Manu Goiogana
Durangoko Julene Azpeitia sariketan Lehen saria jaso du Manu Goiogana irundarrak, bertso-paperen sailean, 18 urtetik gorako mailan. “Ar(i)magabeko konplizeei” da Manuren sorta irabazlearen izenburua.
Joan den maiatzaren 19an, larunbatarekin, XILABA (XIberoa, LApurdi eta BAxenafarroa)ko Eskolarteko Xapelgoaren finala jokatu zen, Hazparneko Haritz Barne zineman.
Saioa amaierara heldu zenean, txapela Elixabet Etxandi Goienetxe izpurarrak eraman zuen. Txingudiko Bertso Eskolako Irati Alcantarillak saio polita egin zuen, eta azken unera arte txapelarengatik lehian izan zen, eta honenbestez, ekainaren 9an, Saran egingo den Euskal Herriko Eskolarteko Txapelketako finalera sailkatu da. Zorionak Irati!
Urko Casado astigartarra (Txingudiko bertso eskolako kidea), Amaia Agirre billabonatarra, Eli Pagola hernaniarra eta Ainhoa Agirreazaldegi elgetarra ariko dira kantuan maiatzaren 3ko bertso gauean. Aitor Errazkin irundarrak egingo ditu gai-jartzaile lanak. Bat-bateko saioaren aurreko bertsoak Eneko Sanchez Txingudiko bertso eskolako kideak jarriak izango dira. Dena ongi bidean, arratsaldeko 19:30etan emango diogu hasiera saioari, betiko legez.
![Ainhoa Agirreazaldegi [Imanol Otegi, Argazki Press]](https://i0.wp.com/irunabar.eus/wp-content/uploads/2018/04/ainhoa-agirreazaldegi_imanol-otegi_argazki-press.jpg?w=168&h=93&ssl=1 "ainhoa agirreazaldegi_imanol otegi_argazki press")
Gogoan izan Kabigorrik saio ondotik afaltzen geratzeko aukera paregabea eskaintzen duela.
Bertan elkar ikusiko dugulakoan,
Izan bizkor eta ostegunera arte!
Gaur, apirilak 10, arratsaldeko 14:30etan jokatu da Iparraldeko Eskolarteko Txapelketako lehen kanporaketa, eta Txingudiko Bertso Eskolan dabilen Irati Alcantarilla gailendu da. Hala, Bertsulari Gazteen Xapelgoaren finalerako txartela zuzenean lortu du Iratik. Zorionak!!!
Bertsotruk 
dinamika dela eta, Txingudi eta Aramaioko taldeen arteko bertso trukea antolatu dugu apirilaren 20rako, ostiralarekin. Katea auzoko pintxo-potean emango diogu hasiera saioari, eta Elatzeta elkartean antolatuta dagoen afalostean segida emango, bertso saio formatuan.
Afariaren kostua 12 euroren bueltan izango da. Afaritara eta ondorengo bertso saiora etorri nahi baduzue, deitu edo mezua bidali 685 72 75 39 telefono zenbakira, apirilaren 16a baino lehen, zenbat lagun izango zareten zehaztuz.
Aramaiotik Xabi Igoa, Manex Agirre eta Paula Amilburu ariko dira bertsotan, eta Txinguditik, aldiz, Iñigo Ugarte, Irati Alcantarilla eta Aitor Errazkin. Gaiak jartzen Adrian Arruti irundarra ariko da.
Bertsotruk dinamikak orain bitarte utzi dituen hainbat irudi:
Apirilaren 12an, Bidasoaldeko Kabigorri Ateneoan, nola ez, Iñigo Mantzisidor “Mantxi” zarauztarra, Miren Artetxe hendaiarra, Nerea Elustondo legazpiarra, Xabi Maia baztandarra eta eta Iñigo Ugarte irundarra ariko dira bertsotan, Zuhaitz Olazabal eta Egoitz Zelaia Irunabarreko kideek ondutako gaiekin.
Bide batez, oroitu, saioa eta gero afaltzen geratzeko parada ezin hobea eskaintzen digula Kabigorrik.
Bertan elkar ikusiko dugulakoan, ongi izan eta Aste Santu eta Pazko Aste ederrak izan ditzazuela.
Irungo Hartu Hitza taldea hiriko hainbat tokitan sinadura bilketa egiten jardun zuen martxoaren 3an, talde horrek berak 2018. urteko azaroan gauzatu nahi duen herri-galdeketaren alde. Irunabarreko Aitor Errazkin eta Egoitz Zelaiak bertsotan hartu zuten parte egun hartako kale-animazioan, beste hainbat eragile eta taldetako partaiderekin batera.
Irunabarrek eta Kabigorrik duela 5 urte elkarlanean abiatutako “bertso-gauei” buruzko erreportajea argitaratu du Irunerok.
Naroa Mentaberri (Kabigorri) eta Egoitz Zelaia (Irunabar)
 | Gipuzkoako Herriarte…(e)k Txingudi A taldea aurrera, Gip… bidalketan |
 | Urko Etxebeste(e)k Txingudi A taldea aurrera, Gip… bidalketan |
| Gipuzkoako Herriarte…(e)k M-28, egun betea Donostian eta… bidalketan |
