Irunabar, Irungo bertsoaren bilgunea

17 Ira 2013
3 Comments

2013-2014 ikasturterako TXINGUDIKO BERTSO ESKOLAKO ESKAINTZA

Kaixo, lagun.

Aurten ere, ikasturte berria hastearekin bat, TXINGUDIKO BERTSO ESKOLAKO ESKAINTZAren berri ematera gatoz.

18 urte bitartekoentzat:

  • Hasiberri nahiz aurrez arituentzako taldea.
  • Hasiera eguna: irailak 23, astelehena, arratsaldeko 18:30etatik 20:00etara, Irungo EKTn (Larretxipi kalea, 12)
  • Irailaren 23an azaltzen diren haur eta familiekin hitzartuko dugu ikasturteko egutegia eta ordutegia.
  • Bertso eskolan izena emateko aukera ikasturte osoan zabalik egongo da.
  • Izen ematea DOHAINIK da.

18 urtetik gorakoentzat:

  • Hasiberri nahiz aurrez arituentzako taldea.
  • Hasiera eguna: irailak 25, asteazkenarekin, arratsaldeko 18:30etatik 20:00etara, Irungo EKTn (Larretxipi kalea, 12)
  • Irailaren 25ean azaltzen direnekin hitzartuko dugu ikasturteko egutegia eta ordutegia.
  • Bertso eskolan izena emateko aukera ikasturte osoan zabalik egongo da.
  • Izen ematea DOHAINIK da.

Zalantzak: irunabar@gmail.com eta 685 72 75 39 telefono zenbakian.

ESKERTUKO GENIZUEKE DEIALDIA ZABALTZEN LAGUNDUKO BAZENIGUTE!

Mila esker aldez aurretik!

Posted in Besterik and tagged ,,,,,
15 Ira 2013
2 Comments

Irungo Bertso Eskolen II. Eguna. Bideoak

Irungo Bertso Eskolen II. Eguneko (2013-06-15) bideoak blogera ekarriko genituela hitz eman genizuen eta hitza betetzera gatoz. Mila esker bihotz-bihotzez Ola sagardotegira hurbildu zineten guztioi. Datorren urteko ekainean berriz ere bertan topo egingo dugulakoan, goza ezazue aurtengoak eman duena (ber)ikus-entzuten.

Posted in Besterik and tagged ,,,
14 Abu 2013

Moskuko jaietan ere bertsotan

Gaur hasiko dira Moskuko Jaiak. Hemen dituzue jaietako kartela eta egitaraua, ekintzez gainezka. Parte hartzera animatu eta ongi pasa!

MOSKUKO JAIAK 2013 - KARTELA

Bertsoei dagokienean, larunbatean, abuztuak 17, BERTSO-TRIKI-POTEOA izango da eta igandean, hilak 18, eguerdiko hamabietan, BERTSO SAIOA Uxue Alberdi, Fredi Paia, Hodei Barroso eta Manu Goiogana bertsolariekin.

MOSKUKO JAIAK 2013:

ASTEAZKENA 14
19.00 paseo historikoa auzotik MERTXE TRANTXEren eskutik
20.30 jai haiserako pregoia IÑAKIren eskutik
20.50 AMAIA LAINONen poesia KAXA
21.30 kontzertua: THE BIG BAND THEORY

OSTEGUNA 15
16.00 mus txapelketa
17.00 haur jolasak
18.30 haurrentzako txokolatada
21.30 Jam Session-a plazan

OSTIRALA 16
17.00 arropa eta artisau azoka herrikoia
19.00 joko ez olinpikoak: txingak……sari ikusgarriekin
20.30 kontzertua: CAPSULA · MATXURA · MUSHROOM CAFFEINE

LARUNBATA 17
10.00 pala txapelketaren finalerdi eta finala frontoian
13.00 euskal dantzak KEMEN dantza taldearen eskutik
14.00 bazkari herrikoia
17.00 bertsotrikipoteoa auzoko tabernetatik 
19.00 BONBERENEAKO TXARANGA
21.30 kontzertua: ZAKILLERS · LAS CULEBRAS · JOSEBA IRAZOKI

IGANDEA 18
12.00 bertsolariak: UXUE ALBERDI – ODEI BARROSO – FREDI PAIA – MANU GOIOGANA
17.00 sardinada eta brotxeta bejetak
17.30 joko ez olinpikoak: toka, zaku lasterketa…sari ikusgarriekin
20.00 kontzertua; AINARA LEGARDON kabigorrin
22.00 kontzertua: ESTORNUDO NUKLEAR txosnan

Posted in Berriak,Bertsoak and tagged ,,, | Utzi iruzkina
12 Abu 2013

Euskal Jiran kantari (2013-08-03)

Iaz bezalaxe Manu Goiogana, Abel Zabala eta Aitor Errazkinek ordu erdi inguruko saiotxoa osatu zuten Euskal Jira egunean.

This slideshow requires JavaScript.

 

Posted in Bertso saioa and tagged ,,, | Utzi iruzkina
11 Abu 2013

Fernando Amezketarra

Kaixo, bertsozale:
Udan murgilduta gauden honetan ez gara etxeko txikienez ahaztu. Eguraldiak laguntzen ez duenerako, edo bestela ere, entrenenimendu tarte bat behar duzuenerako, jarraian Fernando Amezketarra bertsolariari buruz ETBk 1994an emititutako telesailaren atalak ipini dizkizuegu.
Fernando Amezketarra (Fernando Bengoetxea Altuna zituen berezko izen-deiturak) euskal bertsolari eta plazagizon gipuzkoar famatua izan zen, eta bere ateraldi umoretsu eta bizitasun eta argitasunagatik egin zen ezagun. Artzaintza izan zuen ogibide, eta oso bertsolari eta gizon berezia izan zen.
Bertsolari honen pasadizoekin ekoiztutako telesaileko atalak dituzue jarraian. On egin!
Posted in Marrazki bizidunak and tagged ,,, | Utzi iruzkina
09 Abu 2013

Txingudi Ikastolaren 50. urteurrenerako jarritako bertsoak

2013ko Ekainaren 1ean Txingudi Ikastolaren 50. urteurren festa ospatu zen Irunen. Egun Txingudiko Bertso Eskolako partaide diren Ikastolako zazpi ikasle ohik bertsoak jarri zituzten urteurreneko kalejiran kantatzeko. Dokumentu batean bildu ditugu denak.

Eta hona audioak entzuteko aukera, gunerik gune:

1.gunea:

2.gunea:

3.gunea:

4. gunea:

5.gunea:

6.gunea:

7.gunea:

Posted in Besterik and tagged , | Utzi iruzkina
04 Uzt 2013
2 Comments

Eguzkitzako bertso eskolakoak behinola ahaztutako bertsoen bila.

Hona Eguzkitzako bertso eskolako taldea orain lau urte ikasitako bertso batzuk gogoratzen. Hasieran kosta egin zitzaien pixka bat, baina talde lanean aritzea gauza ederra da, eta gaztetxo hauek ederki ikasia dute hori, bai horixe!

Posted in Bertso Eskolak Ikastetxeetan,Bertsoak and tagged ,,,,,,
19 Eka 2013

Irungo Bertso Eskolen II. Eguna Antxeta Irratian

Antxeta Irratikoak ere hurbildu ziren Irungo Bertso Eskolen II. Egunera, eta honi eta hari galderak egiten eta iritziak eskatzen jardun ostean, ttak, zortzi minutu pasatxoko kortea eskaini zuten euren www.antxetairratia.com web orrialdean. Guk artxiboa handik zurrupatu eta hementxe duzue entzungai. Mila esker Antxeta Irratiko lagunok, antolatzen ditugun hainbat eta hainbat ekimenen berri zabaltzen laguntzen diguzuelako.

Posted in Berriak,Bertso Eskolak Ikastetxeetan,Bertso saioa and tagged | Utzi iruzkina
19 Eka 2013

Irungo Bertso Eskolen II. Eguna, zoragarri!

IRUNABAR Irungo Bertsoaren Bilguneak bigarren aldiz antolatu zuen Irungo Bertso Eskolen Eguna, joan den ekainaren 15ean, Ola sagardotegian, eta zoragarri joan zen guztia. Antolatzaile, parte hartzaile, guraso, senitarteko eta lagunak zenbatzen hasita, izango ginen ehun lagundik gora, aise. Kolore ezin ederragoa hartu zuen Olako frontoiak haur eta helduen bertsoei eta entzuleen txalo eta parte hartzeari esker.

Aurtengoan, ikasturtean zehar egindako lanak ordu eta erdiko saioa eskaintzeko balio izan zuen, baina zuen guztien prestutasuna eta txaloen beroa urtetan zehar lanean jarraitzeko hatsa zaizkigu guri. Ez dugu lan talde txarra egiten. Esker mila berriz ere.

Eskerrik asko ere Ola sagardotegiko arduradun, lagun eta langileei, emandako laguntza eta tratu ezin hobearengatik.

Prestatzen joan ahala, ekainaren 15eko materiala txintxilikatzen joango gara. Hasteko, Nekane Barandiaranen (Eguzkitzako bertso eskolako gurasoa) argazki koloretsuak, iazkoak bezain ederrak.

Gainontzeko lagun eta gurasoek ere, argazkiak edo grabazioak bidaltzeko modurik baldin baduzue, gogoan izan gure posta elektronikoaren helbidea irunabar@gmail.com dela. Asko eskertuko dizuegu.

Laster arte, ekipo, eta jai onak pasa guzti-guztiok.

IRUNABAR Irungo Bertsoaren Bilgunea

This slideshow requires JavaScript.

Posted in Berriak,Bertso Eskolak Ikastetxeetan,Bertsoak,Besterik,Kronikak and tagged ,, | Utzi iruzkina
07 Eka 2013

Irungo Bertso Eskolen II. Eguna

Iazko arrakasta ikusita, ezin Irungo Bertso Eskolen II. Eguna antolatu gabe utzi. Ekainaren 15ean izango da, Irungo Ola sagardotegian, arratsaldeko 17:00etatik aurrera. Bertan Txingudiko bertso eskoletako ikasle eta irakasleek bertso saio mundiala eskainiko dute Eguzkitza, Talaia eta Txingudi ikastetxeetako bertso eskoletako ikasleekin batera.

Eguraldiaz kezkatu gabe arituko gara. Iaz bezala eguraldi ona egokituz gero, Olako frontoian izango da jaialdia. Euria ariz gero, aldiz, sagardotegia bera izango dugu aterpe.

Beraz, bertsoak atsegin badituzue, IRUNABAR Irungo Bertsoaren Bilgunearen lana zertan den jakin, edo besterik gabe arratsalde ederra igaro nahi baduzue, ez zalantzarik egin: zatozte Irungo Bertso Eskolen II. Egunera, zuen zain egongo gara! Ez zaizue damutuko!

IRUNABAR – Irungo Bertsoaren Bilgunea

Posted in Berriak,Bertso Eskolak Ikastetxeetan,Bertso saioa and tagged | Utzi iruzkina

Post Navigation

← Older Entries
Newer Entries →