Irunabar, Irungo bertsoaren bilgunea

Archive for the tag “Adrian Arruti”

29 Urr 2018

Hartu Hitzak deituta, bertso bazkaria. 2018-11-10, Bidasoako EKTn (Irun)

Azaroaren 18an Irunen egingo den herri galdeketa antolatzen ari da Hartu Hitza herri-plataforma. Eta galdeketa egunerako 20 egun eskas geratzen den honetan, bertso bazkari baten berri dakarkizuegu. Bidasoako EKT Elkartean izango da, eta bazkaldu eta gero Alaia Martin, Oihana Bartra, Urko Casado eta Aitor Errazkin ariko dira bertsotan, Adrian Arruti gai jartzailearen agindutara. 20 € balio du txartelak, eta Hartu hitza ekimenak, Bidasoako EKTk eta Irunabarrek elkarlanean antolatutako ekimena da.

Posted in Bertso saioa and tagged ,,,,,, | Utzi iruzkina
14 Abu 2018

Ama Xantalen-Moskuko jaiak 2018

Aurtengo Moskuko jaietan ere bi bertso saio antolatu ditu Irunabar, Irungo bertsoaren bilguneak, jai batzordeko kideekin elkarlanean. Datorren larunbatean izango da lehena, abuztuaren 18an, bertso-poteoa, herri bazkaria eta gero, arratsaldeko 17:00aetan hasita eta auzoko tabernetan barrena. Manu Goiogana irundarrak eta German Urteaga beasaindarrak kantatuko dute bertan.

Igandean, berriz, bertso saioa izango da plazan bertan, 18:00etan hasi eta 19:30ak bitarte (kartelean bestela agertzen bada ere). Bertan Alaia Martin oiartzuarrak, Igor Elortza durangarrak eta Miren Artetxe eta Egoitz Zelaia hendaiarrek kantatuko dute. Gaiak Uxue Larrukertek eta Adrian Arrutik hartu dute bere gain; egunean bertako Gai-emaile lanak Uxue Larrukert irundarrak egingo ditu, ordea.

 

Posted in Berriak,Bertso saioa and tagged ,,,,,,, | Utzi iruzkina
14 Abu 2018

Saioa izan zen abuztuaren 1ean Hendaiako Sasikon

Bertso saioa antolatu zuten Hendaiako Sasiko gaztetxekoek abuztuaren 1ean, eta bertan Txingudiko bertso eskolako 2 kide aritu ziren kantari, Adrian Arruti irundarra eta Egoitz Zelaia hendaiarra, Arkaitz Oiarzabal “Xamoa” oiartzuarrarekin eta Izarne Zelaia donostiarrarekin batera. Gai-emaile lanekin Oneka Jauregi arduratu zen.

Sasikoren Facebooketik hartua
Sasikoren Facebooketik hartua
Kartela

 

Posted in Kronikak and tagged ,,,, | Utzi iruzkina
29 Api 2018

Txingudi-Aramaio bertso trukea ospatu genuen Elatzeta Elkartean

Txingudi eta Aramaioko bertso eskoletako harrobietatik elikatutako bi talde jarri ginen buruz buru apirilaren 20an, Katea auzoko Elatzeta Elkartera bildutako 50 lagun ingururi afalosteko bertso-saio bizi eta gustagarria eskaintzeko asmoz. Elkarlan polita gauzatu genuen Elatzeta Elkartea eta Kateako auzo elkarteko kideekin batera. Gainera, afalaurrean auzoko pintxo-potean murgilduta ibili ginen, eta bertso saio biziak eskaini genituen Otazpi, Itzala eta Auzoko tabernetako kanpoaldean.

Hemendik eskerrak luzatu nahi dizkiegu bertso truke honen antolakuntzan bidelagun izan ditugun guztiei: poteo eta afariko entzuleei, sukaldariei, Nerea eta Josebari eta, nola ez, Aramaioko kantu-kideei… Guzti-guztioi mila esker eta nahi duzuenera arte.

Posted in Kronikak and tagged ,,,,,,, | Utzi iruzkina
04 Api 2018

Txingudi-Aramaio bertsotruk(e)a (2018-04-20), katea auzoan

Bertsotruk dinamika dela eta, Txingudi eta Aramaioko taldeen arteko bertso trukea antolatu dugu apirilaren 20rako, ostiralarekin. Katea auzoko pintxo-potean emango diogu hasiera saioari, eta Elatzeta elkartean antolatuta dagoen afalostean segida emango, bertso saio formatuan.

Afariaren kostua 12 euroren bueltan izango da. Afaritara eta ondorengo bertso saiora etorri nahi baduzue, deitu edo mezua bidali 685 72 75 39 telefono zenbakira, apirilaren 16a baino lehen, zenbat lagun izango zareten zehaztuz.

Aramaiotik Xabi Igoa, Manex Agirre eta Paula Amilburu ariko dira bertsotan, eta Txinguditik, aldiz, Iñigo Ugarte, Irati Alcantarilla eta Aitor Errazkin. Gaiak jartzen Adrian Arruti irundarra ariko da.

Bertsotruk dinamikak orain bitarte utzi dituen hainbat irudi:

Txingudi – Gernika (2018)
Txingudi – Gernika (2018)
Txingudi – Algorta
Txingudi – Algorta
Txingudi – Zarautz
Txingudi – Zarautz. Argazkilaria: Manu Goiogana
Zarautz – Txingudi
Zarautz – Txingudi
Zarautz – txingudi
Zarautz – Txingudi
Txingudi – Goierri
Txingudi – Goierri
Goierri – Txingudi
Bertsotruk: Txingudi – Kakiturri (2012-12-12)
Txingudi – Kakiturri
Helduen Bertso Eskolen Eguna (Agurain)
Helduen Bertso Eskolen Eguna (Agurain)
Helduen Bertso Eskolen Eguna (Agurain)
Posted in Berriak,Bertso saioa and tagged ,,,,,,,,, | Utzi iruzkina
26 Abe 2017

2018ko lehendabiziko bertso gaua urtarrilaren 4ean

Urtarrilaren 4ean izango da urteko lehendabiziko bertso gaua, eta bertan ariko dira Iñaki Zelaia, Julen Zelaieta, Aimar Karrika, Andoni Zelaia eta Abel Zabala. Gaiak jartzen Aitor Errazkin ariko da, eta bat-bateko saioaren aurreko bertso jarriak, aldiz, Adrian Arrutiren eskutik helduko zaizkigu.

Aimar Karrika (Auritz)
Iñaki Zelaia (Hernani)
Andoni Zelaia (Hendaia)
Abel Zabala (Irun)
Julen Zelaieta (Bera)

Gogoan izan saioa eta gero afaltzeko aukera paregabea eskaintzen digula Kabigorrik. Bertan elkar ikusiko dugulakoan, urte berri on denoi.

Posted in Berriak,Bertso saioa and tagged ,,,,, | Utzi iruzkina
27 Aza 2017

Bertso-sex afaria izan zen Lakaxitan, 2017ko azaroaren 24an

Posted in Kronikak and tagged ,,,, | Utzi iruzkina
01 Aza 2017

Azaroko Kabigorriko bertso gaua, hilaren 9an izango da

Hilaren 9an izango da Kabigorriko azaroko bertso-gaua, arratsaldeko 19:30etatik aurrera, ohitura dugun moduan. Mikel Garmendia irundarrak jarritako bertsoekin emango diogu hasiera saioari, eta segidan izango ditugu bat-bateko bertso lanean murgilduta Arkaitz Oiartzabal “Xamoa” oiartzuarra, Jokin Bergara eibartarra, Patxi Castillo beratarra eta Aitor Errazkin irundarra. Azaroko saioan hirugarren irundar baten aginduetara arituko dira bertsolariak: Adrian Arrutirenetara, hain zuzen ere, saiorako gaiak prestatzeko eta egunean bertan aurkezle lanak egiteko ardura izango duena.

Aitor Errazkin (Irun)
Jokin Bergara
Arkaitz Oiarzabal “Xamoa” (Oiartzun)
Patxi Castillo (Bera)

Gure aldetik besterik ez. Anima zaitezte saioaz gozatzera, eta oroitu Kabigorrik aukera paregabea eskaintzen digula saioa eta gero mokadu bat egitera geratzeko ere.

Ongi izan eta sarri arte.

Posted in Berriak,Bertso saioa and tagged ,,,,,, | Utzi iruzkina
21 Abu 2017
2 Comments

Bikainak joan ziren Moskuko jaietako bi bertso zitak

2017ko abuztuaren 19an izan zen Moskuko jaietako bertso poteoa. Manu Goiogana irundarrak eta Eneko Abasolo Iurretarrak kantatu zuten, eta aspaldiko triki-bertso-poteo jendetsuenetakoa izan zen. Bertsolariak trikitixa doinuekin laguntzen Itsaso, Gartxot, Jon, Gaizka eta konpainia aritu ziren.

Argazkiak: Egoitz Zelaia
Argazkiak: Egoitz Zelaia
Argazkiak: Egoitz Zelaia
Argazkiak: Egoitz Zelaia
Argazkiak: Egoitz Zelaia
Argazkiak: Egoitz Zelaia
Argazkiak: Egoitz Zelaia
Argazkiak: Egoitz Zelaia
Argazkiak: Egoitz Zelaia
Argazkiak: Egoitz Zelaia
Argazkiak: Egoitz Zelaia
Argazkiak: Egoitz Zelaia
Argazkiak: Egoitz Zelaia
Argazkiak: Egoitz Zelaia

Igandeko saioa ere mundial joan zen. Bertan aritu ziren Igor Elortza, Unai Iturriaga, Arkaitz Oiartzabal “Xamoa” eta Egoitz Zelaia. Gai-emale eta aurkezle lanetan, aldiz, Adrian Arruti aritu zen.

Argazkiak: Manu Goiogana
Argazkiak: Manu Goiogana
Argazkiak: Manu Goiogana
Argazkiak: Manu Goiogana
Argazkiak: Manu Goiogana
Argazkiak: Manu Goiogana
Argazkiak: Manu Goiogana
Argazkiak: Manu Goiogana
Argazkiak: Manu Goiogana
Argazkiak: Manu Goiogana
Argazkiak: Manu Goiogana
Argazkiak: Manu Goiogana
Argazkiak: Manu Goiogana
Argazkiak: Manu Goiogana
Posted in Besterik and tagged ,,,,,,,
09 Abu 2017
3 Comments

Moskuko jaietako bertso saioak

Irunabarrek Moskuko jaiekin bat egin izan du beti, eta baita azken urteetan bertso-saioen antolakuntzak esku-kolpe bat eman ere. Aurtengoan, honakoak prestatu ditugu jaietako antolatzaileekin elkarlanean:

ABUZTUAK 19, LARUNBATA

Herri-bazkaria eta gero, bertso-poteoa. Bertsolariak: MANU GOIOGANA eta ENEKO ABASOLO “ABARKAS”.

ABUZTUAK 20, IGANDEA

Bertso-saioa. Arratsaldeko 19:00etan, Urdanibia plaza inguruan. Bertsolariak: IGOR ELORTZA, UNAI ITURRIAGA, ARKAITZ OIARZABAL “XAMOA” eta EGOITZ ZELAIA. Gai-emalea: ADRIAN ARRUTI.

 

Posted in Berriak,Bertso saioa and tagged ,,,,,,,

Post Navigation

← Older Entries
Newer Entries →