Irunabar, Irungo bertsoaren bilgunea

Irungo bertso eskolen VI. eguna

2017ko ekainaren 10ean ospatu genuen Irungo bertso eskolen eguna; seigarrena, honezkero. Beti bezala, Ola sagardotegian egin genuen, eta hemendik eskertu nahi dugu, beste behin ere, Bengoetxeatarren eskuzabaltasuna. 70-80 lagunen bueltan izango ginen Olara bildutakoak, eta azken urteetan ohitura dugun gisan, Auntxa Trikitixa Eskolako lagunek eman zioten irekiera saioari. Zuhaitz Olazabalek egin zituen aurkezle eta gai-jartzaile lanak, eta Txingudiko bertso eskolako 5 taldeetako ikasle eta irakasleak haren aginduetara jarri ziren. Saio polit askoa joan zen aurtengoa ere; zahar eta gazte, guztiek elkarbanatu zuten plaza bera. Saio amaitu ondoren, trasteak jaso eta, urtero bezala, merendu eder bat eginez berdindu genituen urduritasunek hustutako sabelak.

Egun borobila, beraz, 2016-2017 ikasturteari agur esateko.

Amaitzeko, eskerrik beroenak eman nahi dizkiegu urtengoan ere bertso eskolako ikasle, irakasle, lagun, guraso, familia eta antolatutako saio eta ekitaldietara hurbiltzen den jende guztiari. Eta aurtengoan ere, esker bereziak Iñaki Aranaga trikitilariari. Plazer handiz aritzen gara Irunabarrekook Auntxakoekin elkarlanean, eta oso eskertuta gaude aurtengoan ere ikasturte amaierako festa honetan gurekin batera jarduteko prestutasuna azaldu dutelako. Egia esan, aurten behin baino gehiagotan aritu gara Auntxa Trikitixa Eskola eta Musika Eskolako trikitilariekin elkarlanean, Aranaga irakasle eta eragile nekaezinarekin dugun hartuemanari eskerrak. Bejondeizuela.

Single Post Navigation

Utzi erantzun bat

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Aldatu )

Google photo

You are commenting using your Google account. Log Out /  Aldatu )

Twitter picture

You are commenting using your Twitter account. Log Out /  Aldatu )

Facebook photo

You are commenting using your Facebook account. Log Out /  Aldatu )

Connecting to %s

This site uses Akismet to reduce spam. Learn how your comment data is processed.

%d bloggers like this: