Irunabar, Irungo bertsoaren bilgunea

26 Api 2014
1 Comment

BERTSOKANTAURI’14

Bertsokantauri_2014Maiatzaren 31an izango da aurten BERTSOKANTAURI, legunarte bilduan antolatua baina publiko zabalari eskainitako bertso-ekimen herrikoia. Goizeko saioa, urtero bezala, Higeralde Landa-Etxean izango da (Hondarribia). Bertan, jatekoa, edatekoa, musika, bertso saioa eta urtero gisa, sorpresaren bat edo beste izango da, ziur. Higeraldeko goizeko zita libre da bertaratu nahi duen ororentzat.

Higeralden amaitu ostean, bertso bazkaria izango da Hondarribiako Klink Elkartean. Bazkarirako sarrerak 25 € balio du. Erreserbak bertsokantauri@gmail.com helbide elektronikoan egin ditzakezue, zuen izen abizenak, harremanetarako telefono bat eta zenbat lagun izango zareten argi eta garbi adieraziz (antolatzaileak jarriko dira zuekin harremanetan gero, diru-txartelen trukea egin edo hitzartzeko). Aurreko ekitaldietan ez bezala, aurten zozketa bidez kategoriko opari parea banatuko dela esan digu txoritxo batek.

Andoni Egaña eta Anjel Mari Peñagarikano izango dira bertsotan, eta Koldo Emery ariko da gai jartzaile lanetan. Hona iazko irudiekin antolatzaileek prestatutako promozio bideoa.

 

 

Posted in Berriak and tagged ,,,,
17 Api 2014

Ikasle “onak eta “txarrak”

Txingudiko bertso eskolako gaztetxoen taldekoek burututako ariketa duzue honakoa. Mahaian jarrita sei lagun eta bakarra gaia: ezkerretik hasita lehendabiziko hirurak ikasle “txarrak” zarete; beste hirurak, aldiz, ikasle “onak”.

Posted in Bertsoak,Besterik and tagged , | Utzi iruzkina
28 Mar 2014

Ostegunetako Kabigorriko bertso gauak (apirilak 3)

2014. urteko laugarren bertso gaua heltzear da. Apirilaren 3an izango da, hileko lehendabiziko ostegunarekin, arratsaldeko 19:30etatik aurrera, Kabigorri ostatuan.

Bertan, Manu Goiogana irundarrak, Jokin Labaien arrasatearrak, Manex Mujika donostiarrak eta Jokin Uranga azpeitiarrak kantatuko dute, Julen Zelaieta beratarraren aginduetara.

Gogoan izan saioa eta gero afaltzen geratzeko aukera paregabea eskaintzen digula Kabigorrik.

Bertan elkar ikusiko dugulakoan,

Izan ongi!

This slideshow requires JavaScript.

 

Posted in Besterik and tagged ,,,, | Utzi iruzkina
27 Ots 2014

Ostegunetako Kabigorriko bertso gauak (martxoak 6)

Urteko hilabeterik motzenari agur esateko tenorea heldu eta ate joka dugu martxoa. Hilabete berria hastear den honetan, datorren Ostegunetako Kabigorriko bertso gauaren berri eman behar dizuegu. Martxoaren 6an izango da, arratsaldeko 19:30etatik aurrera, Peña kaleko Kabigorri Ateneoko tabernan. Patxi Castillo beratarra, Jokin Uranga azpeitiarra, Miren Artetxe hendaiarra eta Aitor Errazkin irundarra ariko dira bertsotan, Arkaitz Oiartzabal “Xamoa”ren aginduetara.

Gogoan izan saio ostean afaltzen geratzeko aukera paregabea eskaintzen duela Kabigorrik. Aprobetxa dezagun!

This slideshow requires JavaScript.

Posted in Bertso saioa and tagged ,,,,, | Utzi iruzkina
19 Ots 2014
2 Comments

Irungo eskolarteko I. bertso-paper lehiaketa

Idatz itzazu bi bertso nahi duzun neurri eta doinuan post honetara ekarri ditugun lau argazkietatik bat gaitzat hartuta. Doinuaren izena zehaztea ezinbestekoa da. Ondoren, bidal iezazkiguzu bertsoak irunabar@gmail.com helbide elektronikora, argi eta garbi adieraziz zein diren zure izen-abizenak, eskola eta maila.

4 argazkiak_irungo eskolarteko lehenengo bertso paper lehiaketaAnima zaitezte, sari politak baitaude irabazleentzat!

Oinarriak:

Posted in Berriak,Bertso Eskolak Ikastetxeetan,Bertsoak and tagged ,
08 Ots 2014

Txingudi Ikastolako bertso tailerrak

Lan eskerga egiten ari da Haitzol Olaiz irakasle oiartzuarra Txingudi Ikastolako bertso tailerretan. Lehen Hezkuntzan eta Derrigorrezko Bigarren Hezkuntzan talde bana ateratzea lortu du eta bistan da gogor bezain gustura ari direla lanean.

Zorionak denoi!

Posted in Bertso Eskolak Ikastetxeetan,Bertsoak and tagged , | Utzi iruzkina
04 Ots 2014

‘Tabernaren epelean hilero puntuka’

Azken postean Mikel Garcia kazetari irundarrak bere Jendartean blogean idatzitako artikulu baten berri eman genizuen. Honako honetan, aldiz, Argia aldizkariaren 2401. zenbakian (2014-02-02) argitaratutakoa eskaini nahi dizuegu, labetik atera berritan: “Tabernaren epelean hilero puntuka”.

Mikelen hitzak probestuko ditugu otsailaren 6an, hileko lehen ostegunarekin, Kabigorrin topatuko duzunaren berri emateko: “Hilabeteko lehen ostegunean, hitzordua du Bidasoaldeko bertsozaleak: lagun giroan, eserita nahiz zutik, barraren aldamenean edo mahaian jesarrita, ordu eta erdi inguruko saioaz goza dezake Kabigorri tabernan (Irungo Mosku auzoan). Barreak, txaloak, garagardo tragoak eta doinu arin nahiz sakonak nagusi dira hilero, …”

Bejondaikela, Mikel, eta mila esker beste behin ere.

Posted in Berriak and tagged , | Utzi iruzkina
31 Urt 2014

‘Kultura zerbezaren truke. Bi kultur eredu eta proposamen bat’ artikulua

Mikel Garcia Idiakez kazetari irundarrak Kultura zerbezaren truke. Bi kultur eredu eta proposamen bat artikulua idatzi du bere Jendartean blogean, ostegunetako Kabigorriko bertso-gauei erreferentzia zuzena eginez.

Eskerrik asko, Mikel, eskainitako arretagatik. Ea ostegun honetan ere Kabigorrin elkar ikusten dugun!

Posted in Berriak and tagged , | Utzi iruzkina
31 Urt 2014

Ostegunetako Kabigorriko bertso gauak (otsailak 6)

Kaixo, denoi.

Gainean dugu dagoeneko otsaileko Kabigorriko bertso gaua. Otsailaren 6an izango da, Peña kaleko 1 zenbakian dagoen Kabigorri Bidasoaldeko Ateneoan, arratsaldeko 19:30etatik aurrera.

Honakoan Aitzol Barandiaran, Amaia Elizagoien, Arkaitz Oiartzabal “Xamoa” eta Iñigo Ugarte bertsolariak ariko dira kantuan. Gai-jartzaile lanetan Egoitz Zelaia ariko da.

Gogoan izan saio ostean afaltzen geratzeko aukera paregabea eskaintzen duela Kabigorrik. Aprobetxa dezagun!

This slideshow requires JavaScript.

Posted in Berriak and tagged ,,,,, | Utzi iruzkina
24 Urt 2014

Iñigo Ugarte txapeldun Hernaniko Tabernetako Bertsolari Txapelketan

Iñigo Ugartek bigarrenez jantzi du txapela Hernaniko Tabernetako Bertsolari Txapelketan, Oier Iurramendi hernaniarrarekin buruz-burukoa jokatu eta gero. Txingudiko bertso eskolako eta Irunabar-eko kide da Iñigo. Urtarrilaren 19an jokatu ohi da txapelketa berezi hau, San Sebastian bezperan, eta 20. edizioa izan du aurtengoa. Iñigorekin batera, hantxe aritu zen Exteban Martiarena oiartzuarra ere, Garin tabernako oholtzan kantuan, Txingudiko bertso eskolako irakasle lanetan hainbat urtez aritu izan dena. Bejondeizuela bioi!

Zorionak, Iñigo!

Saioko kronika irakurtzeko, Hernaniko Kronika.

Posted in Besterik and tagged ,, | Utzi iruzkina

Post Navigation

← Older Entries
Newer Entries →