Irunabar, Irungo bertsoaren bilgunea

Archive for the category “Berriak”

16 maiatza 2019
1 Comment

Manu Goiogana Gipuzkoa Bertsotan [2019-05-18]

Irunabar, Irungo bertsoaren bilguneko Manu Goiogana kideak Gipuzkoa Bertsotan sailkapen faseko saioa izango du asteburu honetan. Larunbatarekin, maiatzaren 18an, Aretxabaletan arituko da Ainhoa Agirreazaldegi, Peru Aiartza, Endika Igarzabal, Julene Iturbe eta Izarne Zelaia bertsokide izango dituelarik. Saioa, Aretxabaletako Zaraia Aretoan izango da arratsaldeko 17:00etan.

Gipuzkoa Bertsotan udazkenean hasiko den Gipuzkoako Bertsolari Txapelketako aurrefasea da, 84 bertsolarik hartuko dute parte 42ko 2 taldetan banatuta. Talde bakoitzeko lehen 17ek lortuko dute udazkenean parte hartzeko txartela.

Animo, Manu!!

 

Txapelketako informazio gehiagorako bisitatu ondoko webgunea:

https://www.bertsozale.eus/eu/gipuzkoa/gipuzkoa-bertsotan

 

Posted in Berriak,Bertso saioa and tagged ,
29 Api 2019
1 Comment

Irati garaile 2019ko Plazatik Gaztetxera Gazte Sariketan [2019-04-27]

Plazatik gaztetxera plazan hasten ari diren eta plazarik ez duten bertsolarientzat antolaturiko sariketa da, eta era berean, bertsoa gazteengana gerturatzeko asmoa du.
Zazpi gazte asanbladetako kideak elkarlanean dabiltza sariketari forma emanez (Ondarroa, Itziar, Mutriku, Zestoa, Elgoibar, Eibar, eta Deba). Urterik urte lan eskerga egiten dute, ziur aski, merezi duten aitorpen eta eskertzarik jaso gabe.

Aurtengo honetan hogeita lau bertsolarik hartu dute parte, eta azkenerako, egun osoko festa prestatu zuten Debako gaztetxean. Aurtengoa inoizko finalik gazteena izan da, eta gazteenak gerra emateko aski motibazio eta kalitaterekin datozela frogatu zuten Deban.

Finalean Irati Alcantarilla(2001), Mikel Iturriotz(1995), Aner Peritz(2002), Oier Etxeberria(1998), Ane Beloki(1999) eta Oihana Arana(2001) bertsolariak aritu ziren Debako gaztetxean. Gaztetxea txiki gelditu zen hurbildu zen jende andanarentzako. Giro bikaina izan zen eta bertsoaldi batzuk giroaren mailara igo ziren.

Goiz eta arratsaldeko saioen ondotik, Mikel Iturriotz eta Irati Alcantarilla igaro ziren buruz burukora eta Irati Alcantarilla izan zen garaile. Orain arteko irabazlerik gazteena izan da.

Finalaren ondoren, 2zio eta Debrass Band taldeen kontzertuek giroa ederrestu zuten.

Egun bikaina izan zen. Zorionak antolatzaile guziei eta Zorionak, Irati!

 

Topatu.eus-ek jarraipena egin dio sariketari, hemen lotura:

https://topatu.eus/edukia/irati-alkantarillak-irabazi-du-2019ko-plazatik-gaztetxera-sariketa

Posted in Berriak,Bertso saioa,Kronikak and tagged ,
08 Api 2019

Irati Alcantarilla Plazatik Gaztetxerako finalean [2019-04-27]

Oier Etxeberria, Ane Beloki, Irati Alcantarilla, Urko Arregi, Lurdes Ondaro, eta Alexander Idoeta aritu ziren kantuan, apirilaren 5ean, Elgoibarko Gaztetxean. Giro bikaina izan zen, eta bertsolari guziek utzi zuten ale ederrik. Lehia parekatua izan zen eta finelara iragan ziren Oier Etxeberria, Ane Beloki, eta Irati Alcantarilla, hurrenez huren.

Heldu den asteburuan Eibarko gaztetxean egingo den finalerdietan erabakiko da zeintzuk osatuko duten finaleko seikotea. Finala Debako gaztetxean egingo da, apirilaren 27an.

Zorionak, Irati!

 

 

Posted in Berriak,Bertso saioa,Kronikak and tagged , | Utzi iruzkina
01 Api 2019
1 Comment

Irati Alcantarilla finalerdietan: Plazatik Gaztetxera XVII. [2019-03-29]

Martxoaren 29an, ostiralez, Plazatik Gaztetxera sariketako hirugarren kanporaketa egin zuten Mutrikuko Gaztetxean. Kantuan Antton Aizpurua, Irati Alcantarilla, Ander Anakabe, Urko Arregi, Gontzal Belategi eta Julene Iturbe aritu ziren. Puntuazio lanak amaiturik, Txingudiko Bertso Eskolako Irati Alcantarilla Urdanpileta izan zen puntu gehien batu zituena, eta finalerdietara iragan da, honenbestez. Zorionak Irati!

 

Elgoibarreko Gaztetxean ariko da Irati Apirilaren 5ean, 22:30tatik aurrera.

 

 

Posted in Berriak,Kronikak and tagged ,
27 Mar 2019

Gipuzkoako Eskolarteko Bertsolari Txapelketa 2019

Txingudiko bertso eskolako kide den Igauri Lopetegi 2019ko Gipuzkoako Eskolarteko Bertsolari Txapelketako finalefinalerako sailkatu da. Finala Lasturren izango da, apirilaren 5an, arratsaldeko 20:00etan hasita. Bertan bertsokide izango ditu Maddi Aiestaran, Imanol Albizu, Uxue Alkorta, Haizea Arana, Oihana Arana, Aner Peritz eta Aitor Tatiegi.

Animo, Igauri!

 

Posted in Berriak,Bertso saioa and tagged , | Utzi iruzkina
27 Mar 2019

Apirileko bertso gaua [2019-04-06]

Kaixo bertsozale:
Badoa ikasturtea aurrera, eta badator apirileko Kabigorriko bertso-gaua ere. Apirilaren 4an izango da, 19:30ean hasita.
Atxikitako kartelean ikus dezakezuen bezala, Nahikari Gabilondo zarauztarra, Aitor Errazkin irundarra, Iñigo Izagirre itziartarra eta Oier Aizpurua zarauztarra ariko dira bertsotan.  Egoitz Zelaia hendaiarrak egingo ditu gai-jartzaile lanak, eta Ekaitza Irastorzaren eskutik helduko zaizkigu hileko bertso jarriak.
Gogoan izan Kabigorrik afaltzeko aukera bikaina eskaintzen digula.
Anima zaitezte!
Posted in Berriak,Bertso saioa and tagged ,,,,,,,, | Utzi iruzkina
27 Mar 2019

21. Korrika Kulturala Hondarribian [2019-04-06]

21. Korrikak Hondarribitik igaro behar duela eta, bertako Gazte Xaiako kideek egun osoko egitaraua antolatu dute Apirilaren 6, larunbaterako. Egitarau zabal horren barruan, bazkalosteko bertso saio bat antolatu dute. Arratsaldeko 16:00etatik goiti burutuko den saioan jardutekoak dira Iraitz Mateo oiartzuarra eta Txingudiko bertso eskolako kide diren Adrian Arruti irundarra eta Egoitz Zelaia hendaiarra. Eguneko ekitaldi garrantzitsuenak Kasino Zaharrean burutuko dira, baita bertso saioa ere.

 

Posted in Berriak,Bertso saioa and tagged ,,, | Utzi iruzkina
27 Mar 2019
1 Comment

Bertso desafioa Oiartzun – Txingudi [2019-03-29]

Oiartzungo bertso eskolako gazteen taldeak desafioa bota dio Txingudiko bertso eskolari. Desafio hori, heldu den ostiralean, martxoaren 29an, burutuko da Oiartzungo Kastro tabernan izango da, arratsaldeko 20:00etatik goiti. Desafioak txapelketa formatua izango du eta bertan Txingudiko ordezkari gisa, Iker Altuna hendaiarra eta Adrian Arruti eta Igauri Lopetegi irundarrak jardungo dira Oiartzungo Josu Ibarguren, Jokin Irastorza, Araitz Sagarnaren eta Jon Otegi bertsolariekin norgehiagoka. Saioa Iraitz Mateo oiartzuarrak gidatuko du.

 

 

 

Posted in Berriak,Bertso saioa and tagged ,,,,,,,
09 Mar 2019

Xanti Zabala “Lexo” – omenaldia. 2019-03-16.

Kantaldia [2019-03-16]

Hedabideetan zabaltzen ari da Txingudiko Bertso Eskolako bertso tailerreko kideek Xanti Zabala bertsolariaren omenez antolatu duten kantaldiaren berri.

Eskerrik beroenak eman nahi dizkiegu hedapen horretan beren aletxoa jarri duten hedabide eta erakundeei. Guri iritsi zaizkigun loturak partekatu nahi ditugu zuekin (barka, baten bat ahaztu badugu), bai eta sarean Xanti Zabala “Lexo” bertsolariari buruz aurrez bazen hainbat lotura interesgarri ere:

Jakingo duzuen bezala, datorren larunbatean izango da omenaldia, martxoaren 16an, Hondarribiko Itsas Etxea Auditoriumean, 19:00etan hasita (ate irekiera, 18:30etan).
Kantaldiari buruzko informazio gehiago:
Xanti Zabala “Lexo” bertsolariari buruzko hainbat lotura:
Datorren larunbatean elkar ikusiko dugulakoan,
Eskerrik asko guztioi,
Posted in Berriak,Bertso saioa and tagged , | Utzi iruzkina
01 Mar 2019

Ikasle Abertzaleakek antolatutako bertso afaria

Ikasle Abertzaleak mugimenduak antolatuta, bertso afaria izango da martxoaren 15ean Moskuko Humo tabernan. Igauri Lopetegi irundarra eta Hodei Renteria Angeluarra ariko dira kantuan. Afarirako txartela 10 euro balio du.

Posted in Berriak,Bertso saioa and tagged , | Utzi iruzkina

Post Navigation

← Older Entries
Newer Entries →