Irunabar, Irungo bertsoaren bilgunea

04 Eka 2013

Talaia Bordariko ikasturte amaierako bertso jaialdia

Ekainaren lehendabiziko egunarekin Hondarribiako Talaia Bordari ikastetxekoek ikasturte amaierako festa antulatu zuten, baita ondo ospatu ere. Bordariko bertso eskolako kideek, Julen Enparanek, Peru Txintxurretak eta Unai Seisesek saio gogoangarria eskaini zuten ikaskide, irakasle eta gurasoen gozamenerako. Seises-Furundarena sendiari esker eskuratu dugu honako grabaketa. Mila esker Seises-Furundarenatarrei, Talaia Bordari ikastetxeari arazo teknikoak konpontzeagatik eta bertaratu zineten guztiok erakutsi zenuten errespetuzko jarrera eredugarriarengatik.

Gustuko izango duzuelakoan, bejondeizuela!

Posted in Bertso Eskolak Ikastetxeetan,Bertso saioa,Bertsoak and tagged ,,, | Utzi iruzkina
22 maiatza 2013

Bertsokantauri 2013

Urteko ohiko saio bilakatzeko bidean da Bertsokantauri, Hondarribiko lagun talde baten lan eskergari esker. Datorren maiatzaren 25ean ospatuko da hirugarrenez, Hondarribian. Gu aurreko bi edizioetan izan gara eta zinez gomendatzeko moduko plana da. Goizez, Higeralde landa etxe parerik gabekoan, antolatzaileek bertaratzen den guztiari zabaltzen dizkiote ateak, eta txozna zerbitzua eskaini ere bai; edari freskoa eta tortilla pintxo egin berriak, zer gehiago behar du borobila izateko maiatzeko goiz eder batek? Bai, arrazoi, punta puntako bi bertsolari: Andoni Egaña eta Anjel Mari Peñagarikano. Luxuzko gehigarri modura, Higeraldeko paraje zoragarriak eta aurreko bi urtetan bertaratu den jendearen jarrera eredugarria.

Ezin gehiago eskatu. Kontuan izan: maiatzaren 25an, Bertsokantauri 2013.

Goizeko 11:00etan kalejira irtengo da Hondarribiko “kanpotiro”tik Higeraldera.

Eguerdiko 12:30ak aldera, Andoni Egaña eta Anjel Mari Peñagarikanoren bertso Saioa. Saioa aurkezten, Koldo Emery, herriko semea.

14:00etan bertso-bazkaria KLINK Elkartean. Bazkalostean Andoni Egaña eta Anjel Mari Peñagarikano.

Bazkariko sarrerak 26 euroan izango dira salgai Hondarribiako WANBA tabernan eta TTOPARA kafetegian.

Anima zaitezte!

Posted in Berriak,Bertso saioa and tagged | Utzi iruzkina
19 Api 2013

Korrika Txikirako bertsoak

Honako bideoa Txingudi Ikastolako bertso eskolako kideak joan den martxoan ospatu zuten Korrika Txikirako bertsoak entseatzen harrapatu genituenekoa da. Jakin badakigu, idazkaritzako mikrofonotik kantatu eta lau haizetara zabaldu zituztela gero, Korrika Txiki egunean bertan. Zorionak ekipo. Zoragarriak zarete. Bestalde, grabazio honek sorpresa txiki bat dakar, bukaera aldera edo. Ezin dugu besterik esan. Zeuek ikustea onena. Laster arte.

Posted in Bertso Eskolak Ikastetxeetan,Bertsoak and tagged , | Utzi iruzkina
10 Api 2013

UDABERRIZ lanaren aurkezpena

Aurreko mezuan jakinarazi genizuen moduan, joan den martxoaren 27an Xanti Zabala “Lexo” bertsolaria zenaren bertsoetan oinarritutako “UDABERRIZ” lanaren aurkezpen ekitaldia egin zen Lezoko Pleno Aretoan.

daberriz aurkezpena

Aurkezpen ekitaldian parte hartu zuten Nikolas Aldai, Pello Esnal eta Abel Zabalak (Xanti zenaren semeak), besteak beste. Irunabarrekook ere “Udaberriz” lanari prestatutako aurkezpen ekitaldi goxo eta unkigarrian izan ginen, eta jarraian duzue Hitza Jolas irratsaiorako Xabier Sukiak egindako erreportajea, bertan gertatutakoen berri jasotzen duena:

Irunabarren ere eskerrak eman nahi dizkizue hain gertuan sentitu genuen Xanti Zabala “Lexo”ren liburua eta honen aurkezpena prestatzen hainbeste lan hartu duzuenoi. Mila esker eta zorionak!!

Posted in Berriak,Kronikak and tagged ,,,,, | Utzi iruzkina
20 Mar 2013

Badator UDABERRIZ

Hemen dugu “UDABERRIZ” lana!!

Oraingo honetan lan eta proiektu interesgarri baten aurkezpen ekitaldiaren berri ematera gatozkizue. Auspoa editoriala Xanti Zabala “Lexo” bertsolaria zenaren bertsoetan oinarritutako “UDABERRIZ” lana argitaratzea doa. Lan hori Lexo-ren bertsopaperetatik abiatutako liburu batez eta bat-bateko bertsoetan oinarritutako CD batez osatua dago.

XANTI_1

Aurkezpen ekitaldia martxoaren 27an izango da Lezoko udaletxeko pleno aretoan, 19:30tan hasita. Liburuaren aurkezpenean parte hartuko dute proiektu honetan lan egin duten Peio Esnal eta Nikolas Aldaik besteak beste. Lezoko udaletxeko ordezkariak ere bertan izango dira.

Xanti Zabala “Lexo” Lezo herrian jaio bazen ere, bizitza osoa bertsoaren bueltan igaro ostean (hainbat sari eta aitorpen tarteko), azken urteetan Txingudiko bertso-eskolan berarekin gozatzeko aukera izan genuen, eta argi dago maitasun oso bereziz ikusten dugula lan honen aurkezpena.

Esan beharrik ez dago guztiak gonbidatuak zaudetela aurkezpen ekitaldira, eta ea Xantik merezi bezalako aurkezpena ematen diogun liburuari. Ea bertan elkar ikusteko moduan dugun!!

Posted in Berriak and tagged ,,,, | Utzi iruzkina
07 Ots 2013

Harri batez bi txori (KORRIKA badator!!!)

Santa Ageda bezpera ia oharkabean pasa da Talaiako Bertso Eskolan. Bezperan bertso eskolarik izan ez genuenez, biharamunean kunplitu dugu ohiturarekin, baita modu originalean kunplitu ere!

Posted in Bertso Eskolak Ikastetxeetan,Bertsoak and tagged ,,,,, | Utzi iruzkina
04 Ots 2013

Hendaiako mediatekan bertso kantari

2013ko urtarrilaren 26an, larunbatarekin, Txingudiko bertso eskolako Egoitz Zelaia, Manu Goiogana eta Aitor Errazkin Hendaiako Mediatekan izan ziren bertso kantari, euskarazko materialari eskaini zaion gela berriaren inaugurazioan.

Egoitz, Manu eta Aitor

DSC_0020

DSC_0021

Posted in Bertso saioa and tagged ,,, | Utzi iruzkina
03 Ots 2013
2 Comments

Talaiako bertso eskolakoen gabonetako bertsoak!

Barkatu atzerapena laukote. Berandu xamar editatu ditugu, baina hemen daude!
Orain, bertso sortak bukatzera. Lan asko dugu aurretik baina lasai, ederki ari zarete eta!
Animo!

Posted in Bertsoak and tagged ,,,
31 Abe 2012

Bertsolariak Gibeletako Eguneko Zentroan

Joan den abenduaren 3an, Euskararen Nazioarteko Egunaren harira, Irungo Bertso-eskolako Iñigo Ugarte eta Manu Goiogana bertsolariak Gibeletako Eguneko Zentroan izan ziren, bertakoei goiza alaitu asmoz.

Lehenengo aldia zen bertan horrelako bertso-saio bat egiten zena, baina gustura geratu ziren bai bertsolariak eta baita Gibeltako Eguneko Zentrokoak ere. Harreman luze baten hasiera izan dadila!!!

Jarraian dituzue saio hartako argazki pare bat:

21.11.12- bertso saioa

Gibeletako Eguneko Zentrotik bidalitako argazkiak

Gibeletako Eguneko Zentrotik bidalitako argazkiak

Posted in Bertso saioa and tagged , | Utzi iruzkina
24 Abe 2012

Abel Zabalaren bederatzikoa

Oiartzundik Irunera etorri zen Hitza Jolas irratsaioko bederatzikoa, eta Irundik Lezora bidali dugu. Bide horretan uhineratu ditugunak: Irunabar Irungo Bertsoaren Bilgunearen desirak, Abel Zabalaren atzera begirada eta Xanti Zabala “Lexo”-ren gomuta. Soinu artxibo honetan azken biak dituzue entzungai.

Posted in Bertsoak and tagged | Utzi iruzkina

Post Navigation

← Older Entries
Newer Entries →