etatik 20:00etara, Irungo EKTn (Larretxipi kalea, 12)
  • Irailaren 23an azaltzen diren haur eta familiekin hitzartuko dugu ikasturteko egutegia eta ordutegia.
  • Bertso eskolan izena emateko aukera ikasturte osoan zabalik egongo da.
  • Izen ematea DOHAINIK da.

18 urtetik gorakoentzat:

  • Hasiberri nahiz aurrez arituentzako taldea.
  • Hasiera eguna: irailak 25, asteazkenarekin, arratsaldeko 18:30etatik 20:00etara, Irungo EKTn (Larretxipi kalea, 12)
  • Irailaren 25ean azaltzen direnekin hitzartuko dugu ikasturteko egutegia eta ordutegia.
  • Bertso eskolan izena emateko aukera ikasturte osoan zabalik egongo da.
  • Izen ematea DOHAINIK da.

Zalantzak: irunabar@gmail.com eta 685 72 75 39 telefono zenbakian.

ESKERTUKO GENIZUEKE DEIALDIA ZABALTZEN LAGUNDUKO BAZENIGUTE!

Mila esker aldez aurretik!

Posted in Besterik and tagged ,,,,,
11 Abu 2013

Fernando Amezketarra

Kaixo, bertsozale:
Udan murgilduta gauden honetan ez gara etxeko txikienez ahaztu. Eguraldiak laguntzen ez duenerako, edo bestela ere, entrenenimendu tarte bat behar duzuenerako, jarraian Fernando Amezketarra bertsolariari buruz ETBk 1994an emititutako telesailaren atalak ipini dizkizuegu.
Fernando Amezketarra (Fernando Bengoetxea Altuna zituen berezko izen-deiturak) euskal bertsolari eta plazagizon gipuzkoar famatua izan zen, eta bere ateraldi umoretsu eta bizitasun eta argitasunagatik egin zen ezagun. Artzaintza izan zuen ogibide, eta oso bertsolari eta gizon berezia izan zen.
Bertsolari honen pasadizoekin ekoiztutako telesaileko atalak dituzue jarraian. On egin!
Posted in Marrazki bizidunak and tagged ,,, | Utzi iruzkina
10 Api 2013

UDABERRIZ lanaren aurkezpena

Aurreko mezuan jakinarazi genizuen moduan, joan den martxoaren 27an Xanti Zabala “Lexo” bertsolaria zenaren bertsoetan oinarritutako “UDABERRIZ” lanaren aurkezpen ekitaldia egin zen Lezoko Pleno Aretoan.

daberriz aurkezpena

Aurkezpen ekitaldian parte hartu zuten Nikolas Aldai, Pello Esnal eta Abel Zabalak (Xanti zenaren semeak), besteak beste. Irunabarrekook ere “Udaberriz” lanari prestatutako aurkezpen ekitaldi goxo eta unkigarrian izan ginen, eta jarraian duzue Hitza Jolas irratsaiorako Xabier Sukiak egindako erreportajea, bertan gertatutakoen berri jasotzen duena:

Irunabarren ere eskerrak eman nahi dizkizue hain gertuan sentitu genuen Xanti Zabala “Lexo”ren liburua eta honen aurkezpena prestatzen hainbeste lan hartu duzuenoi. Mila esker eta zorionak!!

Posted in Berriak,Kronikak and tagged ,,,,, | Utzi iruzkina
20 Mar 2013

Badator UDABERRIZ

Hemen dugu “UDABERRIZ” lana!!

Oraingo honetan lan eta proiektu interesgarri baten aurkezpen ekitaldiaren berri ematera gatozkizue. Auspoa editoriala Xanti Zabala “Lexo” bertsolaria zenaren bertsoetan oinarritutako “UDABERRIZ” lana argitaratzea doa. Lan hori Lexo-ren bertsopaperetatik abiatutako liburu batez eta bat-bateko bertsoetan oinarritutako CD batez osatua dago.

XANTI_1

Aurkezpen ekitaldia martxoaren 27an izango da Lezoko udaletxeko pleno aretoan, 19:30tan hasita. Liburuaren aurkezpenean parte hartuko dute proiektu honetan lan egin duten Peio Esnal eta Nikolas Aldaik besteak beste. Lezoko udaletxeko ordezkariak ere bertan izango dira.

Xanti Zabala “Lexo” Lezo herrian jaio bazen ere, bizitza osoa bertsoaren bueltan igaro ostean (hainbat sari eta aitorpen tarteko), azken urteetan Txingudiko bertso-eskolan berarekin gozatzeko aukera izan genuen, eta argi dago maitasun oso bereziz ikusten dugula lan honen aurkezpena.

Esan beharrik ez dago guztiak gonbidatuak zaudetela aurkezpen ekitaldira, eta ea Xantik merezi bezalako aurkezpena ematen diogun liburuari. Ea bertan elkar ikusteko moduan dugun!!

Posted in Berriak and tagged ,,,, | Utzi iruzkina
17 Ira 2012

Egin zaitez blog honen jarraitzaile

Gure blog honetan zintzilikatzen ditugun berri guztiak zuen posta elektronikoan jaso nahi baldin badituzue, eta hartara, eduki guztiak bistaratzeko aukera egokienaren jabe egin, erne. Blogaren behekaldean, eskuin aldean hain zuzen ere, bada “Follow” dioen erlaitza bat. Haren gainean “klik” egin eta zuen posta elektronikoaren helbidea idatzi behar duzue. Kitto.

Izan ongi,

This slideshow requires JavaScript.

Posted in Berriak and tagged ,,, | Utzi iruzkina
11 Ira 2012
1 Comment

Bertso eskolak ikastetxeetan

Laugarren ikasturtea dugu jada bertso eskolak antolatzen eskualdeko hainbat ikastetxeetako eskola orduz kanpoko aktibitate zerrenda barnean. Horietan guztietan eginiko lanak eta bizitako esperientzien testigantzak ekarri nahi ditugu “bertso eskolak ikastetxeetan” bataiatu dugun atal honetara. Hasteko, Eguzkitzako taldearen bi argazki ekarri ditugu hona. Lehendabizikoa, 2009-2010 ikasturteko argazki bat, eta bigarrena, 2012ko Gipuzkoako Bertso Eskolen Egunekoa, Gari Garaialdek Zumaian egina, haurren senide eta guzti. Haurrek 6-7 urte zituzten lehen argazkian, eta gehientsuenek bertso eskolara etortzen jarraitu dute. Ederki pasatzen dugun seinale. Izan bedi bada argazki pare eder hau, etorkizunean zintzilikatzeko asmoz gabiltzan post zerrenda luze baten hasiera besterik ez.

This slideshow requires JavaScript.

Posted in Bertso Eskolak Ikastetxeetan and tagged ,,

Post Navigation

← Older Entries
Newer Entries →