Irunabar, Irungo bertsoaren bilgunea

Archive for the tag “kabigorriko bertso-gauak”

01 Aza 2017

Azaroko Kabigorriko bertso gaua, hilaren 9an izango da

Hilaren 9an izango da Kabigorriko azaroko bertso-gaua, arratsaldeko 19:30etatik aurrera, ohitura dugun moduan. Mikel Garmendia irundarrak jarritako bertsoekin emango diogu hasiera saioari, eta segidan izango ditugu bat-bateko bertso lanean murgilduta Arkaitz Oiartzabal “Xamoa” oiartzuarra, Jokin Bergara eibartarra, Patxi Castillo beratarra eta Aitor Errazkin irundarra. Azaroko saioan hirugarren irundar baten aginduetara arituko dira bertsolariak: Adrian Arrutirenetara, hain zuzen ere, saiorako gaiak prestatzeko eta egunean bertan aurkezle lanak egiteko ardura izango duena.

Aitor Errazkin (Irun)
Jokin Bergara
Patxi Castillo (Bera)
Arkaitz Oiarzabal “Xamoa” (Oiartzun)

Gure aldetik besterik ez. Anima zaitezte saioaz gozatzera, eta oroitu Kabigorrik aukera paregabea eskaintzen digula saioa eta gero mokadu bat egitera geratzeko ere.

Ongi izan eta sarri arte.

Posted in Berriak,Bertso saioa and tagged ,,,,,, | Utzi iruzkina
11 Ira 2017

Kabigorriko bertso-gauak, bosgarren urtez jarraian

2017-2018 ikasturtean ere izango dira Kabigorriko bertso-gauak, Irunabarrek eta Kabigorrik elkarlanean antolatuta, bosgarren urtez jarraian. Orain arte bezala, hileko lehen ostegunean izango dira saioak (jai-egunak direla eta, salbuespenak salbuespen), 19:30etan hasita. 36 bertso-saio antolatu ditugu honezkero, 2013ko urrian hasi ginenetik, eta dena ongi bidean, 45 saio izango dira 2018 urteko ikastaro amaieran guztira antolatutakoak.

Ikasturte honetako lehendabiziko saioa, beraz, urriaren 5ean izango da eta Unai Agirre hernaniarra, Odei Barroso urruñarra, eta Miren Artetxe eta Egoitz Zelaia hendaiarrak izango dira kantuan. Bertso jarriak, Abel Zabala irundarraren eskutik etorriko zaizkigu, eta Urko Casado astigartarrak egingo ditu aurkezle eta gai-jartzaile lanak.

Dena prest, beraz, ikasturte berriari ekiteko.

Hona aurreko 4 ikasturteetan zehar jasotako hainbat argazki:

2013ko urriko saioa
Jon Martin (2015-12-03)
Eneko eta Ortzi (2016-01-07)
Abel eta Odei (2016-01-07)
Urko Casado
2015-2016 ikasturteko azken bertso gaua
2015-2016 ikasturteko azken bertso gaua
Miren Artetxe

 

Posted in Besterik and tagged | Utzi iruzkina
01 Mar 2017

Martxoko Kabigorriko Bertso-gaua [2017-03-02]

IMG-20160211-WA0006Abel Zabala irundarra, Izarne Zelaia donostiarra, Xabi Maia elizondoarra eta Eneko Fernandez lesakarra ariko dira kantuan. Aitor Errazkin irundarrak jarriko dizkie gaiak, eta Xabier Isasi Txingudiko Bertso Eskolako bertso-tailerreko kidearen eskutik helduko zaizkigu bat-bateko saio aurreko bertso jarriak. 19:30etan hasiko da saioa. Saioa eta gero, beti bezala, Kabigorrin afaltzen geratzeko aukera aparta izango dugu.

Anima zaitezte!

This slideshow requires JavaScript.

Posted in Berriak,Bertso saioa and tagged ,,,,,, | Utzi iruzkina
04 Urt 2017

Urtarrilaren 12an, 2017ko lehen Kabigorriko bertso-gaua!

Gainean dugu dagoeneko 2017ko lehendabiziko Kabigorriko bertso-gaua; urtarrilaren 12an izango da, Irungo Peña kaleko Kabigorri Ateneoan, 19:30etatik aurrera. Manu Goiogana irundarra, Patxi Castillo beratarra, Haritz Casabal antxotarra eta Iñigo Mantzisidor “Mantxi” zarauztarra ariko dira kantuan, eta Xabier Bengoetxea Hondarribiarrak jarriko dizkie gaiak. Bat-bateko saio aurretik, eta azken hiru urteotan ohitura dugun bezala, bertso-jarriak izango ditugu: Abel Zabala irundarrak kantatuko dizkigu berak hilaren 12ko saio-aurrerako propio ondutako bertsoak. Dena prest, beraz, urteari bertsotan eta ganoraz ekiteko.

This slideshow requires JavaScript.

Gogoan izan, bestalde, saioa eta gero afaltzen geratzeko aukera paregabea eskaini ohi duela Kabigorrik. Bertan elkar ikusiko ahal dugu!

Urte berri on eta datorren ostegunera arte!

Posted in Berriak and tagged ,,,,,, | Utzi iruzkina
22 Aza 2016

Abenduaren 1ean, urteko azken bertso gaua

Abenduaren 1ean izango da urteko azken bertso gaua, ikasturteko hirugarrena: bertan, Alaia Martin, Miren Artetxe eta Egoitz Zelaia bertsolariak ariko dira Eneko Sanchez, Oinatz Mitxelena eta Zuhaitz Olazabal gai-jartzaileen aginduetara. Bertsolari beste gai-jartzaile, beraz. Bertso jarriak Aitor Errazkinen eskutik helduko dira, eta Aritz Erasun eta Aitziber Arruabarrena trikitilarien laguntza izango du.

Abenduko Kabigorriko bertso-gaua “Irungo Euskararen Egunak” herri-ekimenaren egitarauan txertatuta dago.

This slideshow requires JavaScript.

Posted in Berriak and tagged ,,,,,,,,,, | Utzi iruzkina
30 maiatza 2016
1 Comment

Ekainaren 2an, ikasturteko azken bertso-gaua Kabigorrin

Berezia izango da 2015-2016 ikasturteko Kabigorriko azken bertso-gaua. Hiru urtez jarraian antolatu ditu bertso-gauak Irunabarrek, Irungo bertsoaren bilguneak, eta 27.a izango da datorren ostegunekoa. Antolakuntza elkarlanean burutu izan dugu, Kabigorri Bidasoaldeko Ateneophoto_2016-05-08_15-29-08arekin batera, eskurik esku, eta inguruko bertsolarien borondate onari esker, bistan da, prest egon izan baitira afari-truke kantura etortzeko. Hala ere, Kabigorrira kantura etorri diren bertsolari zahar zein gazteek, guztiek azpimarratu dute zeinen plaza ederra, erosoa eta esker onekoa den Kabigorrikoa; hori, inongo zalantzarik gabe, ez da Irunabarren meritua, saio oro bildu zareten entzuleena baizik; ostegunero nahiz tarteka hurbiltzen zareten guztiona. Mila esker.

Horiek horrela, azken bertso-gau honetara etortzeko deia egiten dizuegu beste behin ere, zuen gustukoa izango den saioa prestatzen saiatu baikara. Bertsolariak, honakoan… Joxe Juan Oiarzabal “Gurdiya”, Egoitz Zelaia, Abel Zabala, Alaia Martin, Haritz Casabal, Arkaitz Oiarzabal “Xamoa”, Patxi Castillo, Julen Zelaieta, Gotzon Aizpiolea, Beñat Gaztelumendi, Ando20160211_195824ni Zelaia, Xabier Isasi, Aitor Errazkin, Exteban Martiarena, Iñigo Ugarte eta Urko Casado izango dira.

Bertsolari hauek guztiak gobernatzeko bi lagunen premia izan dugu oraingoan: Oinatz Mitxelena eta Eneko Sanchez arduratuko dira gaiak jartzeaz, Txingudiko Bertso Eskolako partaideak biak. Bertso jarriak, aldiz, Txingudiko Bertso Eskolako bertso-tailerreko lagunen eskutik helduko zaizkigu.

Anima zaitezte, beraz, ekainaren 2an, arratsaldeko 19:30etarako prestatu dugun bertsoaren festa handi honetara. Zuentzat da, entzuleentzat, merezi baituzue hainbeste. Ez dakigu zer irtengo den honetatik guztitik, hori ere egia da, baina… ez duzue jakin gabe geratu nahiko, ezta?

Mila esker beste behin ere guzti-guztioi hirugarren urtez jarraian, eta ostegunera arte!!!

Irunabar, Irungo bertsoaren bilgunea.

 

Posted in Berriak and tagged
30 Mar 2016

Apirileko Kabigorriko bertso gaua (2016-IV-07)

Jokin Bergara eibartarra, Iñaki Murua gabiriarra, Beñat Gaztelumendi añorgarra eta Aitor Errazkin irundarra ariko dira kantuan apirileko bertso gauean, eta Manu Goiogana irundarra arduratuko da gaiak jarri eta saioa aurkeztu eta gidatzeaz. Bertso jarriak Uxue Larrukert irundarraren eskutik helduko zaizkigu; atzerrian da bera, baina iritsaraziko dizkigu bertsoak, ziur, nola edo hala.

Hitzorduari dagokionez, beti bezalatsu; 19:30etan ekingo diegu bertso idatziei eta amaitu bezain laister oholtzaratuko dira bertsolariak. Kontuan izan aparta izaten dela saioa amaitu eta afaltzen geratzeko Kabigorrik eskaintzen digun aukera. Guk aldiro baliatzen dugu, bederen; anima zaitezte zuek ere.

This slideshow requires JavaScript.

Posted in Berriak,Besterik and tagged ,,,,,, | Utzi iruzkina
28 Abe 2015

Urtarrilak 7, urteko lehen Kabigorriko bertso-gaua

IMG-20151009-WA0006Eneko Fernandez lesakarra, Abel zabala irundarra, Ortzi Idoate baionarra eta Odei Barroso urruñarra ariko dira bertsotan, Aitziber Zapirain hendaiarra gai-jartzaile izango dutela. Bertso jarriak Aitor Errazkin irundarraren eskutik helduko zaizkigu. Saioari arratsaldeko 19:30etan emango diogu hasiera, ohitura dugunez. Anima zaitezte, eta balia beza, hala nahi duenak, Kabigorrik saioa eta gero mokadu bat egiteko eskaintzen duen aukera paregabea.

This slideshow requires JavaScript.

Posted in Berriak and tagged ,,,,,, | Utzi iruzkina
29 Api 2015

Maiatzeko Kabigorriko bertso gaua (2015-05-07)

Urtea nahi baino bizkorrago joan den honetan, ikasturteko azken aurreko saioarekin topo egin dugu. Maiatzaren 7an, arratsaldeko 19:30etatik aurrera, Saioa Alkaiza Guallar iruindarra, Miren Artetxe hendaiarra, Nahikari Gabilondo zarauztarra eta Egoitz Zelaia hendaiarra ariko dira bertsotan. Alaia Martin oiartzuarrak jarriko dizkie gaiak bertsolariei, eta Uxue Larrukert irundarrak jarriko ditu bat-bateko saioaren aurreko bertsoak.

Anima zaitezte! Kontuan hartu Kabigorrik saioa eta gero bikainki afaltzeko aukera eskaintzen digula ostegunero.

 

This slideshow requires JavaScript.

Posted in Besterik and tagged ,,,,,, | Utzi iruzkina
06 Ots 2015
1 Comment

Otsaileko Kabigorriko bertso gaueko argazki rallya

This slideshow requires JavaScript.

Jaso ditugu otsaileko Kabigorriko bertso gauean deitu genuen argazki rally-ko zenbait argazki. Zureak ez badizkiguzu oraindik bidali, gogoratu, irunabar@gmail.com dela gure posta elektronikoaren helbidea. Zein argazkik merezi du saria? Eman zuen iritzia, kontuan hartuko baitugu. Horretarako, argazkiaren gainean jarrita egilearen izena azaltzen da, behar den bezala, zer demonio! Badakigu horrek ez duela zuen bozkatan eragingo. Izan ere, lehiaketa hau ez; baina zuek jende serioa zaretela badakigu. 🙂

Mila esker guztioi, beste behin ere, Kabigorriko bertso gauak errealitate bihurtzen laguntzeagatik.

Martxoko zitara arte,

Irunabar.

Posted in Besterik and tagged ,

Post Navigation

← Older Entries
Newer Entries →