Irunabar, Irungo bertsoaren bilgunea

Archive for the category “Berriak”

22 Aza 2016

Abenduaren 10ean, BERTSOTRUK: Txingudi-Zarautz, Erlaitz Elkartean

bertsotruk logoAbenduaren 10ean Txingudi-Zarautz lagunarteko “bertso-desafioa” jokatuko da, bertso-bazkari formatuan, Irungo Peña kaleko Erlaitz Elkartean, eta 14:00etatik aurrera.

Zarauztik Aitor Urbieta, Beñat Jauregi “Fede” eta Markel Eizagirre ariko dira bertsotan, eta Txinguditik, aldiz, Gotzon Aizpiolea, Andoni Zelaia eta Aitor Errazkin. Gai jartzaile lanetan Adrian Arruti ariko da.

Irunabarreko kideok arduratuko gara otordua prestatzeaz, eta bazkaltzera etorri nahi duzuenok zenbat izango zareten jakinaraztea beste lanik ez duzue izango. Otordurako txartel bakoitzak 15 euro balio du. Etorri nahi duzuenok, mezua bidali edo deitu honako bi telefono zenbakietara:

690 065 826 (Abel) edo 669 366 589 (Egoitz)

Eta gure posta elektroniko helbidera ere idatz dezakezue: irunabar@gmail.com

Anima zaitezte eta izena eman!

Posted in Berriak and tagged ,,,,,,, | Utzi iruzkina
22 Aza 2016

Abenduaren 1ean, urteko azken bertso gaua

Abenduaren 1ean izango da urteko azken bertso gaua, ikasturteko hirugarrena: bertan, Alaia Martin, Miren Artetxe eta Egoitz Zelaia bertsolariak ariko dira Eneko Sanchez, Oinatz Mitxelena eta Zuhaitz Olazabal gai-jartzaileen aginduetara. Bertsolari beste gai-jartzaile, beraz. Bertso jarriak Aitor Errazkinen eskutik helduko dira, eta Aritz Erasun eta Aitziber Arruabarrena trikitilarien laguntza izango du.

Abenduko Kabigorriko bertso-gaua “Irungo Euskararen Egunak” herri-ekimenaren egitarauan txertatuta dago.

This slideshow requires JavaScript.

Posted in Berriak and tagged ,,,,,,,,,, | Utzi iruzkina
13 Aza 2016

Bertso-bazkari musikatua, azaroaren 26an, EKTn.

img-20161113-wa0001Betti-Gotti Euskara-Kultur Elkarteak bertso-bazkari musikatua antolatu du azaroaren 26rako, EKTn (Larretxipi, 12). Bertsolariak Egoitz Zelaia, Maialen Akizu, Arkaitz Oiarzabal “Xamoa”  eta Beñat Gaztelumendi izango dira. Gaiak jartzen, Haritz Casabal arituko da, eta musikari lanetan, Antton Aranburu eta Gari Otamendi.

14:00etatik aurrera izango da bazkaria, eta 18 € balio du sarrera-txartel bakoitzak. Txartelak lortzeko, onena,  EKTko WhatsApp taldea erabili edo Betti-Gottiko antolatzaileekin hartu-emanetan jartzea:

  • EKTko WhatsApp taldea: 688 69 73 62
  • 609 890 830 edo bettigotti@hotmail.com (Astelehenetik ostiralera, 18:00etatik 20:00tara)

Txartelak lortzeko beste bide batzuk:

Menuaren berri ez dugu oraindik, baina guztiok dakizue jakin, goxoa jateaz gainera, ez zaretela goseak geratuko.

Bertso-saioari dagokionez, aurrekari argia duzue IRUNABARek urria hasieran Kabigorrin antolatutako saioa.

Bertso-bazkari musikatu hau IRUNGO EUSKARAREN EGUNAK herri-ekimenaren barruan kokatua dago. Irungo hainbat elkarte eta eragilek osatzen duen egitasmo irekia da Euskararen Egunak delakoa, eta euskararen normalizazio prozesuan eta herriaren berreuskalduntze bidean eragin nahi duten guztiei zabalduta dago.

ANIMA ZAITEZTE!

 

Posted in Berriak,Bertso saioa and tagged , | Utzi iruzkina
11 Aza 2016

Bertso-afaria Hondarribiko Itsaslur elkartean abenduaren 3an, larunbatarekin

Bertso-afaimg-20161111-wa0003ria antolatu du Itsaslur Elkarteak abenduaren 3rako, larunbatarekin, eta Euskararen Nazioarteko Egunarekin bat eginez. Alaia Martin eta Julio Soto ariko dira bertsotan, eta Karlos Aizpuruak jarriko dizkie gaiak.

Sarrerak Irungo Hazia Elkartean izango dira salgai gaurtik aurrera, eta Hondarribian, aldiz, Txantxangorri, Enbata eta Batzokia tabernetan salgai daude honezkero.

Kartelean sarrera-txartelak 8 euroan direla hala jartzen badu ere, 20 euroan dira.

Anima zaitezte!

 

Posted in Berriak and tagged | Utzi iruzkina
03 Aza 2016

Bertso saioa Irungo Hazia Elkartean

Bertso bazkaria antolatu du Irungo Hazia Kultur Elkarteak 2016ko azaroaren 5ean. Tiketak Hazian daude salgai, 15 euroan, eta Arkaitz Oiarzabal “Xamoa” oiartzuarra eta Egoitz Zelaia hendaiarra ariko dira bertsotan.bertsobazkariahazian Anima zaitezte!

Posted in Berriak and tagged , | Utzi iruzkina
30 Urr 2016

BERTSOTRUK 2016-2017; ZARAUTZ – TXINGUDI (2016-10-21), lehen saioa.

bertsotruk_2016_2017Irailaren 17an Portugaleten izan zen Manu Goiogana bertso-eskolako kide eta Irunabarreko eragilea, Bertso Eskolen Egunean, hantxe izan baitzen ikasturte honetako Bertsotruk dinamikaren aurpezna. Txingudiko taldeari Algortako Bertsolari Eskolarekin eta Zarauzko bertso-eskolarekin bina saio egitea egokitu zaio. Saioak joan-etorrikoak direnez, etxean bi antolatu beharko ditugu, iaz bezalaxe.

Honezkero izan dugu lehen zita edo elkarretaratzea, Zarautzen, 2016ko urriaren 21ean izan zen. Giro ederrean joan ziren saioa eta arratsa. Hona argazki batzuk.

This slideshow requires JavaScript.

 

Posted in Berriak,Besterik and tagged ,,, | Utzi iruzkina
15 Urr 2016

JOXE MARI LOPETEGIREN ITURRITIK BERTSOTAN – Emanaldi musikatua

426216390_122046

Tania Lozano irundarrak eginiko kartela.

Datorren larunbatean izango da, urriak 22an, arratsaldeko 18:00etatik aurrera, Irungo Udal Kontserbatorioan: JOXE MARI LOPETEGIREN ITURRITIK BERTSOTAN emanaldi musikatua.

Joan den ikasturtean sekulako lana burutu zuen Txingudiko Bertso Eskolako bertso-tailerrak Joxe Mari Lopetegi bertsolari irundarraren izena eta obra zabaltzen: hitzaldia, Lopetegi kalerik-kale, Wikipediako sarrera osatzea… Eta beste hainbat sakoneko lan, etorkizunean emango dutenak bere fruitua, edo Joxe Marik esango lukeen bezala, alorta. Baina Lopetegiren bertsogintzan oinarritutako emanaldi musikatua edo kantaldia ezin izan zuten burutu, eta sekulakoa prestatu dute 2016-2017 ikasturteari ekiteko.

Bertso-tailerreko kideek Iñaki Aranaga “Auntxa”ri aipatu zioten kantaldia egiteko asmoa zutela, eta pozarren onartu zuen honek bertso-eskolakoen proposamena. Musikariak eta bertsolariak koordinatzeaz arduratu da lehen egunetik, eta ilusioz eta gogoz dihardu proiektuan lanean, jaialdi egunean, besteak beste, musikari eta soinu-teknikari lanak egingo dituen Aranagak. Antxeta Irratiak bildu ditu Aranagaren jaialdiaren inguruko azalpenak.

Jende ugarik hartuko du parte jaialdian. Bertso-eskolako hainbat kidek, Auntxa Trikitixa Eskolako ikasleek, Udal kontserbatorioko irakasle eta ikasleek, eskualdeko hainbat abeslari, lagun eta musikarik, eta, antolatzaileei poz berezia eman dien parte-hartzea: Eloi eta Igauri Lopetegi, Joxe Mari zenaren iloba eta hereniloba. Horrez gainera, Joxan Elosegi jaialdiko bertso-sorta guztien testuingurua zehazteaz arduratuko da, entzuleak ahalik eta etekin handiena atera dakien Lopetegiren bertsoei. Izan ere, 2004. urtean “Joxe Mari Lopetegi, errepublikaren bertsolaria” (Paper Hotsak, 2004) liburua idatzi zuen Elosegik; bera da, inongo dudarik gabe, Lopetegiren lana gehien aztertu eta ezagutzen duen pertsona.

Amaitzeko, post honetara gehitu nahi izan ditugu azken asteetan jaialdiari buruz komunikabideetan eta prentsan azaldu diren hainbat berriren loturak.

Joxe Mari Lopetegi bertsolari errepublikarraren iturritik kantari – Argia

Joxe Mari Lopetegi bertsolariaren omenezko kantaldia egingo dute hilaren 22an – Bidasoako Hitza

Xabier Bengoetxea eta Aitor Errazkini elkarrizketa, Info7 Irratian (2016-10-12)

Antxeta Irratiak bildu ditu Aranagaren jaialdiaren inguruko azalpenak.

Joxe Mari Lopetegiren bertso kantaldia Irunen – bertsoa.com

Oraingoz, besterik ez. Urriaren 22an, arratsaldeko 18:00eta Irungo Udal Kontserbatorioan elkar ikusiko dugulakoan, ordura arte, eta ongi bizi!

 

Posted in Berriak and tagged ,,,,, | Utzi iruzkina
02 Urr 2016

2015-2016 ikasturteko Kabigorriko bertso-gauetako bertso sortak

Hemen dituzue irakurtzeko moduan 2015-2016 ikasturtean Kabigorriko berts-gauetako bat-bateko saioen aurretik Irunabarreko hainbat kide eta lagunek ondu eta kantatutako bertso-sortak.

http://issuu.com/irunabarirungobertsoarenbilgunea/docs/kabigorriko_bertso_sortak_2015-2016?e=26461396/39283552

//e.issuu.com/embed.html#26461396/39283552

Posted in Berriak,Bertsoak and tagged ,,,,,,,,,, | Utzi iruzkina
01 Urr 2016
1 Comment

Badatoz Kabigorriko bertso-gauak!!! 2016-10-06: KA2SHOW

2016-2017 ikasturtean ere, eta laugarren urtez jarraian, Kabigorriko bertso-gauak izango ditugu urrian hasi eta ekaina bitarte. Antolatzaileak, aurreko edizioetan bezalaxe, Irunabar (Irungo bertsoaren bilgunea) eta Kabigorri Bidasoaldeko Ateneoa izango dira. Urriko saioa, hilaren 6an izango da, arratsaldeko 19:30etatik aurrera, Kabigorrin. Lehendabizikoa saio honetarako “Ka2show” saio berezia izango dugu (“Bershow” ezagunaren bertsio moldatua).

Saioaren gidaritzan eta gai jartzaile lanetan Haritz Casabal pasaitarra ariko da. Bertsolariak Maialen Akizu urretxuarra, Beñat Gaztelumendi añorgarra, Arkaitz Oiartzabal “Xamoa” oiartzuarra eta Egoitz Zelaia hendaiarra izango dira. Musikari lanetan, aldiz, Antton Aranburuk, Gari Otamendik eta Beñat Urteagak osatutako hirukoa.

Anima zaitezte! Eta gogoan izan Kabigorrik saio ostean modadutxo bat egiteko eskaintzen duen aukera paregabea.

This slideshow requires JavaScript.

 

Posted in Berriak,Bertso saioa and tagged ,,,,,
14 Ira 2016

Txingudiko Bertso Eskola: 2016-2017 ikasturteko eskaintza. Animatu eta izena eman!

Urriko lehen astean ekingo diogu 2016-2017 ikasturteari Txingudiko Bertso Eskolan. Eskolak doan dira, beti bezala, eta urritik ekainera bitarte duzue izen-emateko aukera. Izena emateko, parte hartu nahi duzuen taldeko arduradunari deitu, edo mezua bidali, bestela, irunabar@gmail.com helbide elektronikora.

Hona aurtengo taldeen zerrenda:

1.- HAUR ETA GAZTETXOEN BERTSO ESKOLA (hasi berriak eta 14 urte bitarteko gazteak)

  • Eguna: Asteartea
  • Ordua: 17:30-19:00
  • Tokia: EKT (Euskal Kultur Taldea). Larretxipi kalea 12, Irun.
  • Arduraduna: Arkaitz Oiarzabal Xamoa (685 72 75 39)
  • Lehendabiziko eguna: Urriak 4

2.- BAT-BATEKO BERTSO ESKOLA I (Adin guztietako hasiberrientzat)

  • Eguna: Asteartea
  • Ordua: 19:00-20:30
  • Tokia: Junkal Kalea, 22 (Erromes plaza eta Junkal eliza artean).
  • Arduraduna: Aitor Errazkin Vicente (685 72 75 39) eta Egoitz Zelaia Perez (669 36 65 89)
  • Lehendabiziko eguna: Urriak 4

3.- BERTSOLARITZA TAILERRA (Adin guztiak): Bertsogintza ez ezik (bat-batekoa zein idatzizkoa), bertsolaritzaren eta bertsogintzaren bueltako beste hainbat aspektu landuko ditugu. Aurten, iaz abiatutako hainbat egitasmori segida emango diogu; hala nola, Joxe Mari Lopetegi bertsolari irundarraren izena eta obra ezagutarazten jarraitzea.

  • Eguna: Asteartea
  • Ordua: 19:00-20:30
  • Tokia: Junkal Kalea, 22 (Erromes plaza eta Junkal eliza artean).
  • Arduraduna: Aitor Errazkin Vicente (685 72 75 39)
  • Lehendabiziko eguna: Urriak 4

4.- BAT-BATEKO BERTSO ESKOLA II

  • Eguna: Astelehena
  • Ordua: 18:30-20:00
  • Tokia: Junkal Kalea, 22 (Erromes plaza eta Junkal eliza artean).
  • Arduraduna: Egoitz Zelaia Perez (669 36 65 89)
  • Lehendabiziko eguna: Urriak 3

5.- BAT-BATEKO BERTSO ESKOLA III

  • Eguna: osteguna
  • Ordua: 19:30-21:30
  • Tokia: Jaizubiako auzo-elkartea (Hondarribia)
  • Arduraduna: Abel Zabala Elizazu (690 06 58 26)
  • Lehendabiziko eguna: Urriak 6

This slideshow requires JavaScript.

Posted in Berriak,Besterik and tagged , | Utzi iruzkina

Post Navigation

← Older Entries
Newer Entries →