Irunabar, Irungo bertsoaren bilgunea

Archive for the tag “Urko Casado”

30 Api 2018

Maiatzaren 3an, Kabigorriko bertso gaua

Urko Casado astigartarra (Txingudiko bertso eskolako kidea), Amaia Agirre billabonatarra, Eli Pagola hernaniarra eta Ainhoa Agirreazaldegi elgetarra ariko dira kantuan maiatzaren 3ko bertso gauean. Aitor Errazkin irundarrak egingo ditu gai-jartzaile lanak. Bat-bateko saioaren aurreko bertsoak Eneko Sanchez Txingudiko bertso eskolako kideak jarriak izango dira. Dena ongi bidean, arratsaldeko 19:30etan emango diogu hasiera saioari, betiko legez.

Ainhoa Agirreazaldegi [Imanol Otegi, Argazki Press]
Eli Pagola (bertsozale.eus)
Amaia Agirre (photo, Bob Edme)
Urko Casado

Gogoan izan Kabigorrik saio ondotik afaltzen geratzeko aukera paregabea eskaintzen duela.

Bertan elkar ikusiko dugulakoan,

Izan bizkor eta ostegunera arte!

Posted in Berriak,Bertso saioa and tagged ,,,,, | Utzi iruzkina
28 Ira 2017

Hemen da 2017-2018 ikasturteko lehen bertso-gaua (2017-10-05)

Urriaren 5ean, ostegunarekin, eta arratsaldeko 19:30etatik aurrera, Kabigorri Bidasoaldeko Ateneoan ikasturteko berriko lehen bertso-gaua ospatuko dugu. Unai Agirre hernaniarra, Odei Barroso urruñarra, eta Miren Artetxe eta Egoitz Zelaia hendaiarrak izango dira kantuan. Bertso jarriak, Abel Zabala irundarraren eskutik etorriko zaizkigu, eta Urko Casado astigartarrak egingo ditu aurkezle eta gai-jartzaile lanak.

Gogoan izan Kabigorrik aukera ezinhobea eskaintzen duela behin saioa amaituta afaltzen geratzeko ere.

Bertan elkar ikusiko dugulakoan, izan ongi eta urriaren 5a arte!

This slideshow requires JavaScript.

Posted in Bertso saioa,Besterik and tagged ,,,,,, | Utzi iruzkina
23 Api 2017

Maiatzeko Kabigorriko bertso-gaua [2017-05-04]: A. Zelaia, J.M. Lopez, M. Arozena eta I. Zelaia

Badator ikasturteko azken-aurreko bertso-gaua, Andoni Zelaia, Juan Mari Lopez, Manolo Arozena eta Iñaki Zelaia bertsolariak kantuan aditzeko aukera eskainiko diguna. Lau bertsolariei gaiak jartzen eta saio aurkezten, aldiz, Urko Casado ariko da, Txingudiko bertso-eskolako kide astigartarra. Bat-bateko saio aurreko bertso-jarriak Egoitz Zelaiaren eskutik helduko zaizkigu.

19:30etatik aurrera izango da saioa, eta ondoren, gogoan har ezazue Kabigorrik afaltzen geratzeko eskaintzen digun aukera paregabea.

Bertan ikusiko dugu elkar.

This slideshow requires JavaScript.

Posted in Berriak and tagged ,,,,,, | Utzi iruzkina
19 Mar 2017

Apirileko Kabigorriko bertso-gaua [2017-04-06]

Apirilaren 6an izango da, ostegunarekin, 2016-2017 ikasturteko 7. bertso-gaua. Gotzon Aizpiolea irundarraren esanetara ariko dira Urko Casado astigartarra, Iñigo Ugarte Gaintxurizketakoa, Odei Barroso urruñarra eta Maialen Akizu urretxuarra. Bertso jarriak, ordea, Uxue Larrukert irundarraren eskutik helduko zaizkigu. Saioa Kabigorri Bidasoaldeko Ateneoan izango da saioa, hilabeteko lehenengo ostegunero bezalaxe, arratsaldeko 19:30etatik aurrera. Saioa eta gero, afaltzen geratzeko aukera bikaina izaten da Kabigorrin. Anima zaitezte!

This slideshow requires JavaScript.

 

Posted in Bertso saioa,Besterik and tagged ,,,,, | Utzi iruzkina
20 Ots 2017

Txingudi-Algorta bertso-trukeak utzitakoak

bertsotruk logo25 lagun inguru bildu ginen Erlaitz Elkartean Txingudiko Bertso Eskolako eta Algortako Bertsolari Eskolako kideen arteko bertso-trukea entzutera. Ederki bazkaldu genuen, beste behin ere, eta kafeak zerbitzatzearekin batera hartu zuen hitza Adrian Arruti gai-jartzaileak. Kantuan Urko Casado, Abel Zabala eta Iñigo Ugarte Txingudiko Bertso-Eskolatik, eta Kerman Diaz, Paule Loizaga eta Unai Mendiburu, aldiz, Algortako Bertsolari Eskolaren izenean. Saioa polita joan zen, eta bertsolariek umoretik jo zuten Arrutik proposatutako gai gehienei erantzuteko garaian.

This slideshow requires JavaScript.

Posted in Besterik,Kronikak and tagged ,,,,,,, | Utzi iruzkina
29 Urt 2017

Bertsotruk: Txingudi-Algorta. Otsailaren 11n, Erlaitz Elkartean

bertsotruk logoAlgortako Bertsolari Eskolako (ALBE) lagunak hartuko ditugu Irunen Txingudikook, aurten Bertsotruk diamika dela-eta burutzera goazen hirugarren saioan.

Bertso-bazkari formatuan planteatu dugu saioa, zarauztarrak etxean hartu genituenean egin bezalaxe. Erlaitz Elkartean izango da bertso-saioa, bazkaldu ondorenean. Bazkari-txartel bakoitza 15€an izango da (egunean bertan ordainduko da), eta 685 72 75 39 telefono zenbakira dietuz zein WhatsApp edo Telegram mezuak bidaliz har ditzakezue.

Txinguditik Urko Casado astigartarrak eta Abel Zabala eta Iñigo Ugarte irundarrek kantatuko dute. ALBEtik, aldiz, Kerman Diaz, Paule Loizaga eta Unai Mendiburu bertsolariak ariko dira kantuan. Adrian Arruti irundarrak egingo ditu aurkezle lanak.

Hona Bertsotruk dinamikaren harira antolatu izan ditugun iazko eta aurtengo saioetako hainbat irudi: zinez giro ederra izan ohi da!

This slideshow requires JavaScript.

 

Anima zaitezte eta izena eman!

Posted in Berriak,Bertso saioa and tagged ,,,,,,,,, | Utzi iruzkina
02 Urr 2016

2015-2016 ikasturteko Kabigorriko bertso-gauetako bertso sortak

Hemen dituzue irakurtzeko moduan 2015-2016 ikasturtean Kabigorriko berts-gauetako bat-bateko saioen aurretik Irunabarreko hainbat kide eta lagunek ondu eta kantatutako bertso-sortak.

http://issuu.com/irunabarirungobertsoarenbilgunea/docs/kabigorriko_bertso_sortak_2015-2016?e=26461396/39283552

//e.issuu.com/embed.html#26461396/39283552

Posted in Berriak,Bertsoak and tagged ,,,,,,,,,, | Utzi iruzkina
28 Api 2016

Maiatzaren 5ean, Kabigorriko bertso-gaua

Hilaren bostean izango da 2016ko maiatzeko bertso gaua. Beti bezala, 19:30etatik aurrera, Peña kaleko lehendabizikoan. Honako honetan, bertso jarriak Abel Zabala irundarrak kantatuko ditu, eta oholtza gainean Urko Casado astigartarra, Manu Goiogana irundarra, eta Lesakatik Manolo Arozena eta Juan Mari Lopez izango ditugu (Goizuetako eta Oiartzungo semeak, azken bi hauek, baina Lesakara ezkonduak eta aspaldi luzean bertan bizi direnak). Lau bertsolari hauei gaiak jartzen Karlos Aizpurua oiartzuarra ariko da. Punta-puntakoa maiatzeko bertso-gaua ere, beraz!

Gogoan izan saioa eta gero Kabigorrik bertan afaltzen geratzeko aukera paregabea eskaintzen digula denoi.

This slideshow requires JavaScript.

Posted in Berriak,Besterik and tagged ,,,,,, | Utzi iruzkina
24 Api 2016

TXINGUDI – GOIERRI ELKARTRUKEA ETA BERTSOTRUK EGITASMOAREN AMAIERA; BI KRONIKA BATEAN

Apirilaren 16an hartu genituen Txingudi taldekook goierritarrak gurean, Irunabarrek (Irungo bertsoaren bilgunea), Antxeta Irratiak eta EKTk (Bidasoako Kultur Elkartea) elkarlanean antolatutako bertso-bazkarian. EKT elkartean antolatu genituen otordua eta saioa bera, eta Antxeta Irratiak bere 15. urteurrena dela eta programatutako urte osoko egitarauaren barnean txertatu genuen ekimena.

Eguerdiko 13:00etarako hasi zen jendea EKTra biltzen, ordurako elkartea girotzen hasiak baitziren Aritz Erasun eta Aitziber Arruabarrena trikitilariak.

60 bazkaltiarretik gora bildu zen azkenerako, eta 14:00ak jota hasi ginen bazkaltzen, Antxeta Irratiko, Irunabarreko eta EKTko bozeramaile banak ongi etorria egin eta Bertsotruk ekimenaren zein elkarte antolatzaileen arteko elkarlanaren berri eman eta segidan. 16:30ak pasatxo ekin zion lanari Abel Zabala irundarrak, saiorako gaiak prestatu eta egunean bertan saioa gidatzeko ardura hartua zuen Irunabarreko kideak, eta Goierri eta Txingudi taldeen izenean kantuan hastear ziren bertsolariak aurkeztu zizkien entzuleei: Mikel Tapia, Ane Beloki eta Odei Lopez Goierritik, eta Urko Casado, Manu Goiogana eta Aitor Errazkin Txinguditik.

Saio gustagarri askoa egin zuten bertsolariek, eta entzulearen txaloak eta irriak lortu zituzten, ez gutxitan. Gaiei dagokienean, bertsolariek umoretik jo zezaten prestatua zituen Zabalak, eta hala egin zuten bertsolariek, aukera izan zuten guztietan. Bertsolariek ofizio bana burutzeko aukera izan zuten, eta, gainerakoan, hiru, lau eta sei lagunen artean burutu beharreko ariketei egin zieten aurre. Ia ordu eta hiru laurdeneko saioa eta gero, bertsolariak, antolatzaileak eta entzuleak, denak gustura. Lagun zahar eta berriak agurtu, elkartea jaso, erratza pasa, kontuak egin eta argiak itzali genituen, neke eta nahigabe punttuaz, baina datorren urtean berriz ere “Bertsotruk” berpiztuko dugun esperantzarekin.

Irunabarretik esker bereziak eman nahi dizkiegu Bertsotruk egitasmoak iraun duen bitartean laguntza eskaini diguten lagun guzti-guztiei eta saioetara hurbildu diren entzule guztiei, eta bereziki Joxeja Zabalo jarraitzaile sutsu eta eragile nekaezinari eta Julen Zelaieta bertsolari beratar prestuari. Biba zuek!

This slideshow requires JavaScript.

Posted in Kronikak and tagged ,,,,,,,,,,, | Utzi iruzkina
12 Api 2016

Azken bertso-trukea!!! Txingudi-Goierri (2016-04-16)

IMG-20160406-WA0000Txingudiko taldeak Txingudi-Goierri bertso-trukea antulatuta amaitutzat joko du, aurtengoz, behinik behin, bere Bertsotruk-a. Azken saioa izango da, beraz, gure eskualdeko bertso eskolakoontzat. Horiek horrela, Antxeta Irratia eta EKT gehitu zaizkigu saio honen antolaketan, eta luxua da hori guretzat; bertsolaritza herrian hedatzen laguntzen, eskualdeko irratia eta Bidasoako EKT izango ditugu, beraz; eta saioaren berri ematen laguntza ematen, gainera, beste hainbat eta hainbat lagun. Zer gehiago eska dezakegu guk? Pozik gaude, bistan da; eskerrik asko guztioi.

Antxeta Irratiko lagunek kartelaren diseinuaren, sarreren salmentaren eta antolakuntza mailako beste hamaika konturen ardura hartu dute (Antxeta Irratiaren proiektuak 15 urte bete ditu aurten, eta ekitaldiz josi nahi izan dute urtea; tartean, bertso-bazkari hau bera); EKT-k elkartearen egoitza bera eskaini du saioa antolatzeko, eta otorduaz eta zerbitzua antolatzeaz arduratuko da, besteak beste. Irunabarrekook bazkal osteko bertso saioren kargu egin gara gehienbat, baina baita EKT-ko zein Antxetako eragileekin elkarlana sustatzeaz ere.

Eskualde mailako elkarteen arteko elkarlan horrek gutxitan eman du emaitza txarrik gurean, eta horrek konfiantza ematen digu eskutik lanean dihardugun hiru elkarteoi. Izan ere, aski ongi dakigu gure ardura dela goierritarrak gurean eroso eta gustura senti daitezen, etxean bezala, eta etxean bezala senti daitezen nahi dugu, bistan da, saioa-entzun asmoz gerturatuko diren bazkaltiar guztiak ere.

Ez da helburu makala, baina gure aldetik daukagun guztia ematera goaz, eta hori beti izan dugu jendearen esker ona jasotzeko berme.

Anima zaitezte guztiok bertso-bazkari honetan parte hartzera. Jakingarri guztiak kartelean dituzue. Eta kontuan izan, bazkaria 14:00etan hastekoa bada ere, 13:00etik aurrera izango dela zabalik EKTko taberna, eta trikitilariak izango direla zain, zuei guztioi harrera egiteko. SARRERAK, Irungo Sunbilla eta Hazia eta Hondarribiko Itxaropena tabernetan salgai, 15 €an!

Goza dezagun!

 

Posted in Berriak,Bertso saioa and tagged ,,,,,,,,, | Utzi iruzkina

Post Navigation

← Older Entries
Newer Entries →