Irunabar, Irungo bertsoaren bilgunea

Archive for the tag “Manu Goiogana”

16 maiatza 2019
1 Comment

Manu Goiogana Gipuzkoa Bertsotan [2019-05-18]

Irunabar, Irungo bertsoaren bilguneko Manu Goiogana kideak Gipuzkoa Bertsotan sailkapen faseko saioa izango du asteburu honetan. Larunbatarekin, maiatzaren 18an, Aretxabaletan arituko da Ainhoa Agirreazaldegi, Peru Aiartza, Endika Igarzabal, Julene Iturbe eta Izarne Zelaia bertsokide izango dituelarik. Saioa, Aretxabaletako Zaraia Aretoan izango da arratsaldeko 17:00etan.

Gipuzkoa Bertsotan udazkenean hasiko den Gipuzkoako Bertsolari Txapelketako aurrefasea da, 84 bertsolarik hartuko dute parte 42ko 2 taldetan banatuta. Talde bakoitzeko lehen 17ek lortuko dute udazkenean parte hartzeko txartela.

Animo, Manu!!

 

Txapelketako informazio gehiagorako bisitatu ondoko webgunea:

https://www.bertsozale.eus/eu/gipuzkoa/gipuzkoa-bertsotan

 

Posted in Berriak,Bertso saioa and tagged ,
08 Ots 2019

Ederra eta jendetsua joan zen atzo otsaileko bertso gaua

Posted in Bertso saioa,Kronikak and tagged ,,,, | Utzi iruzkina
08 Ots 2019

Otsailaren 6an izan zen “Euskara oholtzatik at” solasaldia, Blagan Euskara Elkarteak antolatuta

“Euskara oholtzatik at” solasaldi bertsoz gidatua antolatu zuen Blagan Elkarteak otsailaren 6an, Hondarribiko Kultur Etxean, Manu Goiogana, Galder Izagirre eta Fermin Muguruza gonbidatuta.

 

Posted in Besterik and tagged , | Utzi iruzkina
30 Urt 2019

Otsaileko bertso gaua, Kabigorrin [2019-02-07]

Gainean dugu dagoeneko otsaileko bertso gaua. 2019ko otsailaren 7an ariko dira, Kabigorriko oholtzan, Aitor Sarriegi, Aimar Karrika, Izarne Zelaia eta Manu Goiogana; laurak Mikel Gartzia eta Oihana Aranbururen esanetara. Bertso jarriak Mikel Garmendia irundarrak jarriak izango dira.

Gogoan izan saioa eta gero afaltzen geratzeko aukera paregabea eskaintzen digula Kabigorrik.

Anima zaitezte!

 

Posted in Bertso saioa and tagged ,,,,,,, | Utzi iruzkina
24 Urt 2019

2019-02-06 – Bertsoz gidatutako solasaldia – 19:00etan Hondarribiko Kultur Etxean

Hondarribiko Blagan euskara elkarteak antolatuta, bertsoz gidatutako solasaldia izango da hurrengo asteazkenean, otsailaren 6an, 19:00etan hasita, Hondarribiko Kultur Etxeko Areto Nagusian.
“Euskara Oholtzatik at” da solasaldiaren izena eta Galder Izagirre eta Fermin Muguruza izango dira solasean ariko direnak gai horren bueltan, Manu Goioganak bertsoz proposatutako hari-muturrei tiraka.
Atxikita doakizue emanaldia iragartzeko prestatu duten kartela, inon zabaldu edo ipini nahiko bazenute ere.

Posted in Besterik and tagged | Utzi iruzkina
06 Abe 2018

Joan zen azaroko Kabigorriko bertso-gaua

Posted in Besterik,Kronikak and tagged ,,,, | Utzi iruzkina
06 Abe 2018

Euskararen Egunarekin Txingudi Ikastolan bertso kantari

Manu Goiogana eta Aitor Errazkin irundarrak aritu ziren abenduaren 3an Txingudi Ikastolan bertso kantari. Goizez, DBHko ikasleen aurrean aritu ziren, eta arratsaldez, aldiz, Lehen Hezkuntzako 5. eta 6. mailako ikasleen aurrean. Bi bertso saioetan ikasleek jarritako gai eta ariketak izan zituzten kantagai.

Posted in Berriak,Kronikak and tagged ,, | Utzi iruzkina
03 Aza 2018

Kabigorriko azaroko bertso gaua. 2018-11-08

Jokin Bergara, German Urteaga, Manu Goiogana eta Aitor Errazkin ariko dira kantuan Kabigorriko azaroko bertso gauean. Zuhaitz Olazabalek eta Abel Zabalak jarriak dira egun horretarako gaiak, bietatik bakarra ariko bada ere oholtza gaineko aurkezle lanetan: Abel Zabala irundarra, hain zuzen ere. Bertso jarriak Egoitz Zelaia hendaiarraren eskutik iritsiko zaizkigu.

Manu Goiogana
Jokin Bergara
Aitor Errazkin
German Urteaga

Gogoan izan Kabigorrik aukera paregabea eskaintzen digula saioa eta gero afaltzen geratzeko .

Posted in Berriak,Bertso saioa and tagged ,,,,,,, | Utzi iruzkina
14 Abu 2018

Ama Xantalen-Moskuko jaiak 2018

Aurtengo Moskuko jaietan ere bi bertso saio antolatu ditu Irunabar, Irungo bertsoaren bilguneak, jai batzordeko kideekin elkarlanean. Datorren larunbatean izango da lehena, abuztuaren 18an, bertso-poteoa, herri bazkaria eta gero, arratsaldeko 17:00aetan hasita eta auzoko tabernetan barrena. Manu Goiogana irundarrak eta German Urteaga beasaindarrak kantatuko dute bertan.

Igandean, berriz, bertso saioa izango da plazan bertan, 18:00etan hasi eta 19:30ak bitarte (kartelean bestela agertzen bada ere). Bertan Alaia Martin oiartzuarrak, Igor Elortza durangarrak eta Miren Artetxe eta Egoitz Zelaia hendaiarrek kantatuko dute. Gaiak Uxue Larrukertek eta Adrian Arrutik hartu dute bere gain; egunean bertako Gai-emaile lanak Uxue Larrukert irundarrak egingo ditu, ordea.

 

Posted in Berriak,Bertso saioa and tagged ,,,,,,, | Utzi iruzkina
14 Abu 2018
1 Comment

Irungo Euskal Jiran kantuan, aurtengoan Urdanibia plazan bertan eta Urdanibia Berri-Anakan barrena

Aurtengo abuztuaren 4an Euskal Jiraren 40. edizioa ospatu dute, eta bertso kantuan jardun ziren Txingudiko bertso eskolako eta haren jirako hainbat lagun. Plazako saioan, eguerdiko 12:00ak aldera, Arkaitz Oiarzabal “Xamoa”, Egoitz Zelaia eta Abel Zabala aritu ziren kantuan, eta aurten estreinakoz, bestalde, Manu Goiogana eta Aitor Errazkin Auntxa Trikitixa Eskolako kideekin batera aritu ziren, goizeko 11:00-13:00ak bitarte Urdanibia Berriko Eihera Plazatik hasi eta Anakaraino; hauek ere Urdanibia plazako oholtzan eman zioten euren saioari errematea, 13:30ak aldera.

 

Posted in Kronikak and tagged ,,,,,

Post Navigation

← Older Entries
Newer Entries →