Irunabar, Irungo bertsoaren bilgunea

25 maiatza 2015

Ekainaren 4an ikasturteko azken bertso gaua, Kabigorrin.

Ekainaren 4erako dago deituta 2014-2015 ikasturteko azken bertso gaua, 19:30etan Irungo Kabigorrin, Bidasoaldeko Ateneoan. Manu Goiogana irundarra Lesakatik helduko diren Manolo Arozena, Juan Mari Lopez eta Joxe Juan Zubieta “Etxabe”rekin ariko da eta, era berean, guztiek egin beharko dute bertsotan Oihana Aranburu hondarribiarraren aginduetara, berak jarriko baititu gaiak, eta berak saioa aurkeztuko.

This slideshow requires JavaScript.

Bat-bateko saioaren aurretik, Urko Casado astigartarrak bertso berriak kantatuko ditu, saio hortarako propio jarriak, joan den urritik honako bertso gau guztietako ohiturari segika.

Eta saio ostean, bada, agian, ezustekoren bat edo beste, baina erne: ez pasatzen utzi Kabigorrin afaltzen geratzeko aukera paregabea.

Bejondeizuela, eta hurrengo ostegunera arte.

Posted in Berriak,Bertso saioa and tagged ,,,,,, | Utzi iruzkina
18 maiatza 2015

Toki Alai – Gaztelu Zaharren bertsotan

2015eko maiatzaren 13an Toki Alai-Gaztelu Zaharreko DBH2ko ikasleekin eman zuten goiz osoa Egoitz Zelaiak eta Aitor Errazkinek. Bertsolaritzaren eta bertsogintzaren berri eman zieten ikasleei, bai eta bat-bateko bertso saioa eskaini ere. Bertso Eskolako kide eta Toki Alaiko ikasle Peio Iriarte lagun izan zuten Egoitzek eta Aitorrek zenbait lan gauzatzeko garaian.

This slideshow requires JavaScript.

Ikasleek taldean ondutako bertsoak:

Lehen taldearen bertsoa:

Egunero sei ordu
goaz eskolara
goizetik gauera gu
ikasleak gara
zuzendaria dator
ene ze ikara!
Dirudi kartzela bat
aspergarria da.

Bigarren taldearen bertsoa:

Toki Alai eskola
ez dugu itzela
baina askoz txarrago
daukagu kartzela.
Beteta baitaukagu
beti zaintza gela
beste Irungo eskola
guztiak bezela!

Posted in Berriak,Bertsoak,Kronikak and tagged ,,, | Utzi iruzkina
18 maiatza 2015

Gipuzkoako Bertso Eskolen Eguna ospatu zen Irunen (2015-04-28)

Gipuzkoako Bertso Eskolen Eguna ospatu zen Irunen, joan den apirilaren 28an, igandearekin, Gipuzkoako Bertsozale Elkarteak eta Irungo Udalak elkarlanean antolatuta.

Txingudiko Bertso Eskolako ikasleak, zenbait guraso eta Irunabarreko hainbat kide ere bertaratu ginen, goizean zehar Uranzu pilotalekuan antolatzaileek prestatutako jolas eta tailerretan parte hartzera, batetik, eta bestetik, arratsaldean Amaia Kultur Zentroan jokatu zen Gipuzkoako Eskolarteko Bertsolari Txapelketako finalaz gozatzera.

Irunabarreko kiderik adintsuenak jarri zion txapela Iñigo Ibañez azpeitiarrari, gainera: Joxe Juan Oiarzabal “gurdiya”k.

Fernando de la Heraren argazkia, Diario Vascoren bertsio digitaletik erauzia.

Fernando de la Heraren argazkia, Diario Vascoren bertsio digitaletik erauzia.

 

Posted in Berriak,Kronikak and tagged ,,,,,,, | Utzi iruzkina
07 maiatza 2015

Txingudi Ikastolako bertso tailerrekoen “Korrika Txiki”ko bertsoak

Posted in Bertso Eskolak Ikastetxeetan,Bertsoak,Kronikak and tagged ,, | Utzi iruzkina
29 Api 2015

Maiatzeko Kabigorriko bertso gaua (2015-05-07)

Urtea nahi baino bizkorrago joan den honetan, ikasturteko azken aurreko saioarekin topo egin dugu. Maiatzaren 7an, arratsaldeko 19:30etatik aurrera, Saioa Alkaiza Guallar iruindarra, Miren Artetxe hendaiarra, Nahikari Gabilondo zarauztarra eta Egoitz Zelaia hendaiarra ariko dira bertsotan. Alaia Martin oiartzuarrak jarriko dizkie gaiak bertsolariei, eta Uxue Larrukert irundarrak jarriko ditu bat-bateko saioaren aurreko bertsoak.

Anima zaitezte! Kontuan hartu Kabigorrik saioa eta gero bikainki afaltzeko aukera eskaintzen digula ostegunero.

 

This slideshow requires JavaScript.

Posted in Besterik and tagged ,,,,,, | Utzi iruzkina
31 Mar 2015

Apirilaren 9an, Kabigorriko hurrengo bertso gaua

Hiru bertso gau eder eta bero ditugu oraindik gozatzeko ikasturtea bukatu aurretik, apiriletik ekainera bitarteko hirurak, hain zuzen ere. Apirilaren 9an, arratsaldeko 19:30etatik aurrera, Iñigo Ugarte irundarra, Maddi Sarasua itsasuarra, Patxi Castillo beratarra eta Unai Gaztelumendi añorgarra ariko dira bertsotan. Gotzon Aizpiolea irundarrak jarriko dizkie gaiak lau bertsolariei, eta Exteban Martiarena oiartzuarraren eskutik joango dira bat-bateko saioaren aurreko bertso jarriak.

This slideshow requires JavaScript.

Anima zaitezte! Eta kontuan hartu Kabigorrik saioa eta gero ederki asko afaltzeko aukera eskaintzen digula ostegunero.

Posted in Berriak,Bertso saioa and tagged ,,,,,, | Utzi iruzkina
31 Mar 2015

Korrikaren aldeko bertso-afaria ederki asko joan zen

Joan den martxoaren 14ean bertso-afaria antolatu genuen, Korrika 19 zela eta, Irungo AEKrekin eta Bidasoako EKTrekin elkarlanean. Bikain afaldu genuen bertara bildutako 60 lagun inguruk, sukaldari eta zerbitzari boluntarioen lanari esker. Afalondoan, omenaldia eskaini zien Irungo AEKk Brasil gozodendako Koldo eta Xoleri, erretiroa hartu berritan, urtetan egindako lana eskertzeko. Lore sorta, Ainara Maiaren olerkia, Egoitz Zelaiaren bertsoak eta bertaratutako guztion txaloak eta esker ona etxeratu zituen bikoteak. Ondoren, bertso saio ederraz gozatzeko parada izan genuen Iñigo Ugarte, Egoitz Zelaia, Gotzon Aizpiolea eta Abel Zabalaren bertsoei esker.

Hona larunbatean bildutako hainbat irudi:

This slideshow requires JavaScript.

Posted in Berriak,Bertso saioa,Kronikak and tagged ,,,,,,, | Utzi iruzkina
09 Mar 2015

“Hendaia Euskaraz”en estreinaldian bertsotan

Hendaia Euskaraz hilabetearen estreinaldia ospatzen zela eta, Txingudiko bertso eskolako Gotzon Aizpiolea eta Urko Casado Hendaiako Herriko Etxean aritu ziren bertsotan martxoaren 3an. Ekimenaren antolatzaileek aurten aisialdia hautatu dute lan-lerrotzat, eta honako leloa jarri hilabetez luzatuko duten ekintza multzoa biltzeko: “Aisialdiak, euskaraz aise!”, eta gaiaren bueltan aritu ziren Urko eta Gotzon.

 

This slideshow requires JavaScript.

Posted in Berriak and tagged ,, | Utzi iruzkina
03 Mar 2015

Martxoaren 14an Korrikaren aldeko bertso-afaria EKTn

Korrika 19 dela eta bertso afaria antolatu dugu Irungo AEK-k, Bidasoaldeko EKT-k eta Irunabarrek.

Martxoaren 14an izango da, larunbatarekin, gaueko 20:30etatik aurrera, Bidasoaldeko EKTn (Larretxipi kalea, 12 – Irun). Afariaren prestaketaz sukaldeko lanetan hainbat bider aritutako boluntarioak arduratuko dira (otordu bikaina dastatzeko aukera, beraz), eta afalosteko bertso saioaz, aldiz, Irunabar, Irungo bertsoaren bilguneko jendea. Bertsotan Gotzon Aizpiolea, Egoitz Zelaia, Iñigo Ugarte eta Abel Zabala ariko dira; gai-jartzaile lanak Aitor Errazkinek hartuko ditu bere gain.

Sarrerak 15 euroan izango dira salgai Irungo EKTn eta Hazia kultur elkartean. Bestalde, zalantzak argitzeko eta sarrerak lortzeko hirugarren aukera modura, 618 889 702 telefono zenbakia jarri dugu zuen zerbitzura.

Anima zaitezte Korrikari bultzadatxoa ematera. Ederki pasako dugu.

 

Posted in Besterik | Utzi iruzkina
02 Mar 2015
1 Comment

Kabigorriko martxoko bertso gaua, hilaren 5ean!

Martxoaren 5ean izango da hilabete honi dagokion bertso gaua. Kabigorrin izango da, beti bezala, Irungo Peña kaleko lehenengoan, arratsaldeko 19:30etatik aurrera. Martxoko zitan Gotzon Aizpiolea irundarra, Maddalen Lopez lesakarra, Aimar Karrika auriztarra eta Aitor Servier azkaindarra ariko dira kantuan, guztiak Egoitz Zelaia hendaiarraren aginduetara. Bat-bateko saio aurretik Abel Zabala irundarrak bertso jarriak kantatuko ditu. Eta saioa amaitutakoan, badakizue Kabigorrik aukera ezinhobea eskaintzen digula bertan lagunarte atseginean afaltzeko; aprobetxa dezagun.

This slideshow requires JavaScript.

Bestalde, ostegunean sarituko dugu joan den hilabeteko argazki lehiaketako irabazlea, eta jendearen parte hartzea ikusita, ekimenari jarraipena ematea pentsatu dugu. Beraz, prest ekarri zuen argazki makinak, sakelekoak, edo dena delakoak.

 

Posted in Besterik and tagged ,,,,,,

Post Navigation

← Older Entries
Newer Entries →